மதுரையில் 500 சவரன் நகைகள் கொள்ளை... கதவை உடைக்காமல் திருடியது எப்படி?

மதுரை நகைக்கடையில் இருந்து 500 சவரன் நகை கொள்ளையடிக்கப்பட்டுள்ளது.  மதுரை பைபாஸ் பகுதியில் இயங்கி வரும் டாடாவின் தனிஷ்க் நகைக் கடையில் அதிகாலை 3 மணியளவில் ரூ.50 கோடி மதிப்புள்ள 500 சவரன் தங்க நகைகள் கொள்ளையடிக்கப்பட்டுள்ளதாக தெரிவிக்கப்பட்டுள்ளது.

அண்மையில் திறக்கப்பட்ட இந்த கடையின் பின்புறம் வழியாக நுழைந்த முகமூடி அணிந்த அடையாளம் தெரியாத நபர் இந்த கொள்ளை சம்பவத்தில் ஈடுபட்டதாக புகார் அளிக்கப்பட்டுள்ளது.

மொத்தமாக 29 கிலோ நகை கொள்ளையடிக்கப்பட்டதாக  கூறப்படும் நிலையில், கதவை உடைக்காமல், பூட்டை உடைக்காமல், நகைகள் திருடப்பட்டிருப்பதாக போலீஸ் தரப்பில் தகவல் தெரிவிக்கப்பட்டுள்ளது.

கொள்ளை நடந்த நகைக்கடையில் தடய அறிவியல் குழுவினர் ஆய்வில் ஈடுபட்டுள்ள நிலையில், எஸ்.எஸ். காலனி காவல் துறையினர் 5 தனிப்படைகள் அமைத்து விசாரணை மேற்கொண்டு வருகின்றனர். மொத்த நகைகளில் 30% அளவுக்கு கொள்ளையடிக்கப்பட்டதாக காவல் ஆணையர் தகவல் தெரிவித்துள்ளனர்.