தாம்பரம் டெண்டர் சர்ச்சை Explained: தமிழ்நாடு அரசின் விளக்கமும்... எழும் சந்தேகங்களும்...

தாம்பரம் மாநகராட்சியில் டெண்டர் சட்ட விதியை மீறி டெண்டர் கோரப்பட்டதாக அறப்போர் இயக்கம் பெரும் குற்றச்சாட்டை முன்வைத்துள்ளது. இதுகுறித்து விரிவாக வீடியோவும் வெளியிட்டுள்ளது. அறப்போர் இயக்கம் முன்வைத்த முறைகேடு குற்றச்சாட்டை தொடர்ந்து தமிழ்நாடு அரசும் அதிகாரிகளை மாற்றம் செய்து நடவடிக்கை எடுத்தது.

மேலும் இந்த விவகாரம் குறித்து தமிழ்நாடு அரசு விளக்கம் அளித்து நேற்றிரவு நீண்ட விளக்கம் அளித்திருந்தது. தமிழ்நாடு அரசு அளித்த விளக்கத்திலும் முரண்பாடுகள் இருப்பதாக அறப்போர் இயக்கம் மீண்டும் குற்றஞ்சாட்டி உள்ளது. இந்நிலையில், இவ்விவகாரம் குறித்து விரிவாக காணலாம்.

மேலும் படிக்க | தவெக அரசின் முதல் ஊழல் குற்றச்சாட்டு... சிலை ரெடி... டெண்டர் மட்டும் Pending...

அறப்போர் இயக்கம் வைத்த குற்றச்சாட்டுகள்

டெண்டர் 1

• பெருங்களத்தூர் பாலம் ரவுண்டானா அசோகத் தூண் அமைத்தல் மற்றும் அழகுபடுத்தும் பணிகளுக்காக 27 லட்சத்து 30 ஆயிரம் ரூபாய் மதிப்பிலான தமிழ்நாடு அரசின் டெண்டர் இணையதளத்தில் கடந்த ஆகஸ்ட் 6ஆம் தேதி அன்றுதான் வெளியிடப்பட்டது, இந்த டெண்டர் திறக்கப்பட வேண்டிய தேதி ஆகஸ்ட் 24 அன்றுதான்.
• ஆனால், டெண்டர் அறிவிப்பு வெளியாவதற்கு 8 நாட்களுக்கு முன் கடந்த ஜூலை 29ஆம் தேதி அன்றே இப்பணி முடிக்கப்பட்டு அமைச்சர் மற்றும் அதிகாரிகளால் திறப்பு விழா செய்யப்பட்டுள்ளதாக அறப்போர் இயக்கம் தெரிவிக்கிறது.

• மேலும் திறப்பு விழா குறித்த புகைப்படங்கள் அமைச்சர் சரத்குமார் மற்றும் தாம்பரம் மாநகராட்சியின் அதிகாரப்பூர்வ சமூக வலைதளப் பக்கங்களில் ஜூலை 29ஆம் தேதி அன்றே பதிவேற்றப்பட்டுள்ளன.

   

   

   

   

  View this post on Instagram

   

   

   

   

   

   

   

   

   

   

   

  A post shared by Ghilli Sarath (@ghilli_sarath)

  டெண்டர் கோரப்பட்ட நாள்	ஆகஸ்ட் 6
  டெண்டர் திறக்கப்பட வேண்டிய நாள்	ஆகஸ்ட் 24
  சிலை திறக்கப்பட்ட நாள்	ஜூலை 29

