• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Tamil
  • செய்திகள்
  • வீடியோ
  • போட்டோ
  • ரீல்ஸ்
  • நகரம்

Add Zee Business As A Preferred Source
App
  • தமிழகம்
  • இந்தியா
  • உலகம்
  • சினிமா
  • விளையாட்டு
  • ஆன்மீகம்
  • பயனுள்ள தகவல்கள்
  • வேலைவாய்ப்பு
  • ஜி நியூஸ் தமிழ்
  • /உலகம்
  • /உச்சமடையும் வங்கதேச தொழிலாளர் போராட்டம்... திருப்பூருக்கு நல்ல செய்தியா...? Explained

உச்சமடையும் வங்கதேச தொழிலாளர் போராட்டம்... திருப்பூருக்கு நல்ல செய்தியா...? Explained

வங்கதேசத்தில் குறைந்தபட்ச ஊதியத்தை 30 ஆயிரம் டாக்காவாக உயர்த்தக் கோரி ஆடைத் தொழிலாளர்கள் நடத்தி வரும் போராட்டம் தீவிரமடைந்துள்ளது. இதனால் அங்கு ஆடை உற்பத்தி பாதிக்கப்பட்டுள்ள நிலையில், சர்வதேச ஆர்டர்கள் திருப்பூர் பின்னலாடைத் துறைக்கு மாறுமா என்ற எதிர்பார்ப்பு எழுந்துள்ளது.

Written BySudharsan G
Published: Nov 21, 2026, 23:29 IST|Updated: Nov 21, 2026, 23:40 IST
joinshare
உச்சமடையும் வங்கதேச தொழிலாளர் போராட்டம்... திருப்பூருக்கு நல்ல செய்தியா...? Explained
Image Credit: Bangladesh Garment Workers Protest Explained | AI Generated Image : ChatGPT

About the Author

Sudharsan G

Sudharsan G

I’m Sudharsan G, Sub Editor at Zee Tamil News, with over five years of experience in Tamil content writing. I cover Tamil Nadu, national, and international news, along with sports stories that connect with readers. A follower of cricket, cinema, and politics, I bring depth and perspective to every piece. I also have on-screen camera experience, which helps me present news stories in a more engaging and impactful way. Outside work, I enjoy modern Tamil literature and discovering new voices in contemporary writing.
Read More

டிரெண்டிங்

  • செய்திகள்
  • போட்டோ
  • வீடியோ
Explained : குழந்தைகளிடம் வாசிப்பு ஆர்வம் குறைவு..எதிர்காலத்தை பாதிக்கும்! எச்சரிக்கை

Explained : குழந்தைகளிடம் வாசிப்பு ஆர்வம் குறைவு..எதிர்காலத்தை பாதிக்கும்! எச்சரிக்கை

2

இதுவும் பாலியல் துன்புறுத்தலே... கள்ளக்குறிச்சி எம்எல்ஏ விவகாரம் - பொதுவெளியில் பெண் நீதிபதி பகீர்

3

Gold Price: அதிரடியாக குறையும் தங்கம் விலை.. மோடி மேஜிக் தான் காரணமா?

4

“குழந்தை பெத்துக்காேங்க..” இஸ்லாமியர்கள் அதிகரிப்பால் ட்ரம்ப் ஆதரவாளர் கொடுத்த ஐடியா..

5

திருவண்ணாமலையில் கிரிவலம் போறீங்களா? பக்தர்களுக்கு முக்கிய அறிவிப்பு.. இதற்கெல்லாம் தடை!

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

வங்கதேசத்தில் ஆடைத் தொழிற்சாலைகளில் பணியாற்றும் தொழிலாளர்கள் ஊதிய உயர்வு வேண்டி மிகப்பெரிய போராட்டமாக உருவெடுத்துள்ளது. தற்போது வழங்கப்பட்டு வரும் ஊதியம் மிகவும் குறைந்த அளவில் இருப்பதாகவும், வேலைக்கேற்ற ஊதியத்தை வழங்க வேண்டும் என இந்த தொடங்கிய இந்த போராட்டம் இப்போது சாலை மறியல், போலீஸ் மோதல், தொழிற்சாலைகள் மூடல் என உச்சக்கட்டத்தை எட்டியிருக்கிறது.

இதனால், உலக ஆடை உற்பத்தி சந்தையிலும் பாதிப்பு ஏற்படுமா என்ற கேள்வியும் பரவலாக எழுந்துள்ளது. அதேநேரத்தில் வங்கதேசத்தின் இந்த நிலைமை இந்திய ஆடை ஏற்றுமதியாளர்களுக்கும், குறிப்பாக திருப்பூருக்கும் புதிய வாய்ப்புகளை ஏற்படுத்துமா என்ற எதிர்பார்ப்பை உண்டாக்கி உள்ளது.

