ரேஷன் கார்டு இருக்கா? இந்த வசதி இருப்பதை மறக்காதீங்க.. ONORC மூலம் கிடைக்கும் முக்கிய நன்மை

Ration Card Update: தமிழகம் உள்ளிட்ட அனைத்து மாநிலங்களில் உள்ள மக்களுக்கும் ரேஷன் அட்டை ஒரு முக்கிய ஆவணமாக பார்க்கப்படுகின்றது. இதன் மூலம் பயனாளிகளுக்கு உணவுப்பொருட்கள் மலிவு விலையில் கிடைப்பதுடன் அரசு திட்டங்களின் நன்மைகளும் எளிதாக கிடைக்கின்றன.

ரேஷன் அட்டைதாரர்களுக்கு செயல்முறைகளை எளிதாக்க மத்திய மாநில அரசுகள் அவ்வப்போது விதிகளில் சில மாற்றங்களை செய்கின்றன. ரேஷன் கார்டுதாரர்களுக்கு முக்கிய விதிகள் பற்றிய புரிதல் இருப்பது மிக அவசியமாகும். வேலை அல்லது வேறு ஏதேனும் காரணத்திற்காக பயனாளிகள் வேறொரு நகரத்திற்குச் சென்றால், புதிய ரேஷன் அட்டையைப் பெற வேண்டிய அவசியமில்லை.

ONORC: ஒரே நாடு, ஒரே ரேஷன் அட்டை

அரசின் 'ஒரே நாடு, ஒரே ரேஷன் அட்டை' (One Nation One Ration Card) திட்டத்தின் கீழ், தகுதியுள்ள பயனாளிகள் தங்கள் தற்போதைய ரேஷன் அட்டையைப் பயன்படுத்தியே புதிய இடத்திலும் ரேஷன் பொருட்களைப் பெறலாம். அட்டைதாரர்கள் புதிய அட்டைக்கு விண்ணப்பிக்கத் தேவையில்லை. அவர்கள் அருகிலுள்ள கடைக்குச் சென்று, தங்கள் தற்போதைய அட்டையைப் பயன்படுத்தி, தங்களுக்கு ஒதுக்கப்பட்ட ரேஷன் பொருட்களைப் பெற்றுக்கொள்ளலாம்.

புதிய ரேஷன் அட்டை தேவையில்லை

அரசின் 'ஒரே நாடு, ஒரே ரேஷன் அட்டை' திட்டம், பயனாளிகள் தங்கள் தற்போதைய அட்டையைப் பயன்படுத்தி புதிய இடத்திலும் ரேஷன் பொருட்களைப் பெற அனுமதிக்கிறது. ரேஷன் அட்டைதாரர்கள் புதிய அட்டையைப் பெற வேண்டிய அவசியமில்லை என்று உணவு மற்றும் பொது விநியோகத் துறை தனது சமூக ஊடகத் தளமான 'X'-இல் தெளிவுபடுத்தியுள்ளது. அவர்கள் நாட்டின் எந்தப் பகுதியிலும் தங்கள் தற்போதைய அட்டையைப் பயன்படுத்தி ரேஷன் விநியோக வசதிகளைப் பெறலாம்.

ரேஷன் பொருட்கள் வாங்கும்போது இதில் கவனம் தேவை

• ரேஷன் பொருட்களைப் பெறும்போது, ​​கடைக்காரர் பயனாளிக்கு ஒரு சீட்டை வழங்குவார்.
• பொருட்களைப் பெற்ற பிறகு இந்தச் சீட்டைச் சரிபார்ப்பது முக்கியம்.
• சீட்டில் குறிப்பிடப்பட்டுள்ள ரேஷன் பொருட்களின் அளவை கவனமாகப் படித்து, உண்மையில் உங்களுக்குக் கிடைத்த பொருட்களின் அளவோடு ஒப்பிட்டுச் சரிபார்க்க வேண்டும்.
• சீட்டில் குறிப்பிடப்பட்ட அளவுக்கும், உண்மையில் கிடைத்த அளவுக்கும் இடையே ஏதேனும் வித்தியாசம் இருந்தால், அதை அலட்சியப்படுத்தாதீர்கள்.
• அத்தகைய சூழலில், புகார் அளிப்பது ஒரு வழியாகும்.
• இது அப்பிரச்சினை குறித்து நடவடிக்கை எடுக்கப்படுவதை உறுதி செய்யும்.

மேலும் படிக்க | 8வது ஊதியக் குழு: ஓய்வூதியதாரர்களுக்கு இனி 11 ஆண்டுகளிலேயே முழு பென்ஷன்? விதிகளில் மாற்றம்!

ரேஷன் பொருட்கள் பற்றி புகார் அளிப்பது எப்படி?