டெண்டர் 2

• சிட்லபாக்கத்தில் தண்ணீர் சேமிப்பு விழிப்புணர்வு சிலை அமைத்தல் மற்றும் அழகுபடுத்தும் பணிகளுக்காக 18 லட்சத்து 60 ஆயிரம் ரூபாய் மதிப்பிலான டெண்டரும் ஆகஸ்ட் 6ஆம் தேதி அன்றுதான் வெளியிடப்பட்டது. இதன் டெண்டர் திறப்பு தேதியும் ஆகஸ்ட் 24 அன்றுதான்.
• ஆனால், ஆகஸ்ட் 10ஆம் தேதி அன்றே இந்த சிலை திறக்கப்பட்டு, அதற்கான புகைப்படங்களும் சமூக வலைதளங்களில் அதே நாளில் பகிரப்பட்டுள்ளன.
• டெண்டர் திறக்கப்படுவதற்கு 14 நாட்களுக்கு முன்பாகவே பணி முடிக்கப்பட்டு திறக்கப்பட்டுள்ளது இது அதிகாரிகளுக்கும் ஒப்பந்ததாரருக்கும் இடையேயான சட்டவிரோத கூட்டணியை உறுதி செய்வதாக அறப்போர் இயக்கம் தெரிவித்துள்ளது.

 

 

 

 

View this post on Instagram

 

 

 

 

 

 

 

 

 

 

 

A post shared by D.Sarathkumar (@sarathkumar_minister)

அறப்போர் இயக்க்கம் முன்வைக்கும் பின்னணியும், ஆதாரமும்...

முன்கூட்டியே தீர்மானிக்கப்பட்ட ஒப்பந்ததாரர்களுக்கு (Contractors) சட்டவிரோதமாக டெண்டர்களை வழங்குவதற்காக, சுமார் ரூ. 45 லட்சத்து 90 ஆயிரம் மதிப்பிலான இரண்டு பணிகள் டெண்டர் வழங்கும் செயல்முறை முடிவடைவதற்கு முன்பாகவே பணிகள் முடிக்கப்பட்டு தாம்பரம் மாநகராட்சி ஆணையர் பாலச்சந்திரன் ஐஏஎஸ், மனிதவள மேலாண்மைத் துறை அமைச்சர் சரத்குமார் ஆகியோர் இந்த பணிகளைத் திறந்துவைத்து திறப்பு விழா நடத்தியதாக அறப்போர் இயக்கம் குறிப்பிட்டுள்ளது.

மேலும் படிக்க | காலை உணவுத் திட்ட விரிவாக்கம்.. தொடக்க விழா தேதியில் திடீர் மாற்றம்!

அதிகாரிகளின் பிளான் இதுதான்...

இந்த இரண்டு டெண்டர்களுக்கான நிதி ஏலங்கள் ஆகஸ்ட் 24ஆம் தேதி அன்று திறக்கப்பட வேண்டும். ஆனால், இணையதளத்தில் அவை இன்று வரை (அதாவது நேற்று வரை - செப். 15) To be opened என்ற நிலையிலேயே வைக்கப்பட்டுள்ளன என அறப்போர் இயக்கம் கூறியுள்ளது.

தாம்பரம் மாநகராட்சியில் (TCMC) டெண்டர் சட்ட விதியை அப்பட்டமாக மீறி, டெண்டர் கோரப்படும் முன்பே கூட்டுசதி செய்து பணிகளை முடித்து திறப்பு விழா செய்துள்ள மிகப்பெரிய முறைகேட்டை அறப்போர் இயக்கம் தகுந்த ஆதாரங்களுடன் வெளிச்சத்திற்கு கொண்டு வந்துள்ளது. ஊழலற்ற நிர்வாகத்தை வழங்குவோம் என… pic.twitter.com/eaebPAKc5v

— Arappor Iyakkam (@Arappor) September 15, 2026

டெண்டர் கோரலில் பங்கேற்ற ஒப்பந்ததாரர்கள், டெண்டரை வென்றவர் (L1 Bidder) யார் என்ற விவரங்களை மக்களிடம் இருந்து மறைக்கவே அதிகாரிகள் இணையத்தில் to be opened என்ற நிலையிலேயே வைத்துள்ளதாக அறப்போர் இயக்கம் குற்றஞ்சாட்டி இருக்கிறது.

