வங்கக்கடலில் உருவான ’முரசு புயல்’.. சென்னை, திருவள்ளூருக்கு ஆரஞ்சு அலர்ட்!

தமிழகத்தை நெருங்கும் முரசு புயல்

வங்கக்கடலில் உருவான முரசு புயல் ஆந்திராவை நோக்கி நகர்ந்து வருகிறது. இதன் காரணமாக தமிழகத்தின் வட மாவட்டங்களில் கனமழை பெய்ய வாய்ப்புள்ளதாக வானிலை ஆய்வு மையம் எச்சரித்துள்ளது.

நவம்பர் 3ல் கரையை கடக்கும்

தென்மேற்கு மற்றும் மத்திய மேற்கு வங்கக்கடல் பகுதிகளில் இன்று (நவம்பர் 1) காலை 11.30 மணிக்கு முரசு புயல் உருவானது. மேற்கு வடமேற்கு திசையில் நகரும் இந்த புயல், நவம்பர் 3 ஆம் தேதி காலை தெற்கு ஆந்திர கடலோர பகுதியில், குறிப்பாக நெல்லூர் அருகே கரையை கடக்கும் என கணிக்கப்பட்டுள்ளது.

திருவள்ளூருக்கு ஆரஞ்சு ஆலர்ட்

புயல் காரணமாக இன்று (நவம்பர் 1) திருவள்ளூர் மாவட்டத்திற்கு ஆரஞ்சு எச்சரிக்கை விடுக்கப்பட்டுள்ளது. இம்மாவட்டத்தில் ஓரிரு இடங்களில் மிக கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

இன்று 5 மாவட்டங்களில் கனமழை

இன்று சென்னை, செங்கல்பட்டு, காஞ்சிபுரம், ராணிப்பேட்டை, நீலகிரி ஆகிய 5 மாவட்டங்களில் கனமழை பெய்ய வாய்ப்புள்ளதாக தெரிவிக்கப்பட்டுள்ளது.

நாளை 4 மாவட்டங்களுக்கு எச்சரிக்கை

நவம்பர் 2 ஆம் தேதி 5 மாவட்டங்களில் கனமழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. அதாவது, செங்கல்பட்டு, காஞ்சிபுரம், ராணிப்பேட்டை மற்றும் வேலூர் ஆகிய மாவட்டங்களுக்கு எச்சரிக்கை விடுக்கப்பட்டுள்ளது.