EPFO 2026 புதிய விதிகள்: EPF, EPS திட்டங்களில் 8 முக்கிய மாற்றங்கள்

EPFO Rules

1. ஊழியர் மற்றும் நிறுவனத்தின் பங்களிப்பு: புதிய விதிகளின்படி, ஊழியரின் சட்டப்பூர்வ PF பங்களிப்பு அவர்களின் அடிப்படைச் சம்பளத்தில் (Basic Salary) 12% ஆகத் தொடர்ந்து நீடிக்கும். அதேபோல் நிறுவனத்தின் பங்களிப்பும் நிர்ணயிக்கப்பட்ட விதிகளின்படி தொடரும். கட்டாயப் பங்களிப்பிற்கான உச்சவரம்பு மாதச் சம்பளம் ரூ.15,000 வரை பொருந்தும். இதன் மூலம் ஊழியரின் குறைந்தபட்ச சட்டப்பூர்வப் பங்களிப்பு மாதம் ரூ.1,800 ஆக இருக்கும். ஒருவேளை சம்பளம் ரூ.15,000-க்கு மேல் இருந்தால், அதற்கேற்ப கூடுதல் பங்களிப்பு செய்வது விருப்பத்தைப் பொறுத்தது.

EPFO Rules

2. ரூ.15,000 சம்பள உச்சவரம்பில் மாற்றங்களை எளிதாக்குதல்: முந்தைய EPF விதிகளில் ₹15,000 சம்பள வரம்பு நேரடியாகக் குறிப்பிடப்பட்டிருந்தது. ஆனால், 2026 புதிய விதிகளின்படி, இந்தச் சம்பள வரம்பானது மத்திய அரசால் அவ்வப்போது அறிவிக்கப்படும் வரம்புடன் இணைக்கப்பட்டுள்ளது. இதன் மூலம், எதிர்காலத்தில் அரசு PF சம்பள வரம்பை உயர்த்தும்போது, விதிகளில் பெரிய திருத்தங்களைச் செய்யத் தேவையின்றி, திருத்தங்களை எளிதாக அமல்படுத்த முடியும்.

EPFO Rules

3. PF பணத்தை எடுக்கும் விதிகள் எளிமை: PF கணக்கில் இருந்து பணத்தை எடுக்கும் பல்வேறு சிக்கலான பிரிவுகள் மற்றும் நிபந்தனைகள் சுருக்கப்பட்டு எளிமையாக்கப்பட்டுள்ளன. இனி தகுதியான பணத் தேவைகள் மூன்று முக்கியப் பிரிவுகளாகப் பிரிக்கப்படும்: அத்தியாவசியத் தேவைகள் (Essential Needs), வீடு தொடர்பான தேவைகள் மற்றும் சிறப்புச் சூழ்நிலைகள். இதன் மூலம் சந்தாதாரர்கள் எந்தச் சூழலில் பணம் பெற முடியும் என்பதை எளிதாகப் புரிந்துகொள்ள முடியும்.

EPFO Rules

4. PF கணக்கில் 25% குறைந்தபட்ச இருப்பு: உறுப்பினர்கள் தங்களின் ஓய்வூதிய சேமிப்பைப் பாதுகாக்கும் நோக்கில், PF கணக்கு இருப்பு இரண்டு பகுதிகளாகப் பிரிக்கப்படும். அதன்படி, 25% PF இருப்பு குறைந்தபட்ச இருப்பாகக் கணக்கிலேயே தக்கவைக்கப்படும். மீதமுள்ள 75% தொகையை மட்டுமே குறிப்பிட்ட நிபந்தனைகளுக்கு உட்பட்டு பகுதிப் பணமாக எடுக்க அனுமதிக்கப்படும்.

EPFO Rules

5. PF பணம் எடுக்க 12 மாத சேவை காலம் கட்டாயம்: வெவ்வேறு தேவைகளுக்காகப் பணம் எடுப்பதற்கு இருந்த வெவ்வேறு சேவை கால வரம்புகள் மாற்றப்பட்டு ஒரே சீராக்கப்பட்டுள்ளன. இனி PF கணக்கில் இருந்து பணத்தைப் பெறக் குறைந்தபட்சம் 12 மாதங்கள் (1 வருடம்) பணியில் இருந்திருக்க வேண்டும். மருத்துவத் தேவைகளுக்காகப் பணம் எடுப்பதற்கும் இந்த 12 மாத சேவை காலம் கட்டாயமாக்கப்பட்டுள்ளது.

EPFO Rules

6. வேலை இழந்த பின் முழு PF தொகையை எடுக்க 12 மாத காத்திருப்பு காலம்: புதிய விதிகளின் மிக முக்கியமான மாற்றம் இதுவாகும். முன்பு வேலை இழந்த பிறகு தொடர்ந்து 2 மாதங்கள் வேலையில்லாமல் இருந்தால் முழு PF தொகையையும் எடுக்க முடிந்தது. ஆனால் இனி முழுத் தொகையையும் எடுக்க 12 மாதங்கள் (1 வருடம்) வேலையின்றி காத்திருக்க வேண்டும். தகுதி அடிப்படையில் பகுதித் தொகையை எடுக்க அனுமதிக்கப்பட்டாலும், அதற்கான காத்திருப்பு காலம் 36 மாதங்களாகப் உயர்த்தப்பட்டுள்ளது.

EPFO Rules

7. முழுமையான டிஜிட்டல் முறையில் ஆன்லைன் நியமனம்: காகித வடிவிலான படிவங்களுக்குப் பதிலாக ஆன்லைன் நியமன முறைக்கு முழு அங்கீகாரம் அளிக்கப்பட்டுள்ளது. இதன் மூலம் ஊழியர்கள் தங்களின் குடும்பத்தினரை அல்லது வாரிசுகளைப் பெயர் மாற்றம் செய்ய நிறுவனங்களை எதிர்பார்க்காமல் ஆன்லைனிலேயே எளிதாகப் புதுப்பித்துக் கொள்ள முடியும்.

EPFO Rules

8. 20 நாட்களில் PF கிளைம் தீர்வு மற்றும் தாமதத்திற்கு அபராதம்: PF கோரிக்கைகளைத் தீர்ப்பதற்கான கால வரம்பு குறைக்கப்பட்டுள்ளது. இனி விண்ணப்பித்த 20 நாட்களுக்குள் EPFO கிளைம்களைத் தீர்க்க வேண்டும். தகுந்த காரணமின்றி 20 நாட்களுக்கு மேல் தாமதமானால், EPFO 12% அபராத வட்டியுடன் பணத்தை வழங்க நேரிடும். இந்த அபராதத் தொகை சம்பந்தப்பட்ட மண்டல PF ஆணையரின் சம்பளத்தில் இருந்து பிடித்தம் செய்யப்பட விதிகளில் வழிவகை செய்யப்பட்டுள்ளது.

EPFO Rules

2026ன் புதிய EPFO விதிகள் ஒருபுறம் டிஜிட்டல் சேவைகளையும் கிளைம் தீர்வுகளையும் விரைவுபடுத்தினாலும், மறுபுறம் ஊழியர்களின் எதிர்கால ஓய்வூதியச் சேமிப்பைப் பாதுகாப்பதில் அதிக கவனம் செலுத்துகின்றன. எனவே, வேலையை மாற்றும்போதோ அல்லது தவிர்க்க முடியாத சூழலில் PF பணத்தை எடுக்கும்போதோ புதிய விதிகளையும் தகுதிகளையும் சரிபார்த்து விண்ணப்பிப்பது அவசியமாகும்.