- ஜி நியூஸ் தமிழ்
- /Photos
- /ரயில்வே தேர்வுக்கு இலவச பயிற்சி: சேலம் மாவட்ட ஆட்சியர் அறிவிப்பு!
ரயில்வே தேர்வுக்கு இலவச பயிற்சி: சேலம் மாவட்ட ஆட்சியர் அறிவிப்பு!
Written ByKarthikeyan Sekar
Published: Oct 28, 2026, 06:47 AM IST|Updated: Oct 28, 2026, 06:52 AM IST
Railway NTPC Free Coaching in Salem: ரயில்வே NTPC தேர்வுக்கு இலவச பயிற்சி வழங்குவது தொடர்பாக சேலம் மாவட்ட ஆட்சியர் முக்கிய அறிவிப்பு
Railway NTPC Free Coaching in Salem: ரயில்வே வேலைவாய்ப்புக்கு சேலத்தில் நவம்பர் 4 முதல் இலவச பயிற்சி வகுப்புகள் தொடங்க உள்ளது. இது குறித்த முழு விவரங்கள் இங்கே
1/5இலவச பயிற்சி அறிவிப்பு :
இலவச பயிற்சி அறிவிப்பு : இந்திய ரயில்வே தேர்வு வாரியம் நடத்தும் NTPC (Non Technical Popular Categories) தேர்வுகளுக்கான இலவச பயிற்சி வகுப்புகள் சேலம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் நடைபெற உள்ளன. வரும் நவம்பர் 4 ஆம் தேதி (புதன்கிழமை) முதல் இப்பயிற்சி வகுப்புகள் தொடங்கப்படும் என மாவட்ட ஆட்சித்தலைவர் இளம்பகவத் தெரிவித்துள்ளார்.
2/5காலிப்பணியிடங்கள், கல்வித்தகுதி :
காலிப்பணியிடங்கள், கல்வித்தகுதி : ரயில்வே NTPC அறிவிப்பின்படி, 12-ஆம் வகுப்பு கல்வித்தகுதிக்கு 1,688 காலிப்பணியிடங்களும், பட்டப்படிப்பு முடித்தவர்களுக்கு 3,548 காலிப்பணியிடங்களும் அறிவிக்கப்பட்டுள்ளன. இத்தேர்வுகளுக்கு 18 முதல் 30 வயது வரை உள்ளவர்கள் விண்ணப்பிக்கலாம். மேலும் SC/ST பிரிவினருக்கு 5 ஆண்டுகளும், இதர பிற்படுத்தப்பட்ட வகுப்பினருக்கு 3 ஆண்டுகளும், முன்னாள் ராணுவத்தினர் மற்றும் மாற்றுத்திறனாளிகளுக்கு அரசு விதிகளின்படி உச்ச வயது வரம்பில் சலுகை வழங்கப்பட்டுள்ளது.
3/5விண்ணப்பிக்கும் முறை, கடைசி தேதி :
விண்ணப்பிக்கும் முறை, கடைசி தேதி : இத்தேர்வுகளுக்கு தகுதியான நபர்கள் www.rrbapply.gov.in என்ற இணையதளம் வழியாக விண்ணப்பிக்க வேண்டும். பட்டப்படிப்பு முடித்தவர்கள் விண்ணப்பிக்க கடைசி தேதி நவம்பர் 6, 2026 ஆகும். 12-ஆம் வகுப்பு முடித்தவர்கள் விண்ணப்பிக்க கடைசி தேதி நவம்பர் 13, 2026 ஆகும். விண்ணப்பதாரர்களின் வசதிக்காக சேலம் மாவட்ட வேலைவாய்ப்பு அலுவலகத்தில் உதவி மையமும் அமைக்கப்பட்டுள்ளது.
4/5பயிற்சி வகுப்புகள் நடைபெறும் விவரம் :
பயிற்சி வகுப்புகள் நடைபெறும் விவரம் : சேலம் வேலைவாய்ப்பு மையத்தில் நவம்பர் 4 காலை 10 மணிக்கு துவங்கும் இந்த இலவச பயிற்சி வகுப்புகள், வார நாட்களிலும் வார இறுதி நாட்களிலும் (சனி மற்றும் ஞாயிறு) தொடர்ந்து நடத்தப்படும். மாணவர்கள் எந்தவித சிரமமுமின்றி தேர்வுக்கு தயாராகும் வகையில் இந்த வகுப்புகள் திட்டமிடப்பட்டுள்ளன.
5/5தொடர்புக்கு.... :
தொடர்புக்கு.... : இப்பயிற்சி வகுப்பு தொடர்பான கூடுதல் விவரங்களை 0427-2401750 என்ற தொலைபேசி எண்ணில் தொடர்பு கொண்டு அறிந்துகொள்ளலாம். எனவே, இந்திய ரயில்வே தேர்வுகளுக்கு தயாராகி வரும் தகுதியும் ஆர்வமும் கொண்ட இளைஞர்கள் மற்றும் மாணவ-மாணவியர் இந்த இலவச வாய்ப்பைப் பயன்படுத்திக் கொண்டு பயனடையுமாறு கேட்டுக்கொள்ளப்பட்டுள்ளது.TAGS:
Trending
- News
- Photos
- Videos
)