DC திரைப்படம் ஓடிடியில் வெளியாவது எப்போது? வெளியான தகவல்!

DC OTT Release : லோகேஷ் கனகராஜ், இயக்குநராக தமிழ் திரையுலகிற்குள் அறிமுகமாகி, தற்போது DC திரைப்படத்தின் மூலம் ஹீரோவாக உயர்ந்திருக்கிறார். தமிழ் திரையுலகின் முக்கிய ஹீரோக்களான விஜய், ரஜினிகாந்த், கமல்ஹாசன் உள்ளிட்ட பலரை வைத்து படங்களை எடுத்து விட்ட இவர், ”சரி..நாம ஏன் ஹீரோவாக நடிக்கக்கூடாது?” என முடிவு செய்து, டிசி படத்தில் நடித்திருக்கிறார்.

டிசி திரைப்படம்:

Devdas, Chandraவின் சுருக்கம்தான், DC. இந்த படத்தில் ஹீரோவாக லோகேஷ் கனகராஜும், ஹீரோயினாக வாமிகா கபியும் நடித்துள்ளனர். இதில் முக்கிய கேரக்டர்களில் சஞ்சனா, அவினாஷ், கஸ்தூரி ராஜா, ஜவஹர் சக்தி, தலைவாசல் விஜய் உள்ளிட்டோர் நடித்துள்ளனர். சன் பிக்சர்ஸ் நிறுவனம் தயாரித்திருக்கும் இந்த படத்திற்கு அனிருத் இசையமைத்திருக்கிறார்.

கதை என்ன?

டிசி திரைப்படம், கேங்ஸ்டர் கதையாக உருவாகி இருக்கிறது. இதில் கேங்க்ஸ்டராக வருவதே நம்ம லோகேஷ் கனகராஜ்தான். இவன் வாழ்க்கையில் எதிர்பாராமல் ஏற்படும் ஒரு திருப்பம் மற்றும் அதில் அவனுடன் பயணிக்கும் பெண் பற்றிய கதைதான், டிசி. 
ஓடிடி வெளியீடு எப்போது?

வழக்கமாக, எந்த படம் வெளியாகிறது என்றாலும் இப்போதெல்லாம் அதன் ஓடிடி உரிமம் விற்கப்பட்ட பிறகுதான் திரையரங்கிலேயே வெளியிடப்படுகிறது. இதையடுத்து, DC திரைப்படமும் அதே போல ஓடிடி தளத்திற்கு விற்கப்பட்ட பிறகு தியேட்டரில் வெளியிடப்பட்டுள்ளது. இந்த படத்தின் ஓடிடி உரிமத்தை சன் நெக்ஸ்ட் நிறுவனம் தக்க வைத்திருப்பதாக கூறப்படுகிறது. படம் இப்போதைக்கு தியேட்டரில் வெளியாகி இருப்பதால் சில நாட்களுக்கு ஓடிடியில் ரிலீஸ் ஆவதற்கு சற்று தாமதம் ஆகும். தியேட்டரில் ரிலீஸ் ஆகி 1 மாதத்திற்கு பிறகு இந்த படம் ஓடிடியில் வெளியிடப்படலாம் என கூறப்படுகிறது.

லோகேஷின் அடுத்த ப்ளான் என்ன?

நடிகர் லோகேஷ் கனகராஜ், தான் நடித்து முடித்த பிறகு அடுத்த படத்தை இயக்கும் வேலைகளை தொடங்கி விட்டார். தற்போது அட்லீயின் பான் இந்திய படத்தில் நடித்து வரும் அல்லு அர்ஜுனை வைத்து அவர் ஒரு படத்தை இயக்க இருக்கிறார். இந்த படம்தான் லோகியின் அடுத்த திரைப்படம் ஆகும்.