மதுராந்தகம் இடைத்தேர்தல்: அதிமுக 3வது இடத்திற்கு போனது எப்படி? பாமக ஒரு காரணமா?

Maduranthakkam By Election Result 2026: மதுராந்தகம், தாராபுரம் தொகுதிகளுக்கான இடைத்தேர்தல் முடிவுகள் வெளியாகி வருகின்றன. தமிழ்நாடு அரசியலில் ஆளும் தவெகவுக்கு இந்த இடைத்தேர்தல் மிக முக்கியானவை எனலாம்.

கடந்த ஏப்ரல் மாதம் நடந்த பொதுத்தேர்தலில் இந்த 2 தொகுதிகளிலும் அதிமுக வெற்றி பெற்றது. அந்த வகையில், மதுராந்தகம் தொகுதியின் எம்எல்ஏ மரகதம் குமரவேல் தனது பதவியையும், தாராபுரம் தொகுதியின் எம்எல்ஏ சத்யபாமா தனது எம்எல்ஏ பதவியையும் ராஜினாமா செய்ததால் இடைத்தேர்தல் வந்தது.

மேலும் படிக்க | Madurantakam By-Election: மரகதம் குமரவேல் முன்னிலை.. தவெக எழுச்சிக்கு விசிக வாக்குகள் காரணமா?

5 முனை போட்டி நிலவுகிறது

இதில் தவெக சார்பில் மதுராந்தகத்தில் மரகதம் குமரவேல் மற்றும் தாராபுரத்தில் சத்யபாமா ஆகியோர் வேட்பாளராக அறிவிக்கப்பட்டார்கள். முதலமைச்சர் விஜய் உள்பட அமைச்சர்கள் பலரும் இரண்டு தொகுதிகளிலும் தீவிர பரப்புரையை மேற்கொண்டனர். அக். 6ஆம் தேதி அன்று தேர்தல் நடைபெற்றது, இன்று வாக்கு எண்ணிக்கை நடைபெற்று வருகிறது.

இந்த இரண்டு தொகுதிகளிலும் ஆளும் தவெக வேட்பாளர்களுடன் பிரதான எதிர்க்கட்சியான திமுக, இரண்டு தொகுதிகளையும் கைப்பற்றியிருந்த அதிமுக, நாம் தமிழர் கட்சி ஆகிய நான்கு கட்சிகள் போட்டியிட்டன. அதேபோல், மதுராந்தகம் தொகுதியில் சிபிஎம் கட்சியும், தாராபுரம் தொகுதியில் சிபிஐ கட்சியும் போட்டியிட்டன.

தாராபுரம் நிலவரம்

இந்நிலையில், தற்போது வாக்குகள் எண்ணப்பட்டு வரும் சூழலில் தவெக - திமுக - அதிமுக இடையேதான் கடும் போட்டி நிலவுகிறது. அதிலும் தாராபுரம் தொகுதியில் ஒரு கட்டத்தில் அதிமுக முன்னிலை பெற்று வந்த நிலையில், காலை 10.30 மணியளவில் தவெக முன்னிலை பெற்றது. தற்போது தாராபுரத்தில் அதிமுக 3வது இடத்திற்கு தள்ளப்பட்டு, திமுக 2வது இடத்திற்கு முன்னேறியிருக்கிறது.

#JustIn | 2வது இடத்தில் திமுக #ZeeTamilNews | #Dharapuram | #TNByElections | #TVK | #DMK https://t.co/g5fvxiQF7X

— Zee Tamil News (@ZeeTamilNews) October 9, 2026

மேலும் படிக்க | அதிமுகவில் இருந்து தவெக-வுக்கு தாவிய 6 எம்.எல்.ஏ-க்கள் வழக்கு.. இன்று முக்கிய தீர்ப்பு

தாராபுரம் பொதுத்தேர்தல் முடிவுகள் - ஒரு பார்வை

மதுராந்தகம் நிலவரம்

மதுராந்தகம் தொகுதியில் தவெக வேட்பாளர் மரகதம் குமரவேல் ஆரம்பத்தில் இருந்தே தொடர்ச்சியாக முன்னிலையில் இருந்து வருகிறார். அதேநேரத்தில், பொதுத்தேர்தலில் மூன்றாவது இடத்தை பிடித்த திமுக தற்போது இரண்டாம் இடத்தில் தொடர்ந்து நீடிக்கிறது. பொதுத்தேர்தலில் வென்ற அதிமுக, இந்த முறை 3வது இடத்திற்கு தள்ளப்பட்டது.

