சேலம் மாவட்டம் செவிலியர் வேலைவாய்ப்பு - விண்ணப்பிப்பது எப்படி?

சேலம் மாவட்ட சுகாதாரத் துறை

சேலம் மாவட்ட சுகாதாரத் துறையில் காலியாக உள்ள பணியிடங்களை நிரப்பும் வகையில், ஒப்பந்த மற்றும் தற்காலிக அடிப்படையில் 187 செவிலியர் பணியிடங்களுக்கான வேலைவாய்ப்பு அறிவிப்பை மாவட்ட நிர்வாகம் வெளியிட்டுள்ளது. தகுதியும் விருப்பமும் உள்ள நபர்களிடமிருந்து விண்ணப்பங்கள் வரவேற்கப்படுவதாக மாவட்ட ஆட்சித்தலைவர் இளம்பகவத் தெரிவித்துள்ளார்.

தனியார் செவிலியர் கல்லூரி

கல்வித் தகுதி: இப்பணிகளுக்கு விண்ணப்பிக்கும் நபர்கள் அரசு அல்லது அரசால் அங்கீகரிக்கப்பட்ட தனியார் செவிலியர் கல்லூரியில், இந்திய நர்சிங் கவுன்சில் (Indian Nursing Council - INC) அங்கீகாரத்துடன் GNM (General Nursing and Midwifery) அல்லது B.Sc. Nursing முடித்திருக்க வேண்டும்.

பேறுகால உதவியாளர்

அத்துடன் தமிழ்நாடு செவிலியர் மற்றும் பேறுகால உதவியாளர் மன்றத்தில் (Tamil Nadu Nurses and Midwives Council) தங்களின் படிப்பை முறையாகப் பதிவு செய்து, செல்லுபடியாகும் பதிவை (Valid Registration) பெற்றிருப்பது கட்டாயமாகும்.

விண்ணப்பதாரர்கள் 50 வயது

விண்ணப்பதாரர்கள் 50 வயதுக்குள் இருக்க வேண்டும் என அறிவிப்பில் தெரிவிக்கப்பட்டுள்ளது. விருப்பமுள்ளவர்கள் சேலம் மாவட்டத்தின் அதிகாரப்பூர்வ இணையதளமான www.salem.nic.in என்ற முகவரிக்குச் சென்று விண்ணப்பப் படிவத்தைப் பதிவிறக்கம் செய்து கொள்ளலாம். பூர்த்தி செய்யப்பட்ட விண்ணப்பங்களை உரிய ஆவண நகல்களுடன் இணைத்து, தபால் மூலமாகவோ அல்லது நேரடியாகவோ சமர்ப்பிக்க வேண்டும்.

விண்ணப்பம் அனுப்ப வேண்டிய முகவரி:

விண்ணப்பம் அனுப்ப வேண்டிய முகவரி: மாவட்ட சுகாதார அலுவலர் / நிர்வாகச் செயலாளர், சேலம் மாவட்ட நலச்சங்கம், பழைய நாட்டாண்மை கழக வளாகம், சேலம் – 636 001.

கடைசி நாள்:

கடைசி நாள்: பூர்த்தி செய்யப்பட்ட விண்ணப்பங்கள் வந்து சேர வேண்டிய கடைசி நாள் 26.09.2026 அன்று மாலை 5.00 மணி ஆகும். காலக்கெடு முடிந்த பிறகு பெறப்படும் விண்ணப்பங்கள் ஏற்றுக்கொள்ளப்பட மாட்டாது என்பதால், செவிலியர் படிப்பை முடித்து அரசு மருத்துவத் துறையில் பணியாற்ற விரும்பும் தகுதியான நபர்கள் விரைந்து விண்ணப்பிக்குமாறு கேட்டுக்கொள்ளப்படுகிறார்கள்.