இந்தியாவின் முதல் சுதந்திர தினத்தை காந்தி புறக்கணித்தது ஏன்? இதுதான் காரணமா..?

மகாத்மா காந்தி

இந்தியா சுதந்திரம் பெறுவதற்கு முக்கிய புள்ளியாக இருந்தவர்களுள் ஒருவர், மகாத்மா காந்தி. அகிம்சை வழியில் சென்று, வெள்ளையர்களையே அதிர வைத்தார். இந்த சமயத்தில், அவர் குறித்த இன்னொரு முக்கிய விஷயத்தை இங்கு தெரிந்து கொள்வோம்.

அகிம்சை ஹீரோ

மகாத்மா காந்தி, புதுடெல்லியில் நடந்த சுதந்திர தின விழாவை புறக்கணித்தார் என்பது உங்களுக்கு தெரியுமா? அதற்கு காரணம், கொல்கத்தாவில் அமைதியை மீட்டெடுக்கவும், பிரிவினையால் ஏற்பட்ட வகுப்புவாத கலவரங்களை கட்டுப்படுத்தவும் கலவரங்களுக்கு மத்தியில் கொல்கத்தாவில் அவர் உண்ணாவிரதம் இருந்ததாக கூறப்படுகிறது. இதனால், அவர் டெல்லியில் நடந்த சுதந்திர தின விழாவில் கலந்துகொள்ளவில்லையாம்.

ஐரிஷ் உச்சரிப்பும்..ஆங்கிலமும்

காந்தி, அந்த காலத்தில் அனைவரையும் விட நன்றாகவே ஆங்கிலத்தில் பேசுவார். இருப்பினும், அவரது ஆரம்பகால ஆசிரியர்களில் ஒருவர் ஐரிஷ்காரர். இதனால் அவர் ஐரிஷ் மொழி உச்சரிப்புடனேயே ஆங்கிலத்தில் பேசினார்.

நோபல் விருது பரிந்துரை

மகாத்மா காந்தி, அகிம்சை போராட்டம் மூலமாகத்தான் சுதந்திரம் பெற வேண்டும் என வலியுறுத்தினார். இதனால் அவருக்கு அமைதிக்கான நோபல் பரிசு ஐந்து முறை பரிந்துரைக்கப்பட்டது. இருப்பினும் ஒரு முறை கூட அவருக்கு அந்த விருது கிடைக்கவில்லை.

மகாத்மா பெயர் கொடுத்தவர்

காந்தியடிகளுக்கு, மகாத்மா எனும் பட்டத்தை வழங்கியவர் யார் தெரியுமா? வங்காள கவிஞர் ரவீந்திரநாத் தாகூர்தான். அதுவே பின்னாளில் அவருக்கான அடையாளமாக மாறியது.