'கழுத்துக்குக் கீழே இயங்காது...' - நிஜ வாழ்க்கை சோகத்தை பகிர்ந்த நடிகை துஷாரா

துஷாரா பேட்டி

சார்பட்டா பரம்பரை, நட்சத்திரம் நகர்கிறது, ராயன், வேட்டையன் போன்ற திரைப்படங்களின் மூலம் தமிழ் சினிமாவில் தனக்கென தனிமுத்திரையைப் பதித்தவர் நடிகை துஷாரா விஜயன். சமீபத்தில் வெளியான 'G.D.N.' திரைப்படத்தின் விளம்பரப் பணிகளின் போது அளித்த பேட்டியில், தனது குடும்பத்தில் நடந்த சோகத்தையும், மறைந்த தனது மூத்த அக்காவுடனான பிணைப்பையும் நினைவுகூர்ந்து உருக்கமாகப் பேசியுள்ளார்.

தோழா படம்

துஷாரா விஜயனுக்கு லீபிகா, துர்க்கா என இரு மூத்த அக்காள்கள். இதில் இரண்டாவதாகப் பிறந்த அக்கா, பிறப்பிலேயே 'மயோபதி' (Myopathy) என்ற தசைப் பலவீன நோயால் பாதிக்கப்பட்டிருந்தார். 'தோழா' திரைப்படத்தில் நடிகர் நாகர்ஜுனா நடிச்ச கதாபாத்திரத்தைப் போல, இவருக்குக் கழுத்துக்குக் கீழே உடல் முழுவதும் இயங்காது. ஆனால், தலை மற்றும் முகம் சார்ந்த பகுதிகள் இயல்பாகவே இருந்தன. அதனால் அவரது அன்றாடத் தேவைகளுக்குக் குடும்பத்தினர் முழுமையாக உதவி செய்ய வேண்டியிருந்தது.

நடனம் மீது ஆர்வம்

துஷாரா விஜயனுக்குச் சிறுவயதிலேயே நடனத்தின் மீது ஆர்வம் ஏற்பட்டதற்கு அவரது அக்காதான் முக்கியக் காரணம். சக்கர நாற்காலியில் அமர்ந்தபடியே, துஷாராவை இப்படி நடனமாடு, இந்த மாதிரி அசைவுகளைச் செய் என்று ஊக்கப்படுத்துவார். அக்கா கொடுத்த அந்த ஊக்கமே துஷாரா நடனத்தைக் கற்றுக்கொள்ள விதையாக அமைந்தது.

நடிகை துஷாரா விஜயன் தம்பி

சுமார் 10 ஆண்டுகளுக்கு முன்பு துஷாராவின் அக்கா உயிரிழந்தார். அக்காவின் மறைவு குறித்துப் பேசிய துஷாரா, "நான் இப்போது வெளியே எங்குச் சென்றாலும் கடவுளைக் கும்பிடுவதில்லை; என் அக்காவின் புகைப்படத்தைப் பார்த்துதான் கும்பிடுகிறேன்" எனக் கண்ணீருடன் தெரிவித்துள்ளார்.

துஷாரா நம்பி

அதே பேட்டியில் தனது தம்பியைப் பற்றியும் துஷாரா பகிர்ந்துகொண்டார். சென்னையில் தனது தம்பியுடன் 7 ஆண்டுகள் தங்கியிருந்ததாகக் குறிப்பிட்ட அவர், "நான் அவனுக்கு அக்கா என்பதை விடத் தாய் போன்றவள். அவன் எனக்குப் பிள்ளை மாதிரி" என்று நெகிழ்ச்சியுடன் தெரிவித்தார்.

Actress Dushara Vijayan movies

ஆர். மாதவன் நாயகனாக நடித்துள்ள GDN திரைப்படம் ஆகஸ்ட் 7 அன்று திரையரங்குகளில் வெளியானது. இதைத் தொடர்ந்து, ஆகஸ்ட் 14 அன்று திரைக்கு வரவுள்ள 'மகுடம்' என்ற ஆக்சன் த்ரில்லர் திரைப்படத்திலும் துஷாரா விஜயன் நடித்துள்ளார் என்பது குறிப்பிடத்தக்கது.