ஏஐ நிறுவனத்திடம்..ரூ.7,000 கோடி இழப்பீடு கேட்ட நடிகை! என்ன விஷயம்?

லெஜெண்ட் படத்தில் நடித்தவர்

இந்தி திரையுலகில், பிரபல நடிகையாக இருக்கிறார், ஊர்வசி ரவுதேலா. இவர், தமிழில் ‘லெஜண்ட்’ எனும் படத்தில் நடித்து தமிழ் மக்கள் மத்தியில் ஃபேமஸ் ஆனார். இவர்தான் தற்போது ஒரு செயற்கை நுண்ணறிவு நிறுவனத்திற்கு எதிரான வழக்கு மூலமாக பலருடைய கவனத்தை ஈர்த்திருக்கிறார்.

ஊர்வசி ரவுதேலா அறிக்கை வெளியீடு

இது குறித்து ஊர்வசி ரவுதேலா, ஒரு அறிக்கையையும் வெளியிட்டிருக்கிறார். அதில், உரிய அனுமதியின்றி, பெயர் புகைப்படங்கள் மற்றும் வீடியோக்களை ஏஐ நிறுவனம் ஒன்ரு பயன்படுத்தி இருக்க கூடாது என்றும், இதற்காக ரூ.7000 கோடி இழப்பீட்டை கோருவது உள்ளிட்ட சட்ட நடவடிக்கைகளை மேற்கொண்டு வருவதாகவும் தெரிவித்திருக்கிறார்.

வணிக நோக்கங்களுக்காக ஏஐ வீடியோக்கள் உருவாகுவதாக குற்றச்சாட்டு

ஏஐ கருவியின் மூலமாக, பிரபலங்களின் வீடியோக்கள் உருவாகி வருவதாகவும், ஒரு சிலர் வணிக நோக்கங்களுக்காக, திரை நட்சத்திரஙகளின் புகைப்படங்களை அனுமதியின்றி பயன்படுத்தி வருவதகவும் புகார்கள் எழுந்துள்ளன. இந்த நிலையில், ஊர்வசி ரவுதேலா இவ்வளவு பெரிய தொகையை இழப்பீடாக கேட்டிருப்பது பரபரப்பை ஏற்படுத்தி இருக்கிறது.

லாஸ் ஏஞ்சல்ஸின் ஏஐ நிறுவனம் மீது குற்றச்சாட்டு

ஊர்வசி ரவுதேலா தற்போது சட்ட ரீதியாக நடவடிக்கை எடுக்கப்போகும் அந்த ஏஐ நிறுவனம், லாஸ் ஏஞ்சல்ஸை தளமாக கொண்டதாக இருக்கிறது. ஊர்வசியின் குற்றச்சட்டுகளுக்கு, அந்த செயற்கை நுண்ணறிவு நிறுவனத்தின் நிறுவனரும் தலைமை செயல் அதிகாரியுமன ஷிராஜ் ஹசன் பதிலளித்துள்ளதாக கூறப்படுகிறது.

நிறுவனர் பதில் கொடுத்ததாக பரவும் செய்தி

அதில், ரூ.7000 கோடி இழப்பீடு கேட்டது குறித்து ஊர்வசியை விமர்சித்துள்ளார். கடந்த காலத்தில், ஊர்வசி தங்களின் நிறுவனத்திற்கு அளித்த நேர்காணலை குறிப்பிட்டு பேசிய அவர், செயற்கை நுண்ணறிவுதான் பாலிவுட்டின் எதிர்காலம் என்று அவர் கூறியதை நினைவு படுத்தியதாகவும் தகவல் வெளியாகியுள்ளது. இது குறித்த அதிகாரப்பூர்வ தகவல் விரைவில் வெளியாகும் என்று கூறப்படுகிறது.