சிக்கனமாக முடித்த தவெக.. தேர்தல் செலவில் அம்பானியாக மாறிய திமுக... இத்தனை கோடியா?

2026 Assembly Poll Expenses: தமிழகம் மற்றும் புதுச்சேரி சட்டப்பேரவைக்கு ஏப்ரல் மாதம்  தேர்தல் நடைபெற்றது. ஏப்ரல்  23ஆம் தேதி சட்டப்பேரவை தேர்தல் நடந்தது. இந்த தேர்தலில் தவெக, திமுக, அதிமுக, நாதக என நான்கு முனைப்போட்டி இருந்தது. இந்த தேர்தலில் தவெக மாபெரும் வெற்றியை பதிவு செய்தது. 60 ஆண்டுகாலம் மாநிலத்தை ஆட்சி செய்த இருபெரும் திராவிட கட்சிகளை வீழ்த்தி, தவெக ஆட்சி கட்டிலில் அமர்ந்துள்ளது. 

இந்திய தேர்தல் ஆணையத்தின் விதிகளின்படி, அரசியல் கட்சிகள் தங்கள் தேர்தல் வரவு செலவு கணக்குகளைத் தாக்கல் செய்ய வேண்டும். அதன்படி, திமுக, அதிமுக, நாதக, தவெக என நான்கு கட்சிகளும் தங்கள் தேர்தல் செலவுகளை தேர்தல் ஆணையத்திடம் அதிகாரப்பூர்வமாக சமர்ப்பித்துள்ளனர்.

தவெக தேர்தல் செலவு

இந்தியத் தேர்தல் ஆணையத்திடம் சமர்ப்பிக்கப்பட்ட விரிவான செலவின அறிக்கைகளின்படி, தேர்தல் செலவாக தமிழக வெற்றிக் கழகம் ரூ.19.8 கோடி செலவிட்டதாக தெரிவிக்கப்பட்டுள்ளது. இதில் முதல்வர் விஜய்யின் விமான பயணத்திறக்காக மட்டும் ரூ.3.5 கோடியும், அவர் போட்டியிட்ட பெரம்பூர், திருச்சி கிழக்கு ஆகிய தொகுதிகளுக்கு ரூ.40 லட்சம் செலவிடப்பட்டதாக தவெக குறிப்பிட்டுள்ளது.

தவெக பொருளாளர் பி.வெங்கடரமணன் கையெழுத்திட்ட செலவின் அறிக்கையின்படி, தேர்தல் பிரச்சாரத்திற்காக ரூ.19.4 கோடி செலவிடப்பட்டதாக காட்டப்பட்டுள்ளது. இதில் வேட்பாளர்களுக்காக எந்த செலவும் செய்யவில்லை என குறிப்பிடப்பட்டுள்ளது.  

மேலும் படிக்க: தலைமுடி வெட்டியது ஒரு பிரச்னையா? எனக்கு மட்டும் ஏன் இப்படி? வேதனையில் மேயர் பிரியா

இதனால், வேட்பாளர்களே அவர்களது செலவை ஏற்றுள்ளனர்.  தவெக  தேர்தல் நேரத்தில் விளம்பரத்திற்க ரூ.34 கோடியும், ரோடு, பொதுக் கூட்டங்களுக்கு ரூ.2.06 கோடியும்,  பிரச்சார பொருட்களுக்காக ரூ.40.54 லட்சம், பிரச்சாரத்திற்காக பிற செலவுகள் ரூ.7.04 கோடியும் செலவிட்டதாக தவெக தெரிவித்துள்ளது.

மார்ச் 14 முதல் ஏப்ரல் 28ஆம் தேதி வரை TAI Jets, Chipsan Aviation, Fly High Global ஆகிய 4 விமான நிறுவனங்களுக்கு ரூ.3.54 கோடி வழங்கியுள்ளதாக தவெக தனது அறிக்கையில் தெரிவித்துள்ளது. மற்ற தலைவர்களுக்கான விமான செலவுகளை குறிப்பிடபடவில்லை.  மேலும், ஆதவ் அர்ஜுனாவின் வாய்ஸ் ஆஃப் காமன் ஸ்ட்ராட்ஜிக் கன்சல்டிங் நிறுவனத்திற்கு விளம்பரத்திற்காக ரூ.1.79 கோடி செலவிட்டதாக தெரிவித்துள்ளது.

திமுக, அதிமுக தேர்தல் செலவுகள்

தேர்தல் ஆணையத்தில் சமர்ப்பிக்க அறிக்கையின்படி, மார்ச் 16 முதல்  ம 6ஆம் தேதி வரை  பிரச்சாரத்திற்காக திமுக ரூ.149.90 கோடியும், வேட்பாளர்கள் செலவுக்கான ரூ.47.95 கோடியும், வேட்பாளர்களுக்கு மொத்தமாக ரூ.45.75 கோடி வழங்கப்பட்டதாக தெரிவிததுள்ளது.  இந்த பணம் பல வேட்பாளர்களுககு தலா ரூ.25 லட்சமும், சில வேட்பாளர்களுக்கு ரூ.15 லட்சமும் வழங்கப்பட்டதாக தெரிவித்துள்ளது. 

பென் நிறுவனத்திற்கு மட்டுமே ரூ.65.28 கோடி வழங்கப்பட்டதாக திமுக தனது அறிக்கையில் தெரிவித்துள்ளது. தேர்தல் காலத்தின் தொடக்கத்தில் திமுக  சுமார் ரூ. 365.14 கோடி இருப்பு வைத்திருந்ததாகவும், தேர்தல் காலத்தின் முடிவில் ரூ.319.40 கோடி இருப்பை பதிவு செய்துள்ளதாக தெரிவித்துள்ளது. மொத்தமாக திமுக தேர்தலுக்காக ரூ.197.85 கோடி செலவு செய்துள்ளது.

மார்ச் 15 அன்று தேர்தல் அறிவிக்கப்பட்டதிலிருந்து மே 6 அன்று தேர்தல் முடிவடைந்தது வரையிலான காலகட்டத்தில், அதிமுக மாநிலப் பிரிவு ரூ.87.41 கோடியைப் பெற்றதாக அந்த அறிக்கை கூறுகிறது. தேர்தல் காலத்தின் தொடக்கத்தில், கரூர் வைஸ்யா வங்கியில் உள்ள ரூ.271 கோடி நிலையான வைப்புத்தொகை உட்பட, மாநிலப் பிரிவு ரூ.313.47 கோடி நிதியைக் கொண்டிருந்ததாகத் தெரிவித்துள்ளது. மொத்தமாக அதிமுக ரூ.112.40 கோடி செலவு செய்துள்ளது.

மேலும் படிக்க: தமிழகத்தில் அக்.1 வரை மழை.. சென்னையிலும் 2 நாட்களுக்கு கனமழை வெளுக்கும்!
 

காங்கிரஸ் கட்சி வேட்பாளர்களுக்கு ரூ.7 கோடி, விளம்பரம், பிரச்சாரம் உள்ளிட்ட செலவுகளை சேர்த்து மொத்தமாக ரூ.22.25 கோடி தேர்லுக்காக செலவு செய்ள்ளது. பாஜக தேர்தலுக்காக ரூ.51.56 கோடி செலவு செய்துள்ளது.  

இதில், தமிழ்நாடு மாநிலப் பிரிவால் ரூ.31.57 கோடியும், கட்சியின் தேசியத் தலைமையகத்தால் தமிழ்நாட்டிற்காகச் செலவிடப்பட்ட ரூ.19.99 கோடியும் அடங்கும். நாம் தமிழர் கட்சி தேர்தலுக்காக ரூ.1.38 கோடியும், பகுஜன் சமாஜ் கட்சி ரூ.2.17 கோடியும், சிபிஐ ரூ.2.96 லட்சமும், சிபிஎம் ரூ.1.77 கோடியும் செலவிட்டதாக தெரிவித்துள்ளது.

மேலும் படிக்க: ஆதாரமே கிடைக்கவில்லை... வண்டலூர் மாணவி விவகாரம்... காவல்துறை சொல்லும் விளக்கம்