24 நாட்கள் விடுமுறை! 2027-ல் எப்போதெல்லாம் லீவு? பட்டியலை வெளியிட்ட தமிழக அரசு

2027 அரசு விடுமுறை நாட்கள்

2027-ஆம் ஆண்டிற்கான பொது விடுமுறை நாட்களை தமிழக அரசு அறிவித்துள்ளது. பொது (பல்வகைத் துறை) சார்பில் தலைமைச் செயலாளர் மு.சாய் குமார், அரசாணை வெளியிட்டுள்ளார். 1881-ஆம் ஆண்டு செலாவணி முறிச்சட்டத்தின் கீழ் மாநில அரசு அலுவலகங்கள் மற்றும் தமிழ்நாட்டில் உள்ள அனைத்து வணிக வங்கிகள், கூட்டுறவு வங்கிகளுக்கும் பொது விடுமுறை நாட்கள் பொருந்தும்.

24 நாட்கள் அரசு விடுமுறை

மேலும் அனைத்து சனிக்கிழமை மற்றும் ஞாயிற்றுக்கிழமைகளும் அரசு விடுமுறை நாட்களாகும். இதனை தவிர, மொத்தமாக 2027ஆம் ஆண்டில் 24 நாட்கள் விடுமுறை அறிவிக்கப்பட்டுள்ளது. இதில் 8 நாட்கள் சனி, ஞாயிறுகளில் அரசு விடுமுறைகள் வருகிறது என தமிழக அரசு வெளியிட்ட பட்டியலில் தெரிவிக்கப்பட்டுள்ளது.

ஜனவரி முதல் டிசம்பர் வரை எத்தனை விடுமுறை நாட்கள்?

2027ஆம் ஆண்டில் ஆங்கில புத்தாண்டு ஜனவரி 1 வெள்ளிக்கிழமை, ஜனவரி 15ஆம் தேதி வெள்ளிக்கிழமை பொங்கல், ஜனவரி 16ஆம் தேதி திருவள்ளூர் தினம், ஜனவரி 17ஆம் தேதி ஞாயிற்றுகிழமை உழவர் திருநாள், ஜனவரி 22ஆம் தேதி வெள்ளிக்கிழமை தைப்பூசம், ஜனவரி 26ஆம் தேதி செவ்வாய்கிழமை குடியரசு தினம், மார்ச் 10ஆம் தேதி புதன்கிழமை ரம்ஜான், மார்ச் 26ஆம் தேதி வெள்ளிக்கிழமை புனித வெள்ளி, ஏப்ரல் 1ஆம் தேதி வங்கிகள் ஆண்டு கணக்கு முடிவு (வணிக வங்கிகள்/கூட்டுறவு வங்கிகளுக்கு மட்டும்) விடுமுறை அறிவிக்கப்பட்டுள்ளது.

கிருஷ்ண ஜெயந்தி, விஜயதசமி எப்போது?

மேலும், ஏப்ரல் 7ஆம் தேதி தெலுங்கு வருடப்பிறப்பு புதன்கிழமை, ஏப்ரல் 14ஆம் தேதி தமிழ்ப் புத்தாண்டு புதன்கிழமை, ஏப்ரல் 19ஆம் தேதி திங்கள்கிழமை மகாவீரர் ஜெயந்தி, மே 1ஆம் தேதி மே நாள் சனிக்கிழமை, மே 17ஆம் தேதி பக்ரீத் திங்கள்கிழமை, ஜென் 15அம் தேதி செவ்வாய்கிழமை மொகரம், ஆகஸ்ட் 15ஆம் தேதி ஞாயிற்றுகிழமை சுதந்திர தினம், ஆகஸ்ட் 25ஆம் தேதி புதன்கிழமை கிருஷ்ண ஜெயந்திக்கு விடுமுறை அறிவிக்கப்பட்டுள்ளது.

தீபாவளி பண்டிகைக்கு எப்போது விடுமுறை?

செப்டம்பர் 4ஆம் தேதி சனிக்கிழமை விநாயகர் சதுர்த்தி, அக்டோபர் 2ஆம் தேதி சனிக்கிழமை காந்தி ஜெயந்தி, அக்டோபர் 8ஆம் தேதி வெள்ளிக்கிழமை ஆயுதபூஜை, அக்டோபர் 9ஆம் தேதி சனிக்கிழமை விஜயதசமி, அக்டோபர் 28ஆம் தேதி வியாழன்கிழமை தீபாவளி, அக்டோபர் 25ஆம் தேதி கிருஸ்துமஸ் சனிக்கிழமை அன்று விடுமுறை என தெரிவிக்கப்பட்டுள்ளது.

சனி மற்றும் ஞாயிற்றுக்கிழமைகளில் 8 நாட்கள் விடுமுறை

இதில் மேலும் திருவள்ளுவர் நாள் (ஜனவரி 16), உழவர் திருநாள் (ஜனவரி 17), மே நாள் (மே 1), சுதந்திர நாள் (ஆகஸ்ட் 15), விநாயகர் சதுர்த்தி (செப்டம்பர் 4), காந்தி ஜெயந்தி (அக்டோபர் 2), விஜயதசமி (அக்டோபர் 9) மற்றும் கிறிஸ்துமஸ் (டிசம்பர் 25) ஆகியவை வார இறுதிநாட்களான சனி மற்றும் ஞாயிற்றுக்கிழமைகளில் வருகின்றன என்பது குறிப்பிடத்தக்கது.