கள்ளக்குறிச்சி: மாதம் 12 ஆயிரம் உதவித்தொகை - எப்படி விண்ணப்பிப்பது?

தொழிற்பழகுநராக சேர்க்கை

தேசிய தொழிற்பழகுநர் பயிற்சி அபிவிருத்தி திட்டத்தின் கீழ் தொழிற்பழகுநராக சேர்க்கை செய்திட கள்ளக்குறிச்சி மாவட்ட அளவிலான தொழிற்பழகுநர் பயிற்சி சேர்க்கை முகாம், சின்னசேலம் அரசு தொழிற்பயிற்சி நிலைய வளாகத்தில் 23.09.2026 புதன்கிழமை காலை 9.30 மணி முதல் நடைபெறவுள்ளது.

போக்குவரத்து துறை நிறுவனம்

இம்முகாமில், கள்ளக்குறிச்சி மாவட்டத்தில் உள்ள மின் உற்பத்தி மற்றும் பகிர்மான கழகம் (TNEB) மற்றும் அரசு பொதுத்துறை நிறுவனங்கள், அரசு போக்குவரத்து துறை நிறுவனம் (TNSTC), சர்க்கரை உற்பத்தி நிறுவனங்கள் மற்றும் சிறு, குறு மற்றும் நடுத்தர தொழில் முன்னனி நிறுவனங்கள் ஒரே இடத்தில் கலந்து கொண்டு தொழிற்பழகுநர் பயிற்சிக்கு 500-க்கும் மேற்பட்ட இடங்களை நிரப்ப உள்ளனர்.

தொழிற் சாலைகளில் பிரஸ்ஸர் அப்ரண்டிஸ்

என்சிவிடி (NCVT) மற்றும் நேரடியாக தொழிற் சாலைகளில் பிரஸ்ஸர் அப்ரண்டிஸ்ஸாக சேர்ந்து 3 முதல் 6 மாத கால அடிப்படை பயிற்சியும், ஓராண்டு முதல் இரண்டு ஆண்டுகள் அப்ரண்டிஸ் பயிற்சியும் பெற்று தேசிய தொழிற்பழகுநர் சான்றிதழ் பெறலாம்.

இப்பயிற்சிக்கு மாதாந்திர உதவித்தொகை

இப்பயிற்சிக்கு மாதாந்திர உதவித்தொகை ரூ.9,600 முதல் ரூ.12,000 வரை நிறுவனத்தால் வழங்கப்படும். எனவே இந்த அரிய வாய்ப்பினை பயன்படுத்திக்கொள்ள கேட்டுக்கொள்ளப்படுகிறார்கள்.

மேலும் விவரங்களுக்கு ...........

மேலும் விவரங்களுக்கு உதவி இயக்குநர், மாவட்டத் திறன் பயிற்சி அலுவலகம், விழுப்புரம் மற்றும் கள்ளக்குறிச்சி என்ற முகவரியிலும், 04146-294989 என்ற தொலைபேசி எண்ணிலும், மண்டல பயிற்சி இணை இயக்குநர், விழுப்புரம் 04146-250573 என்ற தொலைபேசி எண்ணிலும் தொடர்பு கொள்ளலாம் என மாவட்ட ஆட்சித்தலைவர் தெரிவித்துள்ளார்.