கூட்டுறவு லோன் சிறப்பு முகாம் : சொந்த தொழில் செய்ய சூப்பர் சான்ஸ்!

கூட்டுறவு வங்கிகளில் சிறப்பு கடன் முகாம்கள்

கூட்டுறவு வங்கிகளில் சிறப்பு கடன் முகாம்கள் : தமிழ்நாட்டில் கூட்டுறவு நிறுவனங்கள் மூலம் நடப்பாண்டில் ரூ.1.80 லட்சம் கோடி கடன் வழங்கும் இலக்கை எட்ட வாரந்தோறும் சிறப்பு கடன் முகாம்கள் நடத்தப்பட்டு வருகின்றன. இதன் ஒரு பகுதியாக, செவ்வாய்க்கிழமைகளில் சிங்கப் பெண்கள் மற்றும் வீட்டு வசதிக் கடன்களும், வெள்ளிக்கிழமைகளில் இதர முன்னுரிமைத் துறை கடன்களுக்கான முகாம்களும் நடைபெறுகின்றன.

ரூ.50 கோடி மதிப்பில் நீண்ட காலக் கடன்கள்

ரூ.50 கோடி மதிப்பில் நீண்ட காலக் கடன்கள் : தற்போது கூடுதலாக ரூ.50 கோடி மதிப்பிலான நீண்ட காலக் கடன்களை (Long Term Loans) வழங்க கூட்டுறவுத்துறை ஏற்பாடு செய்துள்ளது. வேளாண்மை மற்றும் ஊரகப் பொருளாதாரத்தை மேம்படுத்தும் நோக்கில் இந்த சிறப்பு கடன் உதவி வழங்கப்படவுள்ளது.

எந்தெந்த தொழில்களுக்கு கடன் கிடைக்கும்?

எந்தெந்த தொழில்களுக்கு கடன் கிடைக்கும்? : வேளாண் இயந்திரமயமாக்கல், குளிர் பதங்கிடங்குகள் அமைத்தல், அறுவடைக்குப் பிந்தைய உட்கட்டமைப்பு மேம்பாடு ஆகியவற்றுக்கு கடனுதவி கிடைக்கும். மேலும், கறவை மாடு, ஆடு மற்றும் கோழி வளர்ப்பு உள்ளிட்ட கால்நடை பராமரிப்பு தொழில்களுக்கும் இக்கடன் வழங்கப்படுகிறது.

ரூ.30 லட்சம் வரை கடன்

ரூ.30 லட்சம் வரை கடன் – தேவையான ஆவணங்கள் : தகுதியுடைய உறுப்பினர்களுக்கு அதிகபட்சமாக ரூ.30 லட்சம் வரை நீண்ட காலக் கடன் வழங்கப்படும். இதற்கு விண்ணப்பிக்க தொடக்கக் கூட்டுறவு வேளாண்மை மற்றும் ஊரக வளர்ச்சி வங்கிகளை (PCARDB) அணுகலாம். விண்ணப்பத்துடன் புகைப்படங்கள், ஆதார் உள்ளிட்ட அடையாள/முகவரிச் சான்று, KYC விவரங்கள் மற்றும் நில அடமான ஆவணங்களைச் சமர்ப்பிக்க வேண்டும்.

வாட்ஸ்அப் எண்

கூடுதல் தகவல்களுக்கு வாட்ஸ்அப் எண் : பொதுமக்கள் மற்றும் விவசாயிகள் இந்த அரிய வாய்ப்பைப் பயன்படுத்தி பொருளாதார ரீதியாக பயனடையுமாறு கூட்டுறவுத்துறை கேட்டுக்கொண்டுள்ளது. இது குறித்த கூடுதல் விவரங்களை அறிய 9884000845 என்ற அதிகாரப்பூர்வ வாட்ஸ்அப் எண்ணைத் தொடர்பு கொள்ளலாம்