மேலும் படிக்க | அடுத்த 9 ஆண்டுகளில் மிகப்பெரிய மாற்றம்! அதிகரிக்கும் முஸ்லிம் மக்கள் தொகை.. காரணம் என்ன? Explained

போராட்டத்தின் பின்னணி

  • வங்கதேச ஆடைத் தொழிற்சாலைகளில் பணியாற்றும் தொழிலாளர்களுக்கு குறைந்தபட்ச மாத சம்பளமாக 12,500 டாக்கா வழங்கப்படுகிறது. இது இந்திய ரூபாய் மதிப்பில் ரூ.9,338.97 ஆகும். அமெரிக்க டாலருக்கு நிகரான வங்கதேச டாக்காவின் மதிப்பு 124.17 ஆகும்.
  • அதேநேரத்தில் உணவு, வீட்டு வாடகை, போக்குவரத்து, மருத்துவச் செலவுகள் உள்ளிட்ட அத்தியாவசிய செலவுகள் தொடர்ந்து அதிகரித்து கொண்டே வருவதால் இந்த ஊதியம் போதுமானதாக இல்லை என்கிறது தொழிலாளர்கள் தரப்பு.
  • எனவே, குறைந்தபட்ச மாத சம்பளத்தை 12,500 டாக்காவில் இருந்து 30 ஆயிரம் டாக்காவாக உயர்த்த வேண்டும் என தொழிலாளர்கள் கோரிக்கை வைத்துள்ளனர். இது தற்போதைய ஊதியத்தை விட 140% அதிகமான உயர்வாகும்.
  • இந்த கோரிக்கையை வலியுறுத்தி கடந்த அக்டோபர் மாதம் முதல் போராட்டங்கள் வெடித்தன. தொடர்ந்து பல்வேறு தொழிற்சாலை பகுதிகளில் போராட்டங்கள் நடைபெற்றதால், வங்கதேசத்தின் முக்கிய ஏற்றுமதி துறையான ஆடை உற்பத்தி கடுமையாக பாதிக்கப்பட்டுள்ளது.

Fresh political unrest grips Bangladesh BNP and Awami League activists clash in Bangladesh's Pabna district; minister blames Awami League, warns of legal action @kripatistic shares more https://t.co/TmLxdxewif

— WION (@WIONews) November 21, 2026

உச்சமடையும் போராட்டம்... போலீசாருடன் மோதல்

  • அக்டோபர் மாதம் போரட்டங்கள் ஆங்காங்கே தொடர்ந்து நடைபெற்றாலும், நடப்பு நவம்பர் மாதத்தில் உச்சக்கட்டத்தை அடைந்தது எனலாம். தலைநகர் டாக்கா அருகே உள்ள காஸிபூர், சாவர், அஷுலியா உள்ளிட்ட தொழிற்சாலை பகுதிகள் தொழிலாளர்கள் வீதிகளில் களமிறங்கி போராட்டம் நடத்தி வருகின்றனர்.
  • கடந்த நவம்பர் 17ஆம் தேதி (செவ்வாய்) ஆயிரக்கணக்கான தொழிலாளர்கள் சாலை மறியலில் ஈடுபட்டனர். போலீசார் கண்ணீர் புகை குண்டுகள், சத்தம் எழுப்பும் குண்டுகள் உள்ளிட்டவற்றைப் பயன்படுத்தி போராட்டக்காரர்களை கலைக்க முயன்றனர். சில இடங்களில் கற்கள் வீசப்பட்டதாகவும், வாகனங்கள் தீக்கிரையானதாகவும் செய்திகள் வெளியாகின.
  • நவம்பர் 17ஆம் தேதி காஸிபூர் பகுதியில் சாலை மறியல் போராட்டத்தால் முக்கிய நெடுஞ்சாலைகளில் கடுமையான போக்குவரத்து பாதிப்பு ஏற்பட்டது. சாவர், அஷுலியா உள்ளிட்ட பகுதிகளிலும் தொழிலாளர்கள் போராட்டத்தில் ஈடுபட்டனர். இந்த மோதல்களால் பல தொழிற்சாலைகள் மூடப்பட்டன.
  • இன்றும் சாவர் - அஷுலியா தொழிற்சாலை பகுதியில் இன்று (நவ. 21) ஊதிய உயர்வு கோரி தொழிலாளர்கள் சாலை மறியல் போராட்டத்தில் ஈடுபட்டன. போலீசார் கண்ணீர் புகைக்குண்டுகளை வீசி கலைத்தனர். 50க்கும் மேற்பட்ட தொழிற்சாலைகள் விடுமுறை அறிவித்தன.

