‘அக்கா’ வெப் தொடரின் ட்ரைலர் ரிலீஸ்! கதை என்ன? எகிறும் எதிர்பார்ப்பு..

அக்கா வெப் தொடர்

யஷ் ராஜ் என்டர்டெயின்மென்ட் தயாரிப்பில், தர்மராஜ் ஷெட்டி இந்தத் தொடரை எழுதி இயக்கியுள்ளார். பெண்கள் மட்டுமே அதிகாரம் செலுத்தும், தங்களது ஆட்சியைப் பாதுகாக்கப் போராடும் கேங்க்ஸ்டர் உலகத்தை கண்முன் கொண்டு வர இருக்கும் ‘அக்கா’ தொடர் வரும் அக்டோபர் 30ஆம் தேதி நெட்ஃபிளிக்ஸில் வெளியாகிறது.

கதைக்களம் என்ன

பெர்னூரு என்ற கற்பனையான அரசாட்சியையும் அங்கு அதிகாரம் செலுத்தும் குடும்பங்களையும் டிரெய்லர் அறிமுகப்படுத்துகிறது. இங்கு பெண்களே முன்னின்று தலைமை தாங்குவதுடன், தங்களுக்குச் சொந்தமான அதிகாரத்தையும் உரிமைகளையும் தீவிரமாகப் பாதுகாக்கின்றனர். ஆனால், தலைமுறை தலைமுறையாக இந்த அரசாட்சியை நிலைநிறுத்தி வந்த வலிமைக்கும் கட்டுப்பாட்டுக்கும் பின்னால் பல்வேறு மோதல்கள் உருவாகிக் கொண்டிருக்கின்றன.

கீர்த்தி சுரேஷ்

‘அக்கா’ தொடரின் முதன்மை கதாபாத்திரங்களான பவானி மற்றும் ருத்ராவாக கீர்த்தி சுரேஷ் மற்றும் ராதிகா ஆப்தே நடித்துள்ளனர். இவர்களின் வெவ்வேறு லட்சியங்களும் கொள்கைகளும் தீவிரமான மோதலுக்கு வழிவகுக்கின்றன. இவர்களுக்கிடையேயான மோதல் ஏற்கெனவே நிலவி வரும் அதிகார அமைப்பையே சீர்குலைக்கும் அச்சுறுத்தலை ஏற்படுத்துகிறது.

ராதிகா ஆப்தே

கீர்த்தியும் ராதிகாவும் பவானி, ருத்ரா ஆகிய கதாபாத்திரங்களில் சிறப்பாக நடித்துள்ளனர். சிறப்பான மற்ற நடிகர்களுடன் இணைந்து, பார்வையாளர்கள் விரும்பக்கூடிய, கேள்வி எழுப்பக்கூடிய, ஆதரிக்கத் தோன்றக்கூடிய கதாபாத்திரங்களை அவர்கள் உருவாக்கியுள்ளனர் என்று கூறப்படுகிறது.

யஷ் ராஜ் ஃபிலிம்ஸ் படைப்புகள்

‘தி ரொமான்டிக்ஸ்’, ‘தி ரயில்வே மென்’, ‘மஹாராஜ்’, ‘மண்டலா மர்டர்ஸ்’ உள்ளிட்ட பாராட்டுகளைப் பெற்ற படைப்புகளைத் தொடர்ந்து, நெட்ஃபிளிக்ஸ் மற்றும் யஷ் ராஜ் என்டர்டெயின்மென்ட் நிறுவனங்கள் இணைந்து உருவாக்கும் மற்றொரு தொடராக ‘அக்கா’ அமைந்துள்ளது.