நகல் ரேஷன் கார்டு : யார் விண்ணப்பிக்கலாம்? எப்படி விண்ணப்பிக்கலாம்?

யார் விண்ணப்பிக்கலாம்?

யார் விண்ணப்பிக்கலாம்? : ஸ்மார்ட் ரேஷன் கார்டு தொலைந்து போனவர்கள், சேதமடைந்தவர்கள் அல்லது கார்டில் உள்ள விவரங்கள் மங்கிப் போய் பயன்படுத்த முடியாத நிலையில் உள்ள குடும்ப அட்டைதாரர்கள் உடனடியாக நகல் ரேஷன் கார்டுக்கு (Duplicate Ration Card) விண்ணப்பிக்கலாம்.

ஆன்லைனில் தொடங்குவது எப்படி?

ஆன்லைனில் தொடங்குவது எப்படி? : தமிழ்நாடு நுகர்பொருள் வாணிபக் கழகத்தின் அதிகாரப்பூர்வ இணையதளமான tnpds.gov.in பக்கத்திற்குச் செல்லவும். முகப்புப் பக்கத்தில் உள்ள 'மின்னணு அட்டை தொடர்பான சேவைகள்' பிரிவில் 'நகல் மின்னணு குடும்ப அட்டை விண்ணப்பிக்க' என்ற ஆப்ஷனைத் தேர்வு செய்ய வேண்டும்.

பதிவு செய்த மொபைல் எண்

பதிவு செய்த மொபைல் எண், ஓடிபி : ரேஷன் கார்டுடன் இணைக்கப்பட்டுள்ள குடும்பத் தலைவரின் பதிவு செய்யப்பட்ட மொபைல் எண்ணை உள்ளிடவும். தொடர்ந்து, திரையில் தோன்றும் கேப்ட்சா குறியீட்டைப் பூர்த்தி செய்து சமர்ப்பித்தால், மொபைல் எண்ணிற்கு வரும் ஓடிபி (OTP) எண்ணைப் பதிவு செய்து உள்ளே நுழையலாம்

ஆவணப் பதிவேற்றம்

4. காரணம் மற்றும் ஆவணப் பதிவேற்றம் : புதிய கார்டு கோருவதற்கான காரணத்தைத் (கார்டு தொலைந்துவிட்டது / சேதமடைந்துவிட்டது) தேர்ந்தெடுக்க வேண்டும். அட்டை தொலைந்து போயிருந்தால் காவல்துறை சான்றிதழ் அல்லது சேதமடைந்த கார்டின் நகலை ஸ்கேன் செய்து பதிவேற்றம் செய்து விண்ணப்பத்தைச் சமர்ப்பிக்கவும்.

கட்டணம் செலுத்தி கார்டு பெறுதல்

5. கட்டணம் செலுத்தி கார்டு பெறுதல் : விண்ணப்பம் அங்கீகரிக்கப்பட்டதும், அரசு நிர்ணயித்த கட்டணத்தை (ரூ.20) ஆன்லைனில் செலுத்த வேண்டும். கார்டு தயாரானதும் பதிவு செய்த மொபைல் எண்ணிற்கு எஸ்.எம்.எஸ் வரும்; அதன்பின் உங்கள் பகுதி வட்ட வழங்கல் அலுவலகத்திற்குச் சென்று புதிய நகல் ஸ்மார்ட் கார்டைப் பெற்றுக்கொள்ளலாம்.