நோ சொன்ன ராமதாஸ்.. முடிவை மாற்றிய விஜய்.. கை மாறிய தகைசால் விருது!

சுதந்திர தினம்

நாடு முழுவதும் இன்று (ஆகஸ்ட் 15) 80வது சுதந்திர தினம் கொண்டாடப்பட்டு வருகிறது. சென்னையில் உள்ள கோட்டை கொத்தளத்தில் முதலமைச்சர் விஜய் முதல்முறையாக தேசியக் கொடியை ஏற்றினார். தேசிய கீதம் இசைக்கப்பட்டு, மூவர்ணக்கொடியை முதல்வர் விஜய் ஏற்றினார். இதனை தொடர்ந்து, தனது சுதந்திர தின உரையை விஜய் ஆற்றினார். தொடர்ந்து, பல்வேறு விருதாளர்களுக்கு விருதுகளை வழங்கி கௌரவித்தார்.

தகைசால் விருது

அந்த வகையில் காங்கிரஸ் மூத்த தலைவர் எம்.கிருஷ்ணசாமிக்கு தகைசால் தமிழர் விருதை முதலமைச்சர் விஜய் வழங்கி கௌரவித்தார். தகைசால் தமிழர் விருது என்பது தமிழினத்தின் வளர்ச்சிக்கு பங்காற்றிய பெரும் ஆளமைகளை போற்றும் வகையில், தகைசால் தமிழர் விருது வழங்கப்படுகிறது.

தகைசால் விருது

தமிழக அரசு ஆண்டுதோறும் சுதந்திர தினவிழாவில் தகைசால் தமிழர் விருதை வழங்கி வருகிறது. தசைகால் விருதுடன் ரூ.10 லட்சம் ரொக்கப் பரிசும், பாராட்டு சான்றிதழும் வழங்கப்படுகிறது. இதுவரை இந்த விருதை 6 ஆளுமைகளுக்கு வழங்கப்பட்டது. அந்த வகையில், முதல்வர் விஜய் இன்று தகைசால் விருதை காங்கிரஸ் மூத்த தலைவர் கிருஷ்ணசாமிக்கு வழங்கினார்.

ராமதாஸ் மறுப்பு

இந்த நிலையில், தகைசால் விருது குறித்து முக்கிய தகவல் வெளியாகி உள்ளது. அதாவது, தவெக அரசு தகைசார் தமிழர் விருதை பாமக நிறுவனர் ராமதாஸுக்கு வழங்க விரும்பியதாகவும், ஆனால், இந்த விருதை ஏற்க ராமதாஸ் மறுத்துவிட்டதாக மூத்த பத்திரிகையாளர் கோலப்பன் தனது எக்ஸ் தளத்தில் பதிவிட்டுள்ளார்.

கிருஷ்ணசாமி

இந்த நிலையில், தகைசைல் விருதை தமிழக காங்கிரஸ் முன்னாள் தலைவரும், பாமக எல்எல்ஏ சௌமியா அன்புமணியின் தந்தையுமான கிருஷ்ணசாமிக்கு தசைகால் தமிழர் விருது வழங்கப்பட்டது என்பது குறிப்பிடத்தக்கது.