மகளிர் உரிமைத்தொகை : தீபாவளி பரிசாக ரூ.2000 கொடுக்கப்படுமா? முக்கிய அப்டேட்

மகளிர் உரிமைத்தொகை முக்கிய அப்டேட்

தமிழ்நாடு அரசு மாதந்தோறும் வழங்கி வரும் மகளிர் உரிமைத்தொகை குறித்த முக்கிய அப்டேட் இப்போது வெளியாகியுள்ளது. நவம்பர் மாதத்துக்கான மகளிர் உரிமைத்தொகையை முன்கூட்டியே பெண் பயனாளிகளின் வங்கிக் கணக்குகளில் வரவு வைக்க அரசு திட்டமிட்டுள்ளது.

புத்தாடை, இனிப்பு வாங்க பொதுமக்கள் ஆர்வம்

தீபாவளி பரிசாக இதனை கொடுக்க அரசு திட்டமிட்டிருக்கிறது. ஏனென்றால் அடுத்த மாதம், அதாவது நவம்பர் 8 ஆம் தேதி தீபாவளி கொண்டாடப்படுகிறது. இதற்காக புத்தாடை, இனிப்பு வாங்க பொதுமக்கள் ஆர்வம் காட்டுவார்கள்.

ஆயிரம் ரூபாயை முன்கூட்டியே செலுத்த திட்டம்

இதனைக் கருத்தில் கொண்டுள்ள தமிழ்நாடு அரசு இத்திட்டத்தில் பயனாளிகளாக உள்ள 1.31 கோடி பெண்களின் வங்கிக் கணக்குகளில் நவம்பர் மாத தொகையான ஆயிரம் ரூபாயை முன்கூட்டியே செலுத்த திட்டமிட்டிருக்கிறது. இது பொதுமக்களை மிகுந்த மகிழ்ச்சியில் ஆழ்த்துவதுடன், விழா காலத்தில் பணத் தேவையை பூர்த்தி செய்வதாகவும் அமையும் என்றும் கருதுகிறது.

மகளிர் உரிமைத்தொகை முன்கூட்டியே கிடைக்க வேண்டும்

இதுவே இத்திட்ட பயனாளிகளின் எண்ணமாகவும் இருக்கிறது. மகளிர் உரிமைத்தொகை முன்கூட்டியே கிடைக்க வேண்டும் என ஏழை எளிய குடும்பங்களைச் சேர்ந்த பெண்கள் நினைக்கின்றனர். இதனை அறிந்தே அரசு இத்தகைய முடிவை எடுத்திருக்கிறது.

தமிழக வெற்றிக் கழகத்தின் தேர்தல் அறிக்கை

அதேநேரத்தில், மகளிர் உரிமைத்தொகை தீபாவளி பரிசாக உயர்த்தி வழங்கப்படுமா? என்ற எதிர்பார்ப்பும் பெண்கள் மத்தியில் இருக்கிறது. இதற்கு காரணம், முதலமைச்சர் விஜய் தமிழக வெற்றிக் கழகத்தின் தேர்தல் அறிக்கையில், தாங்கள் ஆட்சிக்கு வந்தால் மகளிர் உரிமைத்தொகை மாதம் 2000 ரூபாயாக உயர்த்திக் கொடுக்கப்படும் என கூறியிருந்தார்.

வாய்ப்புகள் குறைவு

அந்த தேர்தல் வாக்குறுதியை நிறைவேற்றும் வகையில் தீபாவளி பரிசாக மகளிர் உரிமைத்தொகை திட்டத்தை 2000 ரூபாயாக உயர்த்தி வழங்கப்படும் என்ற அறிவிப்பை வெளியிடுவார் என்றும் பெண்கள் எதிர்பார்க்கின்றனர். ஆனால், அரசு இப்போது இருக்கும் நிதி நெருக்கடியில் இந்த அறிவிப்பை வெளியிடுவதற்கான வாய்ப்புகள் குறைவு என்றும், அதேநேரத்தில் முன்கூட்டியே நவம்பர் மாத மகளிர் உரிமைத்தொகை பயனாளிகளின் வங்கிக் கணக்குகளில் வரவு வைப்பதற்கான வாய்ப்புகள் பிரகாசமாக இருப்பதாகவும் அரசு வட்டாரங்கள் தெரிவிக்கின்றன.