ரேஷன் கடை ஊழியர் மூலம் அளிக்கப்பட்ட சீட்டுக்கும் உண்மையில் கிடைத்த ரேஷன் பொருட்களின் அளவுக்கும் இடையே உள்ள எந்தவொரு முரண்பாட்டையும் அலட்சியப்படுத்தாதீர்கள். ரேஷன் அட்டைதாரர்கள் இந்த வழிகளில் புகார் அளிக்கலாம்:

'அன்ன சகாயதா' (Anna Sahayata) மொபைல் செயலி மூலம் புகார் அளிக்கலாம்.
சம்பந்தப்பட்ட துறையின் இணையதளம் மூலம் உங்கள் புகாரைப் பதிவு செய்யலாம். 
14457 என்ற எண்ணை அழைத்தும் நீங்கள் புகார் அளிக்கலாம். 
9868200445 என்ற எண்ணுக்கு வாட்ஸ்அப் (WhatsApp) செய்தி அனுப்பியும் புகார் அளிக்கலாம்.

சீட்டுக்கும் உண்மையில் கிடைத்த ரேஷன் பொருட்களின் அளவுக்கும் இடையே ஏதேனும் முரண்பாடு அல்லது முறைகேட்டை நீங்கள் கவனித்தால், அதை அலட்சியப்படுத்தாமல் மேலே உள்ள வழிகளில் உங்கள் புகாரைப் பதிவு செய்யலாம்.

ரேஷன் பொருட்களைப் பெற ஆதார் இணைப்பு கட்டாயமா?

ஆம்! ரேஷன் அட்டைதாரர்கள் ரேஷன் பொருட்களைப் பெற விரும்பினால், அவர்களது ரேஷன் அட்டை ஆதார் அட்டையுடன் இணைக்கப்பட்டிருக்க வேண்டும் (Aadhaar seeding). அவ்வாறு இணைக்கப்படாவிட்டால், இந்த அரசுச் சலுகையைப் பெற முடியாது. கைரேகை அல்லது கண் கருவிழிப் படல ஸ்கேன் (iris scan) மூலமான பயோமெட்ரிக் சரிபார்ப்புக்குப் பின்னரே ரேஷன் பொருட்கள் வழங்கப்படும்.

மேலும் படிக்க | அடல் பென்ஷன் திட்டம்: மாதம் வெறும் ரூ.210 டெபாசிட் செய்து ரூ.5,000 ஓய்வூதியம் பெறுவது எப்படி?

ரேஷன் பொருட்களைப் பெற ஆதார் அட்டையை இணைப்பது எப்படி?

• இதற்கு முதலில் உங்கள் மாநிலத்தின் பொது விநியோகத் திட்ட (PDS) இணையதளம் அல்லது உணவு மற்றும் குடிமைப் பொருள் வழங்கல் துறையின் அதிகாரப்பூர்வ இணையதளத்திற்கு செல்லவும்.
• முகப்புப் பக்கத்தில், உங்கள் ரேஷன் அட்டையுடன் ஆதாரை இணைப்பதற்கான விருப்பத்தைத் தேர்ந்தெடுக்கவும்.
• உங்கள் ரேஷன் அட்டை எண், குடும்பத் தலைவரின் பெயர் மற்றும் ஆதார் அட்டை எண் ஆகியவற்றை உள்ளிடவும்.
• உங்கள் ஆதாரில் பதிவு செய்யப்பட்ட மொபைல் எண்ணுக்கு ஒரு OTP (ஒரு முறை கடவுச்சொல்) அனுப்பப்படும்.
• சரிபார்ப்பிற்காக இந்த OTP-ஐ உள்ளிடவும்.
• கோரிக்கையைப் பதிவு செய்ய ‘Submit’ (சமர்ப்பி) என்பதைக் கிளிக் செய்யவும்.
• சரிபார்ப்புக்குப் பிறகு உங்கள் மொபைலில் உறுதிப்படுத்தல் செய்தி வரும்.

நேரடியாக (ஆஃப்லைனில்) ஆதார் அட்டையை இணைப்பது எப்படி?

• ஆன்லைனில் ஆதாரை இணைப்பதில் சிக்கல் இருந்தால், பயனாளிகள் நேரடியாகவும் (ஆஃப்லைனிலும்) இதைச் செய்யலாம்.
• இதைச் செய்ய, முதலில் உங்கள் அருகிலுள்ள ரேஷன் கடை அல்லது மாவட்ட வழங்கல் அலுவலரின் (DSO) அலுவலகத்திற்குச் செல்ல வெண்டும்.
• உங்கள் ரேஷன் அட்டை, குடும்ப உறுப்பினர்களின் ஆதார் அட்டைகளின் நகல்கள், குடும்பத் தலைவரின் புகைப்படம் மற்றும் உங்கள் வங்கிப் புத்தகத்தின் நகல் ஆகியவற்றை எடுத்துச் செல்லவும்.
• அங்குள்ள இயந்திரத்தில் பயோமெட்ரிக் சரிபார்ப்பு செயல்முறையை நிறைவு செய்யவும்.
• செயல்முறை முடிந்ததும், உங்கள் பதிவு செய்யப்பட்ட மொபைல் எண்ணுக்கு செயல்முறை நிணைவடைந்ததை உறுதிசெய்யும் செய்தி வரும்.

மேலும் படிக்க | தீபாவளிக்குள் கிலோ ரூ.100-ஐ எட்டும்! உச்சத்தில் அரிசி விலை.. விழிபிதுங்கும் சாமானியர்கள் - காரணம் என்ன?