Zee Entertainment 34 ஆண்டுகள்: அடுத்த கட்ட வளர்ச்சிக்காக வேகமெடுக்கும் ‘Z’

இந்தியாவின் முன்னணி மீடியா மற்றும் பொழுதுபோக்கு நிறுவனங்களில் ஒன்றான Zee Entertainment Enterprises Ltd. (Z), தனது 34 ஆண்டுகால சாதனைப் பயணத்தை நிறைவு செய்துள்ள நிலையில், அடுத்த கட்ட வளர்ச்சியை நோக்கி உறுதியான நடவடிக்கைகளை மேற்கொண்டு வருகிறது. கடந்த மூன்று தசாப்தங்களாக இந்திய மீடியா மற்றும் பொழுதுபோக்கு துறையின் வளர்ச்சியில் குறிப்பிடத்தக்க பங்கு வகித்துள்ள நிறுவனம், தற்போது தொழில்நுட்ப முன்னேற்றம் மற்றும் புதிய வணிக வாய்ப்புகளை இணைத்து எதிர்கால பொழுதுபோக்கின் புதிய பரிமாணத்தை உருவாக்கும் நோக்கில் செயல்பட்டு வருகிறது.

1992-ஆம் ஆண்டு தொடங்கப்பட்ட இந்த நிறுவனம், தொலைக்காட்சி, திரைப்படம், இசை, டிஜிட்டல் தளங்கள் மற்றும் பல்வேறு பொழுதுபோக்கு வடிவங்கள் மூலம் கோடிக்கணக்கான பார்வையாளர்களின் வாழ்க்கையில் தாக்கத்தை ஏற்படுத்தியுள்ளது. தற்போது மாறிவரும் ஊடக சூழலுக்கு ஏற்றவாறு தனது வணிக அமைப்பை மறுசீரமைத்து, மேலும் வலுவான வளர்ச்சி பாதையை உருவாக்கி வருகிறது.

இன்றைய டிஜிட்டல் உலகில் பார்வையாளர்களின் கவனமே மிகப்பெரிய மதிப்புடைய சொத்தாக மாறியுள்ள நிலையில், அதனை மையமாகக் கொண்டு Z நிறுவனம் தனது செயல்திட்டங்களை வடிவமைத்துள்ளது. பல்வேறு தளங்களில் ஒரே நேரத்தில் பயனர்களை சென்றடையும் வகையில் புதுமையான மற்றும் ஈர்க்கக்கூடிய பொழுதுபோக்கு அனுபவங்களை வழங்குவதில் கவனம் செலுத்தி வருகிறது.

நிறுவனத்தின் தலைமைச் செயல் அதிகாரி (CEO) புனித் கோயங்கா கூறுகையில், “Z-ன் பயணம் எப்போதும் புதுமை, முன்னோடி சிந்தனை மற்றும் அனைத்து பங்குதாரர்களுக்கும் மதிப்பை உருவாக்கும் நோக்கத்துடன் அமைந்துள்ளது. கடந்த 34 ஆண்டுகளில் உருவாக்கிய வலுவான அடித்தளத்தை கொண்டு, எதிர்கால வளர்ச்சிக்கான பல புதிய வாய்ப்புகளை உருவாக்கி வருகிறோம். உள்ளடக்கம், தொழில்நுட்பம் மற்றும் திறமையான மனிதவளத்தில் முதலீடு செய்து, நிறுவனத்தின் போட்டித்திறனை மேலும் வலுப்படுத்துகிறோம்” என்றார்.

‘மக்களின் வாழ்க்கையில் அர்த்தமுள்ள பொழுதுபோக்கின் மூலம் நேர்மறையான மாற்றத்தை ஏற்படுத்துவது’ என்ற தெளிவான நோக்கத்துடன் நிறுவனம் செயல்பட்டு வருகிறது. அனுபவமிக்க இயக்குநர் குழுவின் வழிகாட்டுதலுடன் நிர்வாகத் திறன், வெளிப்படைத்தன்மை மற்றும் நீண்டகால மதிப்பை உருவாக்கும் முயற்சிகளையும் தொடர்ந்து வலுப்படுத்தி வருகிறது.

வளர்ச்சியை ஊக்குவிக்கும் முக்கிய அம்சங்கள்

Z நிறுவனம் தனது எதிர்கால வளர்ச்சிக்காக பல்வேறு துறைகளில் கவனம் செலுத்தி வருகிறது:

• பல மொழிகளில் தரமான மற்றும் ஈர்க்கக்கூடிய உள்ளடக்கங்களை வழங்குதல்
• டிஜிட்டல் துறையில் தொடர்ச்சியான லாபகரமான வளர்ச்சி
• திரைப்படம் மற்றும் இசை வணிகத்தை விரிவுபடுத்துதல்
• நாடு முழுவதும் மாதந்தோறும் 80 கோடிக்கும் மேற்பட்ட பார்வையாளர்களை சென்றடையும் Omni-channel அணுகுமுறை
• இளம் தலைமுறையை கவரும் குறுந்தொடர் (Micro Drama) உள்ளடக்கங்கள்
• சர்வதேச மற்றும் உள்ளூர் விளையாட்டு உரிமைகளை விரிவுபடுத்தும் விளையாட்டு வணிகம்
• நேரடி பொழுதுபோக்கு நிகழ்ச்சிகள் மூலம் பார்வையாளர் ஈடுபாட்டை அதிகரித்தல்
• குழந்தைகளுக்கான பொழுதுபோக்கு மற்றும் அனிமேஷன் உள்ளடக்கங்களை வளர்த்தல்
• விநியோகம், சிண்டிகேஷன் மற்றும் பிராட்பாண்ட் சேவைகள் மூலம் வணிக ஒருங்கிணைப்பை மேம்படுத்துதல்

மேலும், நிறுவனத்தின் மனிதவள மேம்பாட்டிலும் Z அதிக முக்கியத்துவம் அளித்து வருகிறது. எதிர்கால தலைவர்களை உருவாக்கும் நோக்கில் ஊழியர்களின் திறன்களை மேம்படுத்தி, போட்டி நிறைந்த சந்தையில் வெற்றிபெற தேவையான திறமைகளை வளர்க்கிறது.

இந்தியாவில் உருவான சுயாதீன பொழுதுபோக்கு நிறுவனமாக Z, உலகளாவிய அளவில் தனது செல்வாக்கை விரிவுபடுத்தும் இலக்குடன் செயல்பட்டு வருகிறது. கடந்த 34 ஆண்டுகளாக மாறிவரும் பார்வையாளர் விருப்பங்கள், தொழில்நுட்ப மாற்றங்கள் மற்றும் சந்தை போக்குகளுக்கு ஏற்ப தன்னை தொடர்ந்து மேம்படுத்திக் கொண்டிருக்கும் நிறுவனம், அடுத்த பல தசாப்தங்களுக்கும் பொழுதுபோக்கு துறையை வழிநடத்தும் வலுவான நிலையில் இருப்பதாக நம்பிக்கை தெரிவித்துள்ளது.

பார்வையாளர்களின் விருப்பங்களே தனது முன்னுரிமை என்ற கொள்கையுடன் செயல்படும் Z, இந்தியாவில் இருந்து உலகளாவிய பொழுதுபோக்கு துறையில் புதிய தரத்தை உருவாக்கும் நோக்குடன் தனது வளர்ச்சி பயணத்தை தொடர்ந்து முன்னெடுத்து வருகிறது.