#JustIn | 11,825 வாக்குகள் வித்தியாசத்தில் தவெக முன்னிலை #ZeeTamilNews | #Madurantakam | #ByElection | #ByElectionResult | #VoteCounting | #TVK https://t.co/OzpK0aUcFb

— Zee Tamil News (@ZeeTamilNews) October 9, 2026

மதுராந்தகம் பொதுத்தேர்தல் முடிவுகள் - ஒரு பார்வை

முக்கியத்துவம் பெறும் பாமக

தாராபுரம் தொகுதியில் அதிமுக பின்னுக்கு தள்ளப்பட்டது அதிர்ச்சியளித்தாலும், மதுராந்தகம் தொகுதியில் அதிமுக தொடர்ச்சியாக பின்னடைவில் உள்ளதற்கு ஒரு வகையில் பாமகவும் காரணம் என அரசியல் வல்லுநர்கள் கருத்து தெரிவிக்கின்றனர்.

• மதுராந்தகம் தனித்தொகுதி என்றாலும் வன்னியர் சமூக வாக்குகளும் அதிகமாக இருக்கிறது. மும்முனை போட்டி நிலவும் சூழலில், பாமகவின் ஆதரவு மதுராந்தகத்தில் இந்த முறை முக்கியத்துவம் பெற்றது.
• பொதுத்தேர்தலில் அதிமுகவின் கூட்டணியில் பாமக இருந்தது. இதனால், அதிமுக மதுராந்தகத்தில் வெற்றி பெற்றிருந்தது எனலாம். அதுவும் தவெக கடும் போட்டியை அளித்தார். அப்போதே, அதிமுக 7,194 வாக்குகள் வித்தியாசத்தில்தான் வென்றது.
• ஆனால், இந்த இடைத்தேர்தலில் பாமக யாருக்கு ஆதரவு இல்லை என அறிவித்துவிட்டது. இதனால், அதிமுகவுக்கு வாக்குப்பதிவுக்கு முன்னரே பெரும் பின்னடைவு என பேசப்பட்டு வந்தது. தற்போது வாக்கு எண்ணிக்கையிலும் அதை புரிந்துகொள்ள முடிகிறது.
• தவெக வேட்பாளர் தற்போது 11 ஆயிரம் வாக்குகள் வித்தியாசத்தில் முன்னிலை இருந்து வருகிறார், ஏறத்தாழ தவெக வெற்றி உறுதியாகிவிட்டது என்றே சொல்லலாம். பொதுத்தேர்தலில் மூன்றாமிடம் பிடித்த திமுக தற்போது 2ஆம் இடத்திற்கு வந்து ஆறுதல் அடைந்திருக்கிறது.
• ஆனால், பாமகவின் ஆதரவை இழந்ததால் அதிமுக 3வது இடத்திற்கு தள்ளப்பட்டதாக தெரிகிறது. பாமக நேரடியாக தவெகவுக்கு ஆதரவு தெரிவிக்காவிட்டாலும், சௌமியா அன்புமணியை அமைச்சரவையில் சேர்க்க தவெக பேச்சுவார்த்தை நடத்தி வருவதாக தகவல்களை கசியவிட்டதன் மூலம், தவெக - பாமக இடையே மறைமுக ஆதரவுப் போக்கு இருப்பதாகவும் பேசப்பட்டது கவனிக்கத்தக்கது.

மேலும் படிக்க | புதுச்சேரி தட்டாஞ்சாவடி இடைத்தேர்தல்: என்ஆர் காங்கிரஸ் அசோக் ஆனந்த் 8,501 வாக்கு வித்தியாசத்தில் வெற்றி