Bangladesh: Garment workers clash with police in Ashulia over minimum wage, dozens of factories declare holidays Read @ANI Story | https://t.co/jfpRef6Cc9 #Bangladesh #Garmentworkers #Protest https://t.co/Xc14evqlaw

— ANI Digital (@ani_digital) November 21, 2026

பேச்சுவார்த்தையும்... முட்டுக்கட்டையும்...

  • தொழிலாளர்களின் கோரிக்கையை பரிசீலிக்க வங்கதேச அரசு 6 பேர் கொண்ட குறைந்தபட்ச ஊதிய வாரியத்தை அமைந்துள்ளது. இதில் தொழிலாளர் பிரதிநிதிகள், தொழிற்சாலை உரிமையாளர்கள், அரசு பிரதிநிதி மற்றும் நடுநிலை உறுப்பினர்கள் இடம்பெற்றுள்ளனர்.
  • புதிய ஊதிய விகிதத்தை டிசம்பரில் அறிவித்து, அது வரும் ஜனவரி மாதம் முதல் புதிய ஊதியம் வழங்கப்படும் என முன்னர் தெரிவிக்கப்பட்டது. ஆனால், தொழிலாளர்களின் எதிர்பார்ப்புக்கு ஏற்ப ஊதிய உயர்வு இருக்குமா என்பதில் இன்னும் தெளிவான முடிவு எட்டப்படாததால் அதிருப்தி மனநிலையே நீடிக்கிறது.
  • கடந்த நவம்பர் 16ஆம் தேதி (திங்கள்) நடைபெற இருந்த ஊதிய வாரிய கூட்டம் ஒத்திவைக்கப்பட்டது. இதுவே ஊழியர்களின் கோபத்தை மேலும் அதிகரிக்கச் செய்தது, செவ்வாய்கிழமை போராட்டத்திற்கும் இதுவே வழிவகுத்து பதற்றத்தை உண்டாக்கியது. அடுத்து வரும் நவம்பர் 23ஆம் தேதி (திங்கள்) ஊதிய வாரியக் கூட்டம் நடைபெறும் என தெரிவிக்கப்பட்டுள்ளது.

மேலும் படிக்க | அமேசான் வனப்பகுதியில் ஆக்கிரமிப்பு! கொந்தளிக்கும் நெட்டிசன்கள்..இதுதான் உலக வளர்ச்சியா?

வங்கதேசத்தில் ஆடைத் தொழிலின் முக்கியத்துவம் என்ன?

  • வங்கதேச்தின் பொருளாதாரத்தின் ஆடை உற்பத்தித் துறை மிக முக்கியமான பங்கு வகிக்கிறது.
  • சுமார் 40 லட்சம் தொழிலாளர்கள் இந்த ஆடைத் உற்பத்தித் துறையில் பணியாற்றி வருகின்றனர்.
  • நாட்டின் ஏற்றுமதி வருவாயில் 80 சதவீதத்திற்கும் அதிகமான பங்கு ஆடைத் துறையில் இருந்து கிடைக்கிறது.
  • ஆண்டுக்கு பல பில்லியன் டாலர் மதிப்பிலான ஆடைகள் சர்வதேச சந்தைக்கு ஏற்றுமதி செய்யப்படுகின்றன.
  • உலகின் முன்னணி ஆடை நிறுவனங்களுக்கான உற்பத்தி மையமாக வங்கதேசம் திகழ்கிறது.
  • இத்தகைய முக்கியமான துறையில் தொழிலாளர் போராட்டம் நீடித்தால், உற்பத்தி பாதிப்பு, சரக்கு அனுப்புவதில் தாமதம், சர்வதேச நிறுவனங்களின் ஆர்டர்கள் வேறு நாடுகளுக்கு மாறுவது போன்ற விளைவுகள் ஏற்படலாம்.

வங்கதேச பிரச்னை... திருப்பூருக்கு நல்ல வாய்ப்பா?

