Tamil News LIVE: அன்பில் மகேஷ் வீட்டில் சோதனை.. வேட்புமனு தாக்கல் செய்ய இன்று கடைசி நாள்!

தமிழகத்தில் அடுத்த 7 நாட்களுக்கு பல்வேறு மாவட்டங்களில் இடி, மின்னல் மற்றும் பலத்த காற்றுடன் கூடிய மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. குறிப்பாக நீலகிரி, கோயம்புத்தூர் உள்ளிட்ட மாவட்டங்களில் வரும் நாட்களில் கனமழை பெய்யக்கூடும் என எச்சரிக்கை விடுக்கப்பட்டுள்ளது. (மேலும் படிக்க)
 

மதுரை மீனாட்சி கோயில் கும்பாபிஷேகத்தை முன்னிட்டு, கூடுதல் சிறப்பு ரயில்களை தெற்கு ரயில்வே அறிவித்துள்ளது. நெல்லை - கூடல் நகர், ராமேஸ்வரம் - பழனி, பழனி - ராமேஸ்வரம், போடிநாயக்கனூர் - கூடல் நகர், கூடல் நகர் - போடிநாயக்கனூர் வழித்தடத்தில் சிறப்பு ரயில்கள் இயக்கப்படும் என அறிவிக்கப்பட்டுள்ளது. (மேலும் படிக்க)
 

விஜய் சேதுபதிக்கு இரண்டு ஆண்டுகளுக்கு முன்பு ஜாக்பாட் அடிக்கும் என தான் கூறியதாகவும், தற்போது அவருக்கு நேரம் சரியில்லை எனவும் கவுண்டம்பாளையம் எம்எல்ஏ கனிமொழி சந்தோஷ் தெரிவித்துள்ளார். 

காங்கிரஸ் வேட்பாளராக இ. விநாயகம், CPI வேட்பாளராக ஏ. எம். சலீம், AINRC சார்பில் அசோக் ஆனந்த், திமுக சார்பில் சேது செல்வம் என தட்டாஞ்சாவடி இடைத்தேர்தல் களம் சூடுபிடித்துள்ளது. TVK ஆதரவு யாருக்கு? அக்டோபர் 6ஆம் தேதி நடைபெறும் தேர்தலின் முழு விவரங்கள்.. (மேலும் படிக்க)

15 ஆண்டுகளுக்கு பிறகு ஆதிதிராவிடர், பழங்குடியினர் மற்றும் கிறித்துவ ஆதிதிராவிடர் மாணவர்களுக்கான கல்வி உதவித்தொகையை தமிழக அரசு உயர்த்தி உள்ளது. மேலும், உதவித்தொகையினை பெறுவதற்கு புதிதாக 11 இளங்கலை படிப்புகளும் சேர்க்கப்பட்டுள்ளது. (மேலும் படிக்க)

தனியார் பள்ளிகளுக்கு அங்கீகாரம் மற்றும் பல்வேறு அனுமதிகள் வழங்கப்பட்டதில் முறைகேடுகள் நடைபெற்றதாக எழுந்த புகாரின் தொடர்ச்சியாக, முன்னாள் பள்ளிக்கல்வித்துறை அமைச்சர் அன்பில் மகேஷ் பொய்யாமொழியின் திருச்சி இல்லாத்தில் மத்திய குற்றப்பிரிவு போலீசார் சோதனை நடத்தி வருகின்றனர். 
 

காமராஜர் காலை உணவு விரிவாக்க திட்டத்தின் தொடக்க விழா ஒத்திவைக்கப்பட்டுள்ளது. முதல்வர் விஜய் லண்டனில் இருக்கும் நிலையில், இத்திட்டத்தின் தொடக்க விழா ஒத்திவைக்கப்பட்டுள்ளது. (மேலும் படிக்க)
 

நாளை (செப்டம்பர் 17) முதல் 2 நாட்களுக்கு பள்ளி, கல்லூரிகள், அரசு அலுவலகங்களுக்கு விடுமுறை அறிவிக்கப்பட்டுள்ளது. மதுரை மீனாட்சி அம்மன் கும்பாபிஷேக விழாவையொட்டி, நாளை அம்மாவட்டத்திற்கு உள்ளூர் விடுமுறை அறிவிக்கப்பட்டுள்ளது. (மேலும் படிக்க)

முன்னாள் முதல்வரும், திமுக தலைவருமான ஸ்டாலினின் உடல்நிலை குறித்து அவரே விளக்கம் அளித்துள்ளார். மருத்துவர்களின் அறிவுரைப்படி, இன்னும் இரண்டு அல்லது மூன்று நாட்கள் வீட்டிலேயே ஓய்வெடுக்க உள்ளேன் என கூறினார். (மேலும் படிக்க)