எக்ஸ்ட்ரா காட்சிகளுடன் ஓடிடிக்கு வரும் ஜெயிலர் 2! எப்போது, எந்த தளத்தில் ரிலீஸ்? விவரம் இங்கே..

ஜெயிலர் 2வில் முத்துவேல் பாண்டியனாக ரஜினி

ஜெயிலர் 2 திரைப்படம் வெளியாகி, கிட்டத்தட்ட 20 நாட்கள் கடந்து விட்டது. ஆனால் இப்படம் இப்போதும் பல்வேறு தியேட்டர்களில் ஹவுஸ் ஃபுல்லாக போய்க்கொண்டிருக்கிறது. ரஜினிகாந்த் ‘முத்துவேல் பாண்டியன்’ கதாப்பாத்திரத்தில் நடித்திருக்கும் இந்த திரைப்படம் குறித்தும், அதன் ஓடிடி ரிலீஸ் குறித்தும் இங்கு விரிவாக காண்போம்.

Aurakanth ஆக மாறிய ரஜினிகாந்த்

ஜெயிலர் 2 திரைப்படத்தில் ரசிகர்களை மகிழ்விக்கும் காமெடி, ஆக்‌ஷன் என அனைத்தும் இருந்தது. அதைத்தாண்டி, ரஜினிகாந்த் ‘Aurakanth' ஆக மாறிய பல ஸ்லோ மோஷன் காட்சிகள் அவருடைய ரசிகர்களை மெய் சிலிர்க்க வைத்தன. இதனாலேயே ரஜினிகாந்தின் வெறித்தனமான ரசிகர்கள் பலர் ‘தலைவர் தரிசனம் பார்க்கணும்’ எனும் பெயரில் ஜெயிலர் 2 படத்தை 5-6 முறை கூட தியேட்டரில் பார்க்கின்றனர். குடும்பங்களுக்கு படம் பிடித்து விட்டதால், இதற்கு ரிப்பீட்டட் ஆடியன்ஸும் இருக்கின்றனர்.

ஜெயிலர் 2 வசூல் சாதனை

ஜெயிலர் 2 திரைப்படம், தற்போது வரை சுமார் ரூ.820+ கோடி வசூலித்து இண்டஸ்ட்ரி மெகா ஹிட் அடித்துள்ளது. இதுவரை, தமிழ் சினிமாவில் வெளியான படங்களிலேயே இதுதான் அதிக வசூல் பெற்ற படம் எனும் பெருமையை ஜெயிலர் 2 பெற்றிருக்கிறது. மேலும், படையப்பா, எந்திரன் பட வரிசையில், ஜெயிலர் 2 படத்திற்கும் இப்பெருமையை தேடி தந்திருக்கிறார் ரஜினிகாந்த்.

ஜெயிலர் 2 ஓடிடி ரிலீஸ்

ஜெயிலர் 2 திரைப்படத்தின் ஓடிடி ரிலீஸ் குறித்த தகவல் வெளியாகியிருக்கிறது. இப்படம் தியேட்டரில் ரிலீஸ் ஆன போதே இது அமேசான் ப்ரைம் தளத்தில் வெளியாகப்போகிறது என்பது அனைவருக்கும் தெரிந்து விட்டது. ஆனால் இன்னும் எந்த தேதியில் ரிலீஸ் ஆகும் என்பதுதான் யாருக்கும் தெரியவில்லை. தற்போது அது குறித்த அப்டேட்டும் வந்திருக்கிறது.

ஜெயிலர் 2 ஓடிடி ரிலீஸ் எக்ஸ்ட்ரா காட்சிகள்

ஜெயிலர் 2 திரைப்படம், அமேசான் ப்ரைம் தளத்தில் நவம்பர் 12ஆம் தேதி ரிலீஸ் ஆகும் என்று எதிர்பார்க்கப்படுகிறது. விதிமுறைப்படி, அந்த தேதியுடன் 4 வார Theatrical Run முடிவதால், அந்த தேதியில் ஓடிடியில் ரிலீஸ் ஆகலாம் என்று கூறப்படுகிறது. அது மட்டுமன்றி, இப்படத்தில் இருக்கும் எக்ஸ்ட்ரா காட்சிகள் சேர்க்கப்பட்டு ஓடிடியில் ரிலீஸ் ஆகப்போகிறது.