நீலகிரி அரசு வேலை: 10-ஆம் வகுப்பு தேர்ச்சி போதும் – விண்ணப்பிக்க அக். 29 கடைசி நாள்!

Nilgiris Government Job 2026: நீலகிரி மாவட்ட ஊரக வளர்ச்சி மற்றும் ஊராட்சி அலகில் காலியாக உள்ள அரசுத் தலைப்பின் கீழ் ஆதிதிராவிடர் குறைவு பதிவறை எழுத்தர் பணியிடத்தைச் சிறப்பு ஆட்சேர்ப்பு முகாம் மூலம் நிரப்புவதற்கான அதிகாரப்பூர்வ வேலைவாய்ப்பு அறிவிப்பை மாவட்ட நிர்வாகம் வெளியிட்டுள்ளது. தகுதியும் விருப்பமும் உள்ள விண்ணப்பதாரர்கள் வரும் 2026 செப்டம்பர் 29 ஆம் தேதிக்குள் நேரடியாக விண்ணப்பிக்கலாம் என அறிவிக்கப்பட்டுள்ளது.  

சென்னை ஊரக வளர்ச்சி மற்றும் ஊராட்சி இயக்கக ஆணையரின் கடித வழிகாட்டுதலின்படி, நீலகிரி மாவட்ட ஊரக வளர்ச்சி அலகில் அரசுத் தலைப்பில் காலியாகக் கண்டறியப்பட்ட இந்த ஒரு ஆதிதிராவிடர் (பொது) குறைவுப் பணியிடத்தை நிரப்ப நடவடிக்கை எடுக்கப்பட்டுள்ளது. இப்பணிக்கான கல்வித் தகுதியாகப் பத்தாம் வகுப்பு தேர்ச்சி நிர்ணயிக்கப்பட்டுள்ளது. தேர்வாகும் பணியாளருக்கு ஊதிய நிலை 2ன் கீழ் மாத ஊதியமாக ரூ.15,900 முதல் ரூ.58,500 வரை வழங்கப்படும்.  

வயது வரம்பைப் பொறுத்தவரை, 01.07.2026 அன்றைய தேதியின்படி விண்ணப்பதாரர்கள் குறைந்தபட்சம் 18 வயது பூர்த்தியடைந்தவராகவும், அதிகபட்சமாக 37 வயதுக்கு உட்பட்டவராகவும் இருக்க வேண்டும். மாற்றுத்திறனாளிகளுக்கு அரசு விதிகளின்படி அதிகபட்ச வரம்பிலிருந்து கூடுதலாக 10 ஆண்டுகள் வரை வயது வரம்பு தளர்வு உண்டு. ஆதிதிராவிடர் பிரிவைச் சேர்ந்த முன்னாள் இராணுவ வீரர்களுக்கு 18 முதல் 55 வயது வரை தளர்வு அனுமதிக்கப்படும்.  

இப்பணிக்கு விண்ணப்பிக்கும் ஆதிதிராவிடர், ஆதரவற்ற விதவை, மாற்றுத்திறனாளிகள் மற்றும் முன்னாள் இராணுவ வீரர்கள் விண்ணப்பக் கட்டணமாக ரூ.50/- செலுத்த வேண்டும். இக்கட்டணத்தை 'நீலகிரி மாவட்ட ஆட்சியரின் நேர்முக உதவியாளர் (வளர்ச்சி)' அவர்களின் பெயரிலான இந்தியன் வங்கி கணக்கு எண்: 8038019227 (IFSC Code: IDIB000S004) என்ற கணக்கில் செலுத்தி, அதற்கான அசல் ரசீதை விண்ணப்பத்துடன் கட்டாயம் இணைக்க வேண்டும்.  

தகுதியான நபர்கள் நீலகிரி மாவட்டத்தின் அதிகாரப்பூர்வ இணையதளமான https://nilgiris.nic.in என்ற முகவரியிலிருந்து விண்ணப்பப் படிவத்தைப் பதிவிறக்கம் செய்துகொள்ளலாம். பூர்த்தி செய்யப்பட்ட விண்ணப்பத்துடன் கல்வித்தகுதிச் சான்றிதழ், மாற்றுச் சான்றிதழ், சாதிச் சான்றிதழ், வயது மற்றும் முகவரி ஆதாரச் சான்றுகள், கட்டணம் செலுத்தியதற்கான ரசீது ஆகியவற்றின் நகல்களில் சுய சான்றொப்பமிட்டு இணைக்க வேண்டும்.

பூர்த்தி செய்யப்பட்ட விண்ணப்பங்களை வரும் 29.09.2026 அன்று பிற்பகல் 5.45 மணிக்குள், "மாவட்ட ஆட்சியரின் நேர்முக உதவியாளர் (வ), மாவட்ட ஆட்சியரகம் (வளர்ச்சிப் பிரிவு), உதகமண்டலம் - 643001" என்ற முகவரியில் நேரில் மட்டுமே சமர்ப்பிக்க வேண்டும். தபால் மூலமாகவோ அல்லது காலதாமதமாகவோ பெறப்படும் விண்ணப்பங்கள் ஏற்றுக்கொள்ளப்படாது. தகுதியான விண்ணப்பதாரர்களுக்கு அடுத்தகட்டமாக சான்றிதழ் சரிபார்ப்பு மற்றும் நேர்முகத் தேர்வு நடைபெறும் இடம், தேதி குறித்த நேர்காணல் அழைப்புக் கடிதம் தனியாக அனுப்பி வைக்கப்படும் எனத் தெரிவிக்கப்பட்டுள்ளது.