தமிழ்நாடு அரசு எடுத்த ஆக்சன்

தாம்பரம் மாநகராட்சியில் இரண்டு பணிகளுக்கு டெண்டர் கோரப்பட்டதில் முறைகேடுகள் நடந்திருப்பதாக அறப்போர் இயக்கம் புகார் எழுப்பியது. இதைத் தொடர்ந்து தாம்பரம் மாநகராட்சி ஆணையர் பாலசந்தர் ஐஏஎஸ் காத்திருப்போர் பட்டியலுக்கு மாற்றப்பட்டார். அதேபோல், மண்டல உதவி பொறியாளர் பணியிடை நீக்கம் செய்யப்பட்டார்.

தமிழ்நாடு அரசு கொடுத்த விளக்கம்

• இத்த் தொடர்ந்து அறப்போர் இயக்கம் குறிப்பிட்ட குறைபாடுகள் மீது நகராட்சி நிர்வாகம் மற்றும் குடிநீர் வழங்கல் துறையின் அரசு கூடுதல் தலைமைச் செயலாளர் முதற்கட்ட விசாரணையை மேற்கொண்டார். அதைத் தொடர்ந்து உரிய நடவடிக்கைகளும் மேற்கொள்ளப்பட்டதாக தமிழ்நாடு அரசு தரப்பில் தெரிவிக்கப்பட்டது.
• சிட்லபாக்கம் பகுதசியில் ரூ.18 லட்சம் மதிப்பில் நீர் சேமிப்பு சிலை அமைக்கவும், பெருங்களத்தூர் பகுதியில் ரூ.27.30 மதிப்பில் அசோகத் துணை சிலை அமைக்கவும் பொதுநிதி அல்லது CSR மூலம் செயல்படுத்தலாம் என ஜூலை 14ஆம் தேதி அன்று மாமன்ற்தில் பொருள் வைக்கப்பட்டு அனுமதி பெறப்பட்டதாக அரசின் விளக்கத்தில் குறிப்பிடப்பட்டுள்ளது.

தாம்பரம் மாநகராட்சியில் இரண்டு பணிகளுக்கு ஒப்பந்தப்புள்ளி கோரப்பட்ட நிகழ்வில் அறப்போர் இயக்கத்தினால் குறிப்பிடப்பட்ட குறைபாடுகள் மீது நகராட்சி நிர்வாகம் மற்றும் குடிநீர் வழங்கல் துறையின் அரசு கூடுதல் தலைமைச் செயலாளர் அவர்களால் முதற்கட்ட விசாரணை செய்யப்பட்டு அதன் தொடர்ச்சியாக உரிய… pic.twitter.com/V1YgOBiGmd

— TN DIPR (@TNDIPRNEWS) September 15, 2026

• மேலும் இந்த பணிகளுக்கு டெண்டர் அறிவிப்பு வெளியிட ஜூலை 23ஆம் தேதி மாநகராட்சி ஆணையரால் அனுமதி வழங்கப்பட்டு, ஜூலை 24ஆம் தேதி அன்று ஒரு தனியார் நிறுவனம் இந்த 2 பணிகளையும் செயல்படுத்தி தருவதாக கடிதம் அளிக்கப்பட்டதாக அரசு தரப்பில் தெரிவிக்கப்பட்டுள்ளது.
• அந்த 2 பணிகளையும் தனியார் நிறுவனம் நிறைவு செய்த நிலையில், ஆகஸ்ட் 6ஆம் தேதி அன்று டெண்டர் அறிவிக்கை வெளியிடப்பட்ட நிகழ்வு செயல்முறை குறைபாடு என கண்டறியப்பட்டுள்ளதாகவும்; மாநகராட்சியின் பொதுநிதியில் இருந்து செலவினம் ஏதும் மேற்கொள்ளப்படவில்லை என்றும்  அரசு தரப்பில் தெரிவிக்கப்பட்டுள்ளது.

அறப்போர் எழுப்பும் கேள்விகள்

இந்நிலையில், தமிழ்நாடு அரசு வெளியிட்டிருக்கும் அறிக்கை பல கேள்விகளை எழுப்புவதாக அறப்போர் இயக்கம் அதன் இன்றைய (செப்டம்பர் 16) பதிவில் குறிப்பிட்டுள்ளது. குறிப்பாக, CSR நிதியில் இருந்து அந்த வேலை செய்யப்பட்டதாகவும் அதற்குப் பிறகு டெண்டர் போட்டது ஒரு செயல்முறை  குறைபாடு என்ற முடிவுக்கு அரசு ஆரம்ப கட்டத்திலேயே வருவதற்கான தேவை என்ன என்றும் கேள்வி எழுப்பி உள்ளது.

