- ஜி நியூஸ் தமிழ்
- /போட்டோ
- /பயணிகளுக்கு குட் நியூஸ்! மெட்ரோ ரயில் சேவை நீட்டிப்பு.. இரவு 12 மணி வரை இயங்கும்
பயணிகளுக்கு குட் நியூஸ்! மெட்ரோ ரயில் சேவை நீட்டிப்பு.. இரவு 12 மணி வரை இயங்கும்
Written ByUmabarkavi K
Published: Nov 06, 2026, 09:31 AM IST|Updated: Nov 06, 2026, 09:40 AM IST
Chennai Metro Train Service: தீபாவளி பண்டிகையை முன்னிட்டு, பயணிகளின் வசதிக்காக சென்னை மெட்ரோ ரயில் சேவை நேரம் நீட்டிக்கப்பட்டுள்ளது. இதன் மூலம் பயணிகள் கூட்ட நெரிசலின்றி, எளிதாக செல்லலாம் என மெட்ரோ நிர்வாகம் தெரிவித்துள்ளது.
Chennai Metro Train Service: இன்று (நவம்பர் 6) பச்சை, நீலம் மற்றும் மஞ்சள் வழித்தடத்தில் மெட்ரோ ரயில் சேவை இரவு 12 மணி வரை நீட்டிக்கப்பட்டுள்ளதாக அறிவிப்பு வெளியாகி உள்ளது.
1/5தீபாவளியையொட்டி, சொந்த ஊருக்கு புறப்பட தொடங்கிய சென்னை மக்கள்
சென்னையில் முக்கிய போக்குவரத்துகளில் ஒன்றாக இருப்பது மெட்ரோ ரயில் சேவை. மெட்ரோவில் தினமும் ஆயிரக்கணக்கான பயணிகள் பயணித்து வருகின்றனர். மெட்ரோ ரயில் பயணிகளின் சீரான பயணத்திற்கு பல்வேறு சிறப்பு ஏற்பாடுகளை செய்து வருகிறது. குறிப்பாக, பண்டிகை நாட்கள், தொடர் விடுமுறை நாட்களில் பயணிகள் வெளியூர் செல்வதால், மெட்ரோ ரயிலில் கூட்டம் அலைமோதும். அந்த வகையில், நவம்பர் 8ஆம் தேதி தீபாவளி பண்டிகை கொண்டாடப்படுகிறது.
2/5பேருந்து, ரயில் நிலையங்களில் அலைமோதும் கூட்டம்
இதனால், சென்னையில் இருந்து லட்சக்கணக்கான பயணிகள் வெளியூர் செல்ல புறப்பட்டனர். இதனால், பேருந்து நிலையங்கள், ரயில் நிலையங்களில் பயணிகள் கூட்டம் இப்போதே அலைமோதுகிறது. இந்த நிலையில், பயணிகள் எளிதாக செல்லும் வகையில், மெட்ரோ ரயில் சேவை நேரத்தை மெட்ரோ நிர்வாகம் நீட்டித்துள்ளது. தீபாவளிப் பண்டிகையை முன்னிட்டு (08.11.2026), சொந்த ஊர்களுக்குச் செல்லும் பயணிகளின் வசதிக்காக சென்னை மெட்ரோ இரயில் நிறுவனம் 05.11.2026 மற்றும் 06.11.2026 ஆகிய தேதிகளில் கூடுதல் சேவைகளை இயக்கவுள்ளது என தெரிவிக்கப்பட்டுள்ளது.
3/5மெட்ரோ ரயில் சேவை நேரம் நீட்டிப்பு
இது தொடர்பாக சென்னை மெட்ரோ ரயில் நிர்வாகம் வெளியிட்ட அறிவிப்பின்படி, தீபாவளிப் பண்டிகையை முன்னிட்டு (08.11.2026), சொந்த ஊர்களுக்குச் செல்லும் பயணிகளின் வசதிக்காக சென்னை மெட்ரோ இரயில் நிறுவனம் நேற்று முதல் 06.11.2026 வரை கூடுதல் சேவைகளை இயக்கவுள்ளது. அதன் விவரங்கள் பின்வருமாறு:
4/5பீக் ஹவரில் மாலை 5 மணிக்கு பதிலாக 4 மணிக்கே ரயில் சேவை
நவம்பர் 6, 2026 (வெள்ளிக்கிழமை - இன்று): பச்சை, நீலம் மற்றும் மஞ்சள் வழித்தடத்தில் மாலை நெரிசல் மிகுந்த நேரங்களுக்கான (Peak-hour) மெட்ரோ இரயில் சேவைகள் வழக்கமான மாலை 5:00 மணிக்கு பதிலாக, மாலை 4:00 மணிக்கே தொடங்கி, இரவு 8:00 மணிக்கு பதிலாக இரவு 9:00 மணி வரை நீட்டிக்கப்படும்.
5/5இன்று ஒருநாள் மட்டுமே மெட்ரோ ரயில் சேவை நீட்டிப்பு
முனைய நிலையங்களிலிருந்து (Terminal Stations) புறப்படும் கடைசி மெட்ரோ இரயில் நேரம் பச்சை மற்றும் நீல வழித்தடத்தில்: வழக்கமான இரவு 11:00 மணிக்கு பதிலாக, நள்ளிரவு 12:00 மணி வரை இயங்கும். மஞ்சள் வழித்தடத்தில்: வழக்கமான இரவு 9:00 மணிக்கு பதிலாக, இரவு 11:00 மணி வரை இயங்கும். மேற்கண்ட மாற்றியமைக்கப்பட்ட அட்டவணை இன்று (நவம்பர் 6) மட்டுமே பொருந்தும். பயணிகள் இதற்கேற்ப தங்கள் பயணத்தைத் திட்டமிட்டு, சென்னை மெட்ரோவுடன் பாதுகாப்பான, வசதியான மற்றும் தடையற்ற பயணத்தை மேற்கொள்ளுமாறு கேட்டுக்கொள்ளப்படுகிறார்கள்.TAGS:
Trending
- News
- Photos
- Videos
)