தாய்மாமன் தங்க மோதிரம் திட்டம் : கட்டாயம் வைத்திருக்க வேண்டிய ஆவணங்கள்!

என்னென்ன ஆவணங்கள் தேவை

தாய்மாமன் தங்க மோதிர திட்டத்தில், ஒரு வீட்டில் பிறக்கும் ஒவ்வொரு குழந்தைக்கும் தனித்தனியாக ஒரு கிராம் தங்க நாணயம் வழங்கப்படும். மூன்று குழந்தைகள் வரை தலா ஒரு கிராம் தங்க நாணயம் பெறலாம் என அரசு அறிவித்துள்ளது. இத்திட்டத்தில் தங்க நாணயம் பெற என்னென்ன ஆவணங்கள் தேவை என்பதை இங்கே தெரிந்து கொள்ளுங்கள்.

12 இலக்க RCH ID அட்டை கட்டாயம்

கர்ப்பிணிப் பெண்கள் ஆரம்ப சுகாதார நிலையம் அல்லது கிராம சுகாதார செவிலியரிடம் கர்ப்பத்தை முன்பதிவு செய்து பெற்ற PICME எண் மற்றும் 12 இலக்க RCH ID அட்டை கட்டாயம் இருக்க வேண்டும்.

டிஸ்சார்ஜ் அறிக்கை

அரசு மருத்துவமனை அல்லது ஆரம்ப சுகாதார நிலையத்தில் குழந்தை பிறந்ததற்கான ஆவணம் மற்றும் மருத்துவமனையில் இருந்து வீடு திரும்பும்போது வழங்கப்படும் டிஸ்சார்ஜ் அறிக்கை இருக்க வேண்டும்.

கட்டாயம் தேவையான ஆவணங்கள்

தாயின் ஆதார் அட்டை, ரேஷன் கார்டு, இருப்பிடச் சான்று, வாக்காளர் அடையாள அட்டை, தாயின் வங்கிக் கணக்கு புத்தக நகல்.

யாருக்குக் கிடைக்கும்?

யாருக்குக் கிடைக்கும்? - அரசு மருத்துவமனைகள் மற்றும் அரசு ஆரம்ப சுகாதார நிலையங்களில் பிறக்கும் அனைத்துக் குழந்தைகளுக்கும் பாலின பாகுபாடின்றி ஆண், பெண் இருவருக்கும் இந்த 1 கிராம் தங்க மோதிரம் வழங்கப்படுகிறது. மருத்துவமனையில் இருந்து தாய் குழந்தையுடன் வீடு திரும்பும் வேளையிலேயே இந்தத் தங்க மோதிரம் நேரடியாக வழங்க ஏற்பாடு செய்யப்பட்டுள்ளது.