அரசின் வாதத்தில் இருக்கும் முரண்பாடுகளாக அறப்போர் இயக்கம் குறிப்பிட்டுள்ளவை:

• கடந்த ஜூலை 14ஆம் தேதி மாமன்றத்தில் பொருள் வைக்கப்பட்டு நிர்வாக அனுமதி பெறப்பட்டதாக தமிழ்நாடு அரசின் செய்தி வெளியீட்டில் குறிப்பிடப்பட்டுள்ளது. ஆனால் மாமன்ற சந்திப்பு ஜூலை மாதம் நடைபெறவில்லை என்றும்; ஜூன் 11ஆம் தேதிக்கு பிறகு மாமன்ற கூட்டம் ஆகஸ்ட் 30ஆம் தேதிதான் நடந்ததாக தெரிகிறது என்றும் அறப்போர் குறிப்பிடுகிறது.
• ஜூலை 23ஆம் தேதி அன்று டெண்டர் இன்வைடிங் நோட்டீஸ் விட்ட பிறகு ஜூலை 24ஆம் தேதி அன்று இந்த பணிகளை CSR நிதியில் செய்வதாக ஒரு நிறுவனம் கடிதம் கொடுத்ததாக தெரிவிக்கப்பட்டுள்ளது. அந்த நிறுவனத்தின் பெயர் என்ன? என கேள்வி எழுப்பி உள்ளது.
• தனியார் நிறுவனத்திற்கு ஒப்புதல் கடிதம் தாம்பரம் மாநகராட்சி எப்போது வழங்கியது...? உடனடியாக அடுத்த நாள் ஜூலை 25ஆம் தேதியே அளித்திருந்தீர்கள் என்று எடுத்துக் கொண்டால் கூட அடுத்த மூன்றே நாட்களில் அவர்கள் எப்படி அசோகா தூண் சிலையை செய்து நிறுவி ஜூலை 29ஆம் தேதி திறந்தார்கள்...? என்றும் கேள்வி எழுப்பியிருக்கிறது.

நேற்றைய தினம் அறப்போர் எழுப்பிய புகாருக்கு பிறகு தாம்பரம் மாநகராட்சி ஆணையர் காத்திருப்பு பட்டியலுக்கு மாற்றப்பட்டதை வரவேற்று இருந்தோம் மேலும் மண்டல உதவி பொறியாளர் பணியிடை நீக்கம் செய்யப்பட்டதையும் வரவேற்கிறோம். ஆனால் அரசு வெளியிட்டிருக்கும் அறிக்கை பல கேள்விகளை எழுப்பியுள்ளது.… https://t.co/D6eTShTba1 pic.twitter.com/9aTGo5f5nW

— Arappor Iyakkam (@Arappor) September 16, 2026

• CSR மூலமாக சிலையை அங்கு நிறுவிய நிறுவனம் சிலையை சுற்றி எங்கேயுமே அவர்கள் பெயரைக் கூட பதிவிடாமல் விளம்பரப்படுத்தாமல் இருக்கும் அந்த பாரிவள்ளல் யார் என்று நாங்கள் தெரிந்து கொள்ளலாமா? என அறப்போர் இயக்கம் கேள்வி எழுப்பி உள்ளது.
• சிலை நிறுவிய பிறகு ஆகஸ்ட் 6ஆம் தேதி டெண்டர் கோரியது ஒரு செயல்முறை குறைபாடு மட்டுமே என்று எப்படி முடிவுக்கு வந்தீர்கள்...? அப்படியாக இருந்தால் நாங்கள் புகார் அளிப்பதற்கு முன்பாகவே அந்த டெண்டர் ரத்து செய்யப்பட்டு இருக்கும். ஆனால் நாங்கள் நேற்று புகார் அளித்த பிறகு தான் அந்த டெண்டர் ரத்து செய்யப்பட்டுள்ளது.
• ஜூலை 24ஆம் தேதி வரை ஒப்பந்ததாரர்கள் பங்கேற்றதாகவும் ஒப்பந்த புள்ளிகள் வரப்பெற்றதாகவும் டெண்டர் ரத்து ஆணையில் குறிப்பிடப்பட்டுள்ளது . எனவே நேற்றைய தினம் புகார் அளிக்கவில்லை என்றால் அந்த டெண்டரில் பில் பேமென்ட் நடந்திருக்க வாய்ப்பு உண்டு என அறப்போர் இயக்கம் தெரிவித்துள்ளது. மேலும், பாலச்சந்தர் ஐஏஎஸ் மூலம் செப்டம்பர் 15ஆம் தேதி டெண்டர் ரத்து செய்யப்பட்ட ஆணை அதன் பதிவிலும் இணைத்துள்ளது.
• மேலும் பணி ஆணை வழங்கப்படவில்லை என்று எதன் அடிப்படையில் முடிவுக்கு வருகிறீர்கள்...? நேற்றைய தினம் புகார் கொடுத்த பிறகு பணி ஆணை கிழித்து போடப்பட்டதா அல்லது பணி ஆணையே வழங்கப்படவில்லையா என்பதெல்லாம் விரிவான விசாரணையில் கண்டுபிடிக்க வேண்டிய விஷயம். அரசு ஆரம்ப கட்டத்திலேயே இந்த முன்முடிவுக்கு வரும் நோக்கம் என்ன? என்ன சந்தேகத்தை எழுப்பி உள்ளது.
• CSR நிதி என்பது உண்மையா அல்லது அந்த நிறுவனத்திடம் இருந்து நேற்றைய தினம் முன் தேதியிட்டு கடிதம் வாங்கப்பட்டு இடையில் சொருகப்பட்டதா என்பதெல்லாம் விசாரணையில் கண்டுபிடிக்கப்பட வேண்டிய விஷயம் என்றும் தெரிவித்துள்ளது.
• CSR நிதி என்று எடுத்துக் கொண்டாலும் அதன் பிறகு டெண்டர் போடப்பட்டு நேற்று வரை ரத்து செய்யாதது எதை காண்பிக்கிறது? ஏற்கனவே வேறு நிறுவனம் செய்த வேலைக்கு டெண்டர் போட்டு இரண்டு முறை கணக்கு காண்பித்து ரூ.45 லட்சத்தை கொள்ளையடிப்பதற்காக டெண்டர் போடப்பட்டதா என கேள்வி எழுப்பி உள்ளது.

அறப்போர் இயக்கத்தின் கண்டனமும்... எச்சரிக்கையும்...

எனவே செயல்முறை குறைபாடு என்று அரசு இதை சுருக்க நினைப்பது கண்டிக்கத்தக்கது என்றும் இந்த விஷயத்தில் மக்கள் அனைவரும் உங்களை பார்த்துக் கொண்டிருக்கிறார்கள் என்றும் அறப்போர் இயக்கம் தனது கண்டனத்தை பதிவு செய்துள்ளது.

மற்ற அரசுகளை போல தவெக அரசும், கொஞ்ச நாள் கழித்து காத்திருப்பு பட்டியலில் இருந்து அவருக்கு போஸ்டிங் கொடுத்து செயல்முறை குறைபாடு என்று சொல்லி விசாரணையை முடித்து இதை ஒன்றும் இல்லாமல் செய்யப் போகிறீர்களா அல்லது இதில் இருக்கும் அப்பட்டமான விதிமீறல்களை விசாரணை செய்து தகுந்த நடவடிக்கைகள் எடுக்கப் போகிறீர்களா என்பதை மக்கள் பார்த்துக் கொண்டிருக்கிறார்கள் என அறப்போர் இயக்கம் தவெக அரசை எச்சரித்துள்ளது.

மேலும் படிக்க | ஒரு யூனிட் மின்சாரம் ரூ.20க்கும் மேல்... மின் பிரச்னை தீர்க்க தமிழக அரசின் புதிய பிளான்!