இந்திய அணியில் இந்த 3 வீரர்களுக்கு வாய்ப்பு... 4 ஓடிஐ பிளேயிங் 11ல் பெரிய மாற்றம்

முன்னிலையில் இந்திய அணி

நியூசிலாந்துக்கு சுற்றுப்பயணம் மேற்கொண்டுள்ள இந்திய அணி தற்போது ஓடிஐ தொடரில் விளையாடி வருகிறது. முதலிரண்டு போட்டியிலும் இந்திய அணி வெற்றி பெற்ற நிலையில், 3வது ஓடிஐ போட்டி மழையால் மொத்தமாக ரத்து செய்யப்பட்டது. இந்நிலையில், இந்திய அணி 2-0 என்ற கணக்கில் தொடரில் முன்னிலை பெற்றுள்ளது.

பாக்கியிருக்கும் 2 ஓடிஐ

4வது ஓடிஐ போட்டி நாளை (நவ.13) மவுண்ட் மவுங்கானுய் நகரில் நாளை நடைபெற இருக்கிறது. வரும் நவ. 15ஆம் தேதி 5வது ஓடிஐ போட்டி நடைபெற இருக்கிறது. ஓடிஐ தொடரை தொடர்ந்து வரும் நவ. 19ஆம் தேதி முதல் டெஸ்ட் போட்டி நடைபெற இருக்கிறது.

டெஸ்ட் அணியுடன் 3 ஓடிஐ வீரர்கள்

டெஸ்ட் தொடருக்கு தயாராகும் பொருட்டு சுப்மான் கில், கேஎல் ராகுல், அன்சுல் கம்போஜ் ஆகியோர் கடைசி இரண்டு ஓடிஐ போட்டிகளில் சேர்க்கப்படவில்லை. இவர் முதல் மூன்று ஓடிஐ போட்டிகளிலும் இந்திய அணியின் பிளேயிங் லெவனில் இடம்பெற்றிருந்ததால், நிச்சயம் நாளைய போட்டியில் பிளேயிங் லெவன் மாற்றம் செய்யப்படும்.

ஏற்படப்போகும் மாற்றங்கள் என்ன?

கேப்டனாக கில்லுக்கு பதில் ஷ்ரேயாஸ் ஐயர் செயல்படுவார். ரோஹித் சர்மா உடன் இஷான் கிஷன் ஓபனராக களமிறங்குவார், அவர் கேஎல் ராகுலுக்கு பதில் விக்கெட் கீப்பராகவும் செயல்படுவார். இதனால், மிடில் ஆர்டரில் கேஎல் ராகுல் இடத்தில் ருதுராஜ் கெய்க்வாட்டுக்கு வாய்ப்பளிக்கப்படும் என எதிர்பார்க்கப்படுகிறது. அன்சுல் கம்போஜிற்கு பதில் சிராஜ் களமிறக்கப்படலாம்.

இந்திய அணியின் பிளேயிங் 11 கணிப்பு

ரோஹித் சர்மா, இஷான் கிஷன் (விக்கெட் கீப்பர்), விராட் கோலி, ஷ்ரேயாஸ் ஐயர் (கேப்டன்), அக்சர் பட்டேல், ருதுராஜ் கெய்க்வாட், நமன் திர், ஆகிப் நபி, அர்ஷ்தீப் சிங், குர்னூர் பிரர், முகமது சிராஜ்.