சவுக்கு சங்கருக்கு 3 ஆண்டு சிறை..? 13 ஆண்டுகளுக்கு பின் வந்த தீர்ப்பு-பின்னணி என்ன?

தன்னை பற்றிய, அவதூறான கருத்துகளை வெளியிட்டதாக கூறி, பிரபல யூடியூபர் சவுக்கு சங்கர் மீது, தனியார் தொலைக்காட்சி செய்தி வாசிப்பாளர் ஒருவர் கடந்த 2013ஆம் ஆண்டில், புகார் கொடுத்திருந்தார். அந்த புகாரின் பின்னணி என்ன? சவுக்கு சங்கருக்கு 3 ஆண்டு சிறை தண்டனை கிடைத்த விவரம் குறித்து இங்கு தெரிந்து கொள்வோம்.

சவுக்கு சங்கருக்கு 3 ஆண்டுகள் சிறை!

போலீசார், அந்த செய்தி வாசிப்பாளர் கொடுத்த புகாரின் பேரில், அவர் மீது வழக்குப்பதிவு செய்தனர். இதையடுத்து, இந்த வழக்கின் விசாரணை, சென்னை எழும்பூர் கூடுதல் தலைமை பெருநகர குற்றவியல் நடுவர் நீதிமன்றத்தில் நடைபெற்று வந்தது. தற்போது, சவுக்கு சங்கருக்கு 3 ஆண்டுகள் சிறை தண்டனை வழங்கி, நீதிபதி சிவசக்தி தீர்ப்பளித்திருந்தார்.

மேலும் படிக்க | தமிழ்நாடு மின்தடை.. நாளை (அக்டோபர் 01) எங்கெல்லாம்? லிஸ்ட் இங்கே!

30 நாட்கள் கால அவகாசம்:

சவுக்கு சங்கர் தரப்பிலிருந்து, தன் மீது சுமத்தப்பட்ட குற்றச்சாட்டுகள் அனைத்தும் பொய்யானவை என வாதிடப்பட்டது. இந்த 3 ஆண்டு சிறை தண்டனை உத்தரவை எதிர்த்து, சவுக்கு சங்கர் மேல்முறையீடு செய்வதற்கு 30 நாட்களுக்கு, அவகாசம் வழங்கிய நீதிபதி, அவருடைய தண்டனையை நிறுத்தி வைத்து உத்தரவிட்டிருக்கிறார்.

வழக்கின் பின்னணி:

வழக்கு தொடுத்த செய்தி வாசிப்பாளர், தன்னுடன் பணியாற்றும் வேறு ஒரு இளம் பெண் செய்தி வாசிப்பாளரை, தன்னுடைய சகோதரருக்கு திருமணம் செய்து வைத்திருப்பதாக கூறப்படுகிறது.

திருமணம் முடிந்த சில நாட்களிலேயே, குடும்பத்தில் பிரச்சனை ஏற்பட்டதால், அந்த இளம் பெண் செய்தி வாசிப்பாளர், அமைந்தகரை காவல் நிலையத்தில் புகார் அளித்துள்ளார். அதன் பேரில், இந்திய தண்டனை சட்டம் பிரிவு 498A மற்றும் பெண்கள் வன்கொடுமை தடைச்சட்டம் பிரிவு 4ன் கீழ் வழக்குப்பதிவு செய்யப்பட்டுள்ளது.

இதையடுத்து, சவுக்கு நெட் இணையதளத்தை நடத்தும் ஏ.சங்கருடன் சேர்ந்து, அந்த செய்தி வாசிப்பாளர் மற்றும் அவருடைய குடும்பத்தினருக்கு எதிராக, அவதூறான மற்றும் தவறான செய்திகளை இணையதளத்தில் வெளியிட்டதாக கூறப்படுகிறது.

அந்த அவதூறு பதிவுகளை இணையதளத்தில் இருந்து நீக்குவதற்காக, சவுக்கு சங்கரும், அவருடைய கூட்டாளிகளும் தனக்கு மிரட்டல் விடுத்ததாகவும், போலி ஆவணங்களை தயாரித்ததாகவும் அந்த செய்தி வாசிப்பாளர் எழும்பூர் நீதிமன்றத்தில் முறையிட்டிருந்தார். 

மேலும் படிக்க | ஒப்பந்த செவிலியர் நியமனத்தில் முறைகேடு புகார்: அமைச்சர் அருண்ராஜ் தொகுதியில் வெடித்த சர்ச்சை