  • இந்த போராட்டம் இந்திய ஆடை ஏற்றுமதியாளர்களுக்கு முக்கியமானதாக பார்க்கப்படுகிறது. குறிப்பாக, தமிழ்நாட்டின் திருப்பூர் பின்னலாடைத் தொழில் மையம் இதனால் பயனடைய வாய்ப்புள்ளதாக கூறப்படுகிறது.
  • வங்கதேசத்தில் ஊதிய உயர்வு, தொழிலாளர் போராட்டம், தொழிலாளர்கள் மூடல், சரக்கு அனுப்புவதில் ஏற்படும் தாமதம் ஆகியவற்றால் சர்வதேச நிறுவனங்கள் மாற்று உற்பத்தி நாடுகளைத் தேடத் தொடங்கி உள்ளன. இந்த நிலையில், இந்திய உற்பத்தியாளர்களிடம் புதிய ஆர்டர்கள் குறித்து விசாரிக்கும் நிறுவனங்களின் எண்ணிக்கை அதிகரித்துள்ளதாக தகவல்கள் வெளியாகி உள்ளன.
  • திருப்பூர் ஏற்றுமதியாளர்கள் சங்கத்தின் தகவல்படி, திருப்பூரில் தொழிற்சாலைகளின் உற்பத்தித் திறன் பயன்பாடு சில மாதங்களுக்கு முன்பு 60 முதல் 65 சதவீதமாக இருந்த நிலையில், தற்போது 95 சதவீதத்தை எட்டியுள்ளதாக நவம்பர் மாத தொடகத்தில் தெரிவிக்கப்பட்டது. அமெரிக்கா, பிரிட்டன் உள்ளிட்ட நாடுகளில் இருந்து புதிய ஆர்டர்கள் குறித்த விசாரணைகளும் அதிகரித்துள்ளன.
  • திருப்பூரில் சுமார் 5 ஆயிரம் ஏற்றுமதி ஆடை உற்பத்தி நிறுவனங்கள் உள்ளன. வங்கதேசத்தின் உற்பத்தி பாதிப்பு காரணமாக சில சர்வதேச ஆர்டர்கள் இந்தியாவுக்கு மாறினால், திருப்பூர் பின்னலாடைத் துறைக்கு அது குறிப்பிடத்தக்க வாய்ப்பாக அமையலாம்.

திருப்பூருக்கு இது சாதகம் தானா...?

  • வங்கதேசத்தின் ஊதிய உயர்வு பிரச்னை இந்தியாவுக்கு சாதகமான சூழலை உருவாக்கினாலும் அனைத்து ஆர்டர்களும் உடனடியாக திருப்பூருக்கு வந்துவிடும் என்று கூற முடியாது.
  • சர்வதேச நிறுவனங்கள் ஆடை உற்பத்திக்கான நாடுகளைத் தேர்வு செய்யும்போது தொழிலாளர் ஊதியம் மட்டுமின்றி உற்பத்தி திறன், தரம், சரியான நேரத்தில் பொருட்களை அனுப்பும் திறன், மூலப்பொருள் செலவு, போக்குவரத்து வசதி உள்ளிட்ட பல காரணிகளையும் கணக்கில் எடுத்துக்கொள்கின்றன.
  • வங்கதேசத்தில் ஊதிய உயர்வு எவ்வளவு சதவீதம் இருக்கும் என்பதும், அங்குள்ள தொழிற்சாலைகள் எப்போது இயல்பு நிலைக்குத் திரும்பும் என்பதும் முக்கியம். அதேபோல், திருப்பூர் நிறுவனங்கள் அதிகரிக்கும் ஆர்டர்களை ஏற்றுக்கொண்டு, தரத்துடன் குறித்த காலத்தில் உற்பத்தி செய்து வழங்க முடியுமா என்பதும் இந்த வாய்ப்பை தீர்மானிக்கும்.
  • இதனால், வங்கதேச தொழிலாளர் போராட்டம் திருப்பூருக்கு ஒரு புதிய வாய்ப்பை திறந்திருக்கிறது. ஆனால், இந்த வாய்ப்பை நீண்டகால ஏற்றுமதி வளர்ச்சியாக மாற்றுவது திருப்பூர் தொழில் நிறுவனங்களின் தயார்நிலை மற்றும் சர்வதேச சந்தையின் முடிவுகளைப் பொறுத்தே அமையும்.

இறுதியாக...

வங்கதேசத்தில் தொழிலாளர்களின் ஊதிய உயர்வு கோரிக்கை இன்னும் தீர்வு காணப்படாத நிலையில், போராட்டம் தொடர்ந்து தொழிற்சாலை உற்பத்தியையும் ஏற்றுமதியையும் பாதிக்கும் அபாயம் உள்ளது.

மறுபுறம், மாற்று உற்பத்தி மையங்களைத் தேடும் சர்வதேச நிறுவனங்களின் கவனம் இந்தியா மீது திரும்புவதால் திருப்பூர் பின்னலாடைத் துறைக்கு புதிய வாய்ப்புகல் உருவாகி உள்ளன. வங்கதேசத்தின் தொழிலாளர் போராட்டம் அங்கு நெருக்கடியை ஏற்படுத்தினாலும் திருப்பூருக்கு இது ஒரு புதிய ஏற்றுமதி வாய்ப்பின் தொடக்கமாக அமையும் என்பதுதான் இப்போது எழும் முக்கியக் கேள்வியாகும்.

மேலும் படிக்க | எரிந்த காரில் இந்திய இளைஞரின் உடல்: குறிவைத்து தாக்கப்பட்டாரா?... கனடாவில் பரபரப்பு

Add Zee News as a Preferred Source
TAGS:
World
Explainer