- ஜி நியூஸ் தமிழ்
- /Photos
- /பிஎம் கிசான் : புதிதாக விண்ணப்பிக்கலாம்! தமிழக விவசாயிகளுக்கு முக்கிய அறிவிப்பு
பிஎம் கிசான் : புதிதாக விண்ணப்பிக்கலாம்! தமிழக விவசாயிகளுக்கு முக்கிய அறிவிப்பு
Written ByKarthikeyan Sekar
Published: Oct 06, 2026, 06:32 PM IST|Updated: Oct 06, 2026, 06:37 PM IST
PM Kisan : பிஎம் கிசான் திட்டத்தில் புதிதாக விண்ணப்பிக்கலாம் என தமிழ்நாடு அரசு அறிவிப்பை தஞ்சாவூர் மாவட்ட ஆட்சியர் தெரிவித்துள்ளார்.
PM Kisan Latest Update: பிஎம் கிசான் திட்டத்தில் புதிதாக யாரெல்லாம் விண்ணப்பிக்கலாம்?, எப்படி விண்ணப்பிக்கலாம்? என்பது குறித்த முக்கிய அப்டேட்டை இங்கே தெரிந்து கொள்ளுங்கள்
1/7பிஎம் கிசான் சிறப்பு முகாம் அறிவிப்பு
பிஎம் கிசான் சிறப்பு முகாம் அறிவிப்பு : தஞ்சாவூர் மாவட்டத்தில் பிரதம மந்திரி கிசான் கௌரவ நிதி திட்டத்தின் கீழ் விடுபட்ட தகுதியுள்ள விவசாயிகள் பயன்பெறவும், தவணைத் தொகை நிறுத்தப்பட்டவர்கள் மீண்டும் பெறவும் மாவட்டம் முழுவதும் சிறப்பு முகாம்கள் 31.10.2026 வரை நடைபெறுகின்றன என மாவட்ட ஆட்சியர் ரேவதி தெரிவித்துள்ளார்.
2/7உதவித்தொகை பெற முடியாத விவசாயிகள் விவரம்
உதவித்தொகை பெற முடியாத விவசாயிகள் விவரம் : இத்திட்டத்தின் கீழ் வங்கிக் கணக்குடன் ஆதார் எண்ணை இணைக்காத 3,084 விவசாயிகள், மின்னணு கே.ஒய்.சி. (e-KYC) முடிக்காத 1,348 விவசாயிகள் மற்றும் இவை இரண்டையுமே செய்யாத 242 விவசாய பயனாளிகள் தற்போது நிதிப் பலனைப் பெற முடியாத நிலையில் உள்ளனர்.
3/7வட்டார முகாம்கள்
குறைபாடுகளை சரிசெய்ய வட்டார முகாம்கள் : தகுதியுடைய விவசாயிகள் வட்டார அளவில் உள்ள வேளாண்மை உதவி இயக்குநர் அலுவலகத்தில் நடைபெறும் சிறப்பு முகாம்களில் பங்கேற்கலாம். அங்கு வேளாண்மை, தோட்டக்கலை, வேளாண் வணிகம் மற்றும் வருவாய்த்துறையினருடன் இணைந்து ஆவணக் குறைபாடுகள் சரிசெய்யப்படும்.
4/7இ-சேவை மையங்களை அணுகலாம்
வங்கிகள் மற்றும் இ-சேவை மையங்களை அணுகலாம் : வங்கிக் கணக்குடன் ஆதார் எண்ணை இணைக்காதவர்கள் உடனடியாக சம்பந்தப்பட்ட வங்கிகளை அணுக வேண்டும், அதேபோன்று e-KYC செய்யாத விவசாயிகள் அருகிலுள்ள பொது சேவை மையங்களை (CSC) அணுகி பதிவை நிறைவு செய்யுமாறு அறிவுறுத்தப்பட்டுள்ளது.
5/724-வது தவணை
24-வது தவணை நிதி பெற முக்கிய நடைமுறைகள் : விரைவில் பிரதம மந்திரி கிசான் திட்டத்தின் 24-வது தவணைத் தொகை வழங்கப்பட உள்ளது. இதனால் நில ஆவணங்களைப் புதுப்பித்தல், வங்கிக் கணக்குடன் ஆதார் இணைப்பு மற்றும் e-KYC பதிவுகளை உடனே சரிசெய்வது அவசியமாகும்.
6/7வட்டார அலுவலர்களின் தொடர்பு எண்கள்
வட்டார அலுவலர்களின் தொடர்பு எண்கள் : தஞ்சாவூர்: 9659996866, திருவையாறு: 9344209660, பூதலூர்: 8838096352, ஒரத்தநாடு: 7598244399, திருவோணம்: 9597802411, பட்டுக்கோட்டை: 8526062230, மதுக்கூர்: 7904173513, பேராவூரணி: 6381918376, சேதுபாவாசத்திரம்: 9443785789, பாபநாசம்: 9942136183, அம்மாப்பேட்டை: 9344072899, கும்பகோணம்: 9655478617, திருவிடைமருதூர்: 9080175515, திருப்பனந்தாள்: 8220719849.
7/7மாவட்ட ஆட்சியரின் முக்கிய வேண்டுகோள் :
மாவட்ட ஆட்சியரின் முக்கிய வேண்டுகோள் : தஞ்சாவூர் மாவட்டத்தைச் சேர்ந்த விவசாயிகள் அனைவரும் 31.10.2026-க்குள் இந்தச் சிறப்பு முகாம்களை முழுமையாகப் பயன்படுத்தி, விடுபட்ட தகவல்களைப் பதிவு செய்து அரசு வழங்கும் நிதி உதவியைத் தொடர்ந்து பெறுமாறு மாவட்ட ஆட்சியர் கேட்டுக்கொண்டுள்ளார்.TAGS:
Trending
- News
- Photos
- Videos
)