மதுரைக்கு ரெட் அலர்ட்... அவசர உதவி எண் அறிவிப்பு

தமிழ்நாட்டில் தொடரும் மழை

வடகிழக்கு பருவமழை காரணமாக பரவலாக தமிழ்நாடு முழுவதும் கடந்த சில நாட்களாக கனமழை பெய்து வருகிறது. தலைநகர் சென்னையிலும் கனமழை பெய்கிறது.

மதுரையில் கனமழை

சென்னையை போல் மதுரை மாவட்டத்திலும் தொடர் மழை பெய்து வருகிறது. மதுரை மாவட்டத்தில் தொடர் மழை காரணமாக பல இடங்களில் மழைநீர் தேங்கியது. மதுரை மாநகராட்சி சார்பில் எடுக்கப்பட்ட நடவடிக்கையால் பல இடங்களில் இயல்பு நிலை திரும்பிவிட்டது.

மதுரைக்கு ரெட் அலர்ட்

இந்நிலையில், மதுரையில் நாளை (அக். 25) அதி கனமழைக்கான எச்சரிக்கை விடுக்கப்பட்டுள்ளது. இதைத் தொடர்ந்து பல்வேறு முன்னெச்சரிக்கை நடவடிக்கைகளை மதுரை மாநகராட்சி எடுத்து வருகிறது.

முன்னெச்சரிக்கை பணிகள்

குறிப்பாக, மதுரை மாநகராட்சி மண்டலம் செல்லூர் 60 அடி ரோடு, கட்டபொம்மன் தெரு, எப். எப் ரோடு பகுதிகளில் பந்தல்குடி வாய்க்காலில் மாநகராட்சி மூலம் முன்னெச்சரிக்கை நடவடிக்கை பணிகள் மேற்கொள்ளப்பட்டு வருகின்றன. அதை மாநகராட்சி ஆணையாளர் கௌரவ் குமார் பார்வையிட்டு ஆய்வு மேற்கொண்டார்.

அவசர உதவி எண்

மேலும் மதுரை மாநகராட்சி கனமழை அவசர உதவி எண்ணும் அறிவிக்கப்பட்டது. 9003990030 என்ற தொலைப்பேசி எண்ணும், 9600112811 என்ற வாட்ஸ்அப் எண்ணும் வழங்கப்பட்டுள்ளது.