தண்டவாள பராமரிப்பு பணிகள் காரணமாக செங்கோட்டை - ஈரோடு மற்றும் பாலக்காடு டவுன் - திருச்சிராப்பள்ளி இடையே இயக்கப்படும் 2 எக்ஸ்பிரஸ் ரயில்களின் சேவையில் செப்டம்பர் 22, 24 மற்றும் 26 ஆகிய தேதிகளில் மாற்றம் செய்யப்பட உள்ளதாக தெற்கு ரயில்வே தெரிவித்துள்ளது.
மூர்த்திபாளையம் மற்றும் கரூர் ரயில் நிலையங்களுக்கு இடையே ஸ்லீப்பர் புதுப்பித்தல் மற்றும் தண்டவாள பராமரிப்பு பணிகள் நடைபெற இருப்பதால், இந்த மாற்றம் மேற்கொள்ளப்படுகிறது.
செங்கோட்டையில் இருந்து காலை 5.20 மணிக்கு புறப்படும் ரயில் எண் 16846 செங்கோட்டை - ஈரோடு எக்ஸ்பிரஸ், செப்டம்பர் 22, 24 மற்றும் 26 ஆகிய தேதிகளில் கரூர் சந்திப்பு ரயில் நிலையம் வரை மட்டுமே இயக்கப்படும். பராமரிப்பு பணிகள் முடிந்த பின்னர், கரூரில் இருந்து ஈரோடு சந்திப்பு வரை இந்த ரயில் முன்பதிவு இல்லாத சிறப்பு ரயிலாக இயக்கப்படும் வழக்கமாக செங்கோட்டை - ஈரோடு எக்ஸ்பிரஸ் ரயில் நின்று செல்லும் அதே ரயில் நிலையங்களில் இந்த சிறப்பு ரயிலும் நின்று செல்லும்.
அதேபோல், பாலக்காடு டவுனில் இருந்து காலை 6.30 மணிக்கு புறப்படும் ரயில் எண் 16844 பாலக்காடு டவுன் - திருச்சிராப்பள்ளி எக்ஸ்பிரஸ், செப்டம்பர் 22, 24 ஆகிய தேதிகளில் புகலூர் ரயில் நிலையம் வரை மட்டுமே இருக்கப்படும்.
புகலூர் ரயில் நிலையம் கொடுமுடி மற்றும் கரூர் ரயில் நிலையங்களுக்கு இடையில் அடைந்துள்ளது.பராமரிப்பு பணிகள் நிறைவடைந்த பிறகு, புகலூரில் இருந்து திருச்சிராப்பள்ளி சந்திப்பு வரை இந்த ரயில் முன்பதிவு இல்லாத சிறப்பு ரயிலாக இயக்கப்படும். இந்த சிறப்பு ரயிலும் வழக்கமான பாலக்காடு டவுன் - திருச்சிராப்பள்ளி எக்ஸ்பிரஸ் ரயிலின் அதே நிறுத்தங்களில் நின்று செல்லும் என தெரிவிக்கப்பட்டுள்ளது.
எனவே, செப்டம்பர் 22, 24 மற்றும் 26 ஆகிய தேதிகளில் இந்த ரயில்களில் பயணம் செய்ய திட்டமிட்டுள்ள பயணிகள், மாற்றப்பட்ட சேவை விவரங்களை கவனத்தில் கொண்டு தங்களது பயணத்தை திட்டமிடுமாறு அறிவுறுத்தப்பட்டுள்ளனர்.
 "ரயில் பயணிகளுக்கு முக்கிய அறிவிப்பு! 3 நாட்கள் 2 எக்ஸ்பிரஸ் ரயில்களில் மாற்றம்")
)