தாய்மாமன் தங்க மோதிர திட்டம் : என்னென்ன ஆவணங்கள் சமர்பிக்க வேண்டும்? புதிய அப்டேட்

தாய்மாமன் தங்க மோதிரம் திட்டம்

1. 2,924 பச்சிளம் குழந்தைகளுக்குத் தங்க மோதிரம்: திருப்பத்தூர் மாவட்டத்தில் அரசு மருத்துவமனைகள் மற்றும் அரசு ஆரம்ப சுகாதார நிலையங்களில் கடