62 வயது மகனுக்கு 31 வயது தாய்: சினிமா காஸ்டிங் கூத்து!

Honey Rose

சினிமா உலகில் கதாநாயகர்களுக்கும் கதாநாயகிகளுக்கும் இடையே இருக்கும் வயது வித்தியாசம் எப்போதுமே ஒரு பெரிய விவாதப் பொருள். 70 வயதை நெருங்கினாலும் நடிகர்கள் கதாநாயகர்களாகவே வலம் வர முடிகிறது.

அம்மா கதாப்பாத்திரம்

ஆனால், நடிகைகள் குறிப்பிட்ட வயதைக் கடந்துவிட்டாலே அல்லது சில ஆண்டுகளிலேயே அக்கா, அண்ணி, அம்மா கதாபாத்திரங்களுக்கு தள்ளப்படும் நிலை தொடர்கிறது.

வீர சிம்ஹா ரெட்டி

இதற்குச் சிறந்த உதாரணமாக அமைந்து திரையுலகின் விசித்திரக் காஸ்டிங்கை வெளிச்சம்போட்டுக் காட்டிய படம் தான் வீர சிம்ஹா ரெட்டி. கடந்த 2023 ஆம் ஆண்டு பொங்கல் பண்டிகையை முன்னிட்டு தெலுங்கில் வெளியாகி மாபெரும் வரவேற்பைப் பெற்ற இத்திரைப்படத்தில் நந்தமுரி பாலகிருஷ்ணா முதன்மைப் பாத்திரத்தில் நடித்திருந்தார்.

பாலகிருஷ்ணா வயது

இப்படத்தின் படப்பிடிப்பின் போது நடந்த காஸ்டிங் விசித்திரம் ரசிகர்களைப் பெருமளவில் ஆச்சரியத்தில் ஆழ்த்தியது. கதாநாயகனாக நடித்த நந்தமுரி பாலகிருஷ்ணாவுக்கு 62 வயது. அவரது காதலி மற்றும் கதாநாயகியாக நடித்த ஸ்ருதிஹாசனுக்கு 37 வயது. பாலகிருஷ்ணாவுக்கு தாயாக நடித்த ஹனி ரோஸூக்கு 31 வயது.

ஹனி ரோஸ் வயது

இப்படத்தில் பாலகிருஷ்ணா, 'வீர சிம்ஹா ரெட்டி' மற்றும் 'ஜெய்' என தந்தை, மகன் என இருவேறு வேடங்களில் நடித்திருந்தார். இதில் தந்தை கதாபாத்திரத்திற்கு ஜோடியாகவும், மகன் கதாபாத்திரத்திற்குத் தாயாகவும் நடித்தவர் 31 வயதான ஹனி ரோஸ். அதே நேரத்தில், 62 வயதான பாலகிருஷ்ணாவுக்குக் காதலியாக ஸ்ருதிஹாசன் நடித்திருந்தார்.

தமிழ் சினிமா செய்திகள்

சுருக்கமாகச் சொன்னால், மகனாக நடித்த 62 வயது நடிகரை விட அவருக்குத் தாயாக நடித்த நடிகை 31 ஆண்டுகள் இளையவர்! சினிமா காஸ்டிங்கில் நடந்த இந்த முரண்பாடு ரசிகர்களிடையே பெரிய அளவில் பேசப்பட்டது.