மூத்த குடிமக்கள், பெண்கள், மாற்றுத்திறனாளிகளுக்கு அதிகரிக்கும் மாத ஓய்வூதியம்: UP மாநில அரசு மாஸ்டர் பிளான்

Uttar Pradesh Pension Hike: தமிழகம் உட்பட நாடு முழுவதும் உள்ள பல மாநில அரசுகள் மக்களுக்கான பல நலத்திட்டங்களை செயல்படுத்தி வருகின்றன. இவற்றில் குறிப்பாக முதியவர்கள் மற்றும் பெண்களுக்கு அதிக முக்கியத்துவம் அளிக்கப்படுகின்றன. அவர்களுக்கு நிதி உதவி வழங்கும் பல்வேறு திட்டங்கள் செயல்படுத்தப்படுகின்றன.

உத்தர பிரதேச ஓய்வூதியத் திட்டம்

அந்த வகையில், உத்தரப் பிரதேசத்தில் முதியவர்கள், மாற்றுத்திறனாளிகள் மற்றும் ஆதரவற்ற பெண்களுக்கான ஓய்வூதியம் தொடர்பாக ஒரு முக்கிய அறிவிப்பு வெளியாகியுள்ளது. உத்தரப் பிரதேச அரசு மாத ஓய்வூதியத் தொகையை உயர்த்தத் திட்டமிட்டுள்ளது.

தற்போது முதியவர்கள், மாற்றுத்திறனாளிகள் மற்றும் ஆதரவற்ற பெண்களுக்கு மாதம் ₹1,000 ஓய்வூதியம் வழங்கப்பட்டு வருகிறது. இதை ₹1,500 ஆக உயர்த்தத் திட்டமிடப்பட்டுள்ளது. இதன் மூலம் முதியவர்கள், மாற்றுத்திறனாளிகள் மற்றும் ஆதரவற்ற பெண்கள் கூடுதலாக ₹500 பலனைப் பெற முடியும்.

அதிகரிக்கும் ஓய்வூதியம்

உத்தரப் பிரதேச அரசு ஓய்வூதியத்தை ₹1,000-லிருந்து ₹1,500-ஆக உயர்த்தத் தயாராகி வருகிறது. இதன் விளைவாக, முன்பு ₹12,000-ஆக இருந்த ஆண்டு ஓய்வூதியம் ₹18,000-ஆக உயரும். இந்த உயர்வு, தகுதியுள்ள பயனாளிகளுக்கு முன்பை விட அதிக நிதி உதவியை வழங்கும்.

மேலும் படிக்க | Explained : ‘ராம் லீலா’ மைதானத்திலும் போராட முடியாது! ஜந்தர் மந்தரை தொடர்ந்து புது இடத்துக்கும் சவால்..

இருப்பினும், இந்தத் திட்டம் இன்னும் முழுமையாகச் செயல்படுத்தப்படவில்லை. தற்போது இதற்கு முதற்கட்ட ஒப்புதல் மட்டுமே கிடைத்துள்ளது. அமைச்சரவையின் ஒப்புதல் மற்றும் அதிகாரப்பூர்வ அரசாணை வெளியான பின்னரே இது நடைமுறைக்கு வரும்.

உத்தர பிரதேச ஓய்வூதியத் திட்டத்தின் பயனாளிகள் இந்த ஓய்வூதியத்தைப் பெற விரும்பினால், வீட்டிலிருந்தபடியே அதற்கு விண்ணப்பிக்கலாம். அதற்கான விவரங்களை இங்கே காணலாம்.

மேலும் படிக்க | மத்திய அமைச்சர் எல்.முருகன் ராஜினாமா... பிரதமர் மோடிக்கு கடிதம் - திடீர் அறிவிப்பு

ஓய்வூதியத்திற்கு எப்படி விண்ணப்பிப்பது?

இந்த திட்டத்தின் பயனை பெற விரும்பும் நபர்கள், வீட்டிலிருந்தபடியே இதற்கு விண்ணப்பிக்கலாம். ஓய்வூதியப் பலன்களைப் பெற, மாநில அரசின் 'ஒருங்கிணைந்த சமூக ஓய்வூதிய இணையதளத்தை' (Integrated Social Pension Portal) பயனாளிகள் பயன்படுத்தலாம். அதற்கான செயல்முறை இதோ:

• இதற்கு முதலில், உத்தரப் பிரதேச அரசின் SSPY இணையதளத்திற்குச் செல்லவும்.
• இணையதளத்தின் முகப்புப் பக்கத்தில் இரண்டு விருப்பங்களைக் காண்பீர்கள்.
• உங்கள் தேவைக்கேற்ப 'முதியோர் ஓய்வூதியம்' (Old Age Pension) அல்லது 'ஆதரவற்ற பெண்கள் ஓய்வூதியம்' (Destitute Women Pension) ஆகிய விருப்பங்களில் ஒன்றைத் தேர்ந்தெடுக்கலாம்.
• பின்னர், அந்தப் பக்கத்திற்குச் சென்று 'Apply Online' (ஆன்லைனில் விண்ணப்பிக்கவும்) என்ற விருப்பத்தைக் கிளிக் செய்யவும்.
• கேட்கப்பட்ட அனைத்து விவரங்களையும் கவனமாகப் பூர்த்தி செய்யவும்.
• அதன்பிறகு, சில ஆவணங்களைச் சமர்ப்பிக்க வேண்டியிருக்கும். அவற்றை ஸ்கேன் செய்து பதிவேற்ற வேண்டும்.
• இறுதியாக, அனைத்து விவரங்களையும் உள்ளிட்ட பிறகு, உங்கள் மொபைல் எண்ணுக்கு ஒரு OTP வரும். அதை உள்ளிட்டுச் செயல்முறையை நிறைவு செய்யவும். 
• கடைசியாக, கேப்ட்சா (captcha) குறியீட்டை உள்ளிட்டு விண்ணப்பத்தைச் சமர்ப்பிக்கவும்.

ஓய்வூதியத்திற்கு மக்கள் ஆஃப்லைனிலும் (நேரடியாகவும்) விண்ணப்பிக்கலாம். ஆன்லைனில் விண்ணப்பிக்கும்போது ஏதேனும் சிக்கல்களை எதிர்கொண்டால், நீங்கள் ஆஃப்லைனில் (நேரடியாகச் சென்று) விண்ணப்பிக்க பரிந்துரைக்கப்படுகின்றது. இதற்கு, உங்கள் அருகிலுள்ள 'ஜன் சேவா கேந்திரா'விற்கு (பொதுச் சேவை மையம்) சென்று விண்ணப்பத்தைச் சமர்ப்பித்துச் செயல்முறைப்படுத்தலாம்.

உத்தர பிரதேச அரசு ஓய்வூதியத் தொகையை அதிகரிப்பதற்கான நடவடிகைகளை எடுத்து வரும் இவ்வேளையில், பிற மாநில அரசுகளும் ஓய்வூதிய அதிகரிப்பை மேற்கொள்ளக்கூடும் என்ற எதிர்பார்ப்பில் மக்கள் காத்திருக்கிறார்கள்.

மேலும் படிக்க | Explained: நாட்டின் தலையெழுத்தை மாற்றிய இடம்.. 300 ஆண்டுகால வரலாறு.. இதுதான் ஜந்தர் மந்தரின் கதை!