தம்மாம் விமான நிலையத்தில் திடீர் தாக்குதல்... இந்தியர் உயிரிழப்பு -என்ன நடந்தது?

சவுதி அரேபியாவின் தம்மாம் நகரில் அமைந்துள்ள கிங் ஃபஹத் சர்வதேச விமான நிலையம் மீது புதன்கிழமை இரவு நடத்தப்பட்ட தாக்குதலில் ஒரு இந்தியர் உயிரிழந்துள்ளார். மேலும் இரண்டு இந்தியர்கள் காயமடைந்துள்ளதாக இந்திய வெளியுறவுத் துறை (MEA) தெரிவித்துள்ளது.

இந்த சம்பவம் இந்தியர்களிடையே பெரும் அதிர்ச்சியை ஏற்படுத்தியுள்ளது. தாக்குதலில் மொத்தம் இரண்டு பேர் உயிரிழந்ததாக சவுதி அதிகாரிகள் இந்திய அரசுக்கு தகவல் அளித்துள்ளனர். உயிரிழந்தவர்களில் ஒரு இந்திய குடிமகனும் அடங்குகிறார். காயமடைந்த இருவரும் மருத்துவமனையில் சிகிச்சை பெற்று வருவதாக கூறப்படுகிறது.

இந்திய அரசின் இரங்கல்

சம்பவம் குறித்து இந்திய வெளியுறவுத் துறை வெளியிட்ட அறிக்கையில், உயிரிழந்த இந்தியரின் குடும்பத்தினருக்கு ஆழ்ந்த இரங்கல் தெரிவிக்கப்பட்டுள்ளது. மேலும் காயமடைந்தவர்கள் விரைவில் குணமடைய வேண்டும் எனவும் வாழ்த்து தெரிவிக்கப்பட்டுள்ளது.

உயிரிழந்தவர் மற்றும் காயமடைந்தவர்கள் தொடர்பான கூடுதல் தகவல்களை சேகரிக்கும் பணியில் இந்திய அதிகாரிகள் ஈடுபட்டுள்ளனர். பாதிக்கப்பட்ட குடும்பங்களுடனும் தொடர்பு கொள்ளும் நடவடிக்கைகள் மேற்கொள்ளப்பட்டு வருகின்றன.

Saudi authorities have informed that one Indian national was among two people who unfortunately lost their lives in the attack on Dammam airport yesterday night and two Indian nationals were injured. We are ascertaining further details and contacting the affected families. Our thoughts and prayers are with the family and loved ones of the deceased and we wish speedy recovery of the injured. @MEAIndia

— India in Saudi Arabia (@IndianEmbRiyadh) October 22, 2026

மேலும் படிக்க - Explained : இனிமே போராட்டம் பண்ணக்கூடாது! சிறுவர்கள் போராடினாலும் பெற்றோருக்கு தண்டனை..

தாக்குதலால் ஏற்பட்ட சேதம்

சவுதி அரேபியாவின் சிவில் விமானப் போக்குவரத்து பொது ஆணையம் (GACA) வெளியிட்ட தகவலின்படி, அக்டோபர் 21 ஆம் தேதி மாலை இந்த தாக்குதல் நடைபெற்றுள்ளது. இதில் மனித உயிர்ச்சேதம் மட்டுமின்றி, விமான நிலைய சொத்துகளுக்கும் சேதம் ஏற்பட்டுள்ளது. சேதமடைந்த கட்டமைப்புகள் மற்றும் பொருட்களின் மதிப்பு தற்போது கணக்கிடப்பட்டு வருகிறது. பாதுகாப்பு அமைப்புகள் சம்பவம் குறித்த விசாரணையை தீவிரப்படுத்தியுள்ளன.

தாக்குதலின் முக்கிய விவரங்கள்

அமெரிக்காவின் பாதுகாப்பு நடவடிக்கை

இந்த தாக்குதலுக்கு மத்தியில், அமெரிக்க வெளியுறவுத்துறை சவுதி அரேபியாவில் பணியாற்றும் அவசர சேவையற்ற அரசு ஊழியர்கள் மற்றும் அவர்களது குடும்பத்தினரை வெளியேறுமாறு உத்தரவிட்டுள்ளது. பாதுகாப்பு சூழ்நிலை குறித்து கவலை தொடர்வதால் இந்த நடவடிக்கை எடுக்கப்பட்டதாக தெரிவிக்கப்பட்டுள்ளது.

அமெரிக்க வெளியுறவுத்துறையின் செய்தித் தொடர்பாளர் டாமி பிகாட் கூறுகையில், ஈரான் ஆதரவு பெற்ற ஹவுதி கிளர்ச்சியாளர்கள் சமீப காலமாக சவுதி அரேபியாவுக்கு எதிராக தாக்குதல்களை அதிகரித்துள்ளதாக தெரிவித்தார். குறிப்பாக பொதுமக்கள் பயன்படுத்தும் விமான நிலையங்கள் மற்றும் முக்கிய உள்கட்டமைப்புகள் இலக்காக வைக்கப்படுவதால் உயிரிழப்புகள் மற்றும் பயண தடைகள் உருவாகி வருவதாகவும் அவர் குறிப்பிட்டார்.

மேலும் படிக்க - உலகை உலுக்கும் போராட்டங்கள்.. Gen Z இளைஞர்களின் கோபத்திற்கு என்ன காரணம்? Explained