தமிழ்நாடு அரசின் நிதி நிலை: 5 மாதங்களில் ரூ.1.17 கோடி வருவாய்... செலவு, கடன் எவ்வளவு பாருங்க?

Tamil Nadu Government 2026-27 Income & Expenditure Statistics : முதலமைச்சர் விஜய் தலைமையிலான தவெக ஆட்சி பொறுப்பேற்று சுமார் நான்கு மாதங்களை தாண்டிவிட்டன. தவெகவுக்கு பெரும்பான்மை இல்லாத சூழலில் பல்வேறு கட்சிகளின் ஆதரவில் ஆட்சி அமைந்தது, மேலும் காங்கிரஸ், விசிக, ஐயூஎம்எல் உள்ளிட்ட கூட்டணி கட்சியினர் அடங்கிய அமைச்சரவை அமைந்தது.

இந்தச் சூழலில், தமிழ்நாடு அரசின் 2026-27ஆம் நிதியாண்டின் முதல் ஐந்து மாதங்களுக்கான வருவாய், செலவு மற்றும் கடன் தொடர்பான புள்ளிவிவரங்கள் வெளியாகி உள்ளன. ஏப்ரல் முதல் ஆகஸ்ட் வரையிலான காலகட்டத்தில் அரசுக்கு கிடைத்த வருவாயை விட செலவினம் இருப்பது புள்ளிவிவரங்களில் காணப்படுகிறது.

மேலும் படிக்க | இளைஞர்களே செயலி உருவாக்க சூப்பர் சான்ஸ்! தமிழக அரசின் 3 நாள் சிறப்புப் பயிற்சி முகாம்

அந்த வகையில், தமிழ்நாடு அரசின் வருவாய், மொத்த செலவினம், வருவாய் பற்றாக்குறை, கடன்களுக்கான வட்டி, அரசு வாங்கிய கடன் உள்ளிட்ட தகவல்களை இங்கு காணலாம்.

தமிழ்நாடு அரசின் வருவாய் - செலவு: 2026 ஏப்ரல் - ஆகஸ்ட் வரை

வருமானம் எங்கிருந்து, எவ்வளவு வந்தது?

அதன்படி, தமிழ்நாடு அரசுக்கு கடந்த ஏப்ரல் முதல் வரி வருவாய், வரி அல்லாத வருவாய், மத்திய அரசின் வரிப்பங்கு மற்றும் மானியங்கள் உள்ளிட்ட பல்வேறு வழிகளில் மொத்தம் ரூ.1 லட்சத்து 17 ஆயிரத்து 791 கோடி வருவாய் கிடைத்திருக்கிறது.

• தமிழ்நாடு அரசின் வருவாயில் மாநில சரக்கு மற்றும் சேவை வரி முக்கிய பங்கு வகிக்கிறது. ஏப்ரல் - ஆகஸ்ட் வரை SGST மூலம் ரூ.34,144.06 கோடி கிடைத்துள்ளது.
• முத்திரைத்தாள் மற்றும் பத்திரப்பதிவு க்டடணங்கள் மூலம் ரூ.10,493.30  கோடி கிடைத்துள்ளது.
• வர்த்தக வரி மூலம் ரூ.28,164.79 கோடி கிடைத்திருக்கிறது.
• மாநில ஆயத்தீர்வு மூலம் ரூ.5,214 கோடி கிடைத்துள்ளது. மத்திய அரசின் வரி பங்கு ரூ.24,188 கோடி கிடைத்துள்ளது.
• இதர வரிகள் மற்றும் தீர்வைகள் மூலம் ரூ.6,843 கோடி கிடைத்துள்ளது.
• வரி அல்லாத வருவாயாக ரூ.5,149 கோடி கிடைத்திருக்கிறது.
• மத்திய அரசின் மானியங்களாக ரூ.3,537 கோடி கிடைத்துள்ளது.

செலவு எங்கு அதிகம்...?

அரசின் செலவினங்களில் ஊதியம், ஓய்வூதியம், அரசு நலத்திட்டங்கள், மானியங்கள் மற்றும் பல்வேறு வளர்ச்சிப் பணிகள் உள்ளிட்டவை அடக்கம்.

குறிப்பாக, கடந்த 5 மாதங்களில் கடனுக்கான வட்டியாக மட்டும் ரூ.35,991 கோடி செலுத்தப்பட்டுள்ளது.

ஓய்வூதியத்திற்காகவும் ரூ. 21,008 செலவிடப்பட்டுள்ளது.

மேலும் படிக்க | காலை உணவுத் திட்டத்தில் இதை செய்ய தனி குழு: முதல்வர் விஜய் உத்தரவு, அமைச்சர் ராஜ்மோகன் தகவல்

நிகரக் கடன் எவ்வளவு?

• ஏப்ரல் முதல் ஆகஸ்ட் வரையிலான ஐந்து மாதங்களில் தமிழ்நாடு அரசின் நிகரக் கடன் மற்றும் பிற பொறுப்புகள் உள்ளிட்டவை சேர்த்து ரூ.30,021.39 கோடியாக உள்ளதாக CAG மாதாந்திர கணக்குகள் தெரிவிக்கின்றன.
• இருப்பினும், கடந்த 2025-26 நிதியாண்டில் இதே 5 மாத காலகட்டத்தில் வாங்கப்பட்ட கடனின் அளவை ஒப்பிடும்போது, நடப்பு நிதியாண்டில் 19 சதவீதம் குறைந்துள்ளது. அதாவது, கடந்தாண்டு இதே காலகட்டத்தில் ரூ.37,082.07 கோடி கடன் வாங்கப்பட்டது, அதாவது ரூ.7,060. கோடி குறைந்துள்ளது.
• ஆகஸ்ட் மாதத்தில் மட்டும் நிகரக் கடன் மற்றும் பிற பொறுப்புகள் மைனஸ் ரூ.2,093.72 கோடியாக பதிவாகி உள்ளது. அதாவது இந்த மாதத்தில் அரசு கடன் வாங்கவே இல்லை என்பதாகக் கருத முடியாது. இது அந்த மாதத்தில் மேற்கொள்ளப்பட்ட கடன் பெறுவதல் மற்றும் திருப்பிச் செல்லுதல் உள்ளிட்ட நிதி பரிவர்த்தனைகளின் நிகர நிலையே இந்த எதிர்மறை எண்ணை பிரதிபலிக்கிறது.

மேலும் படிக்க | அமைச்சர் அருண்ராஜ் மீது சரமாரி குற்றச்சாட்டுகள்! பிக்பாஸ் தாமரை வேதனையுடன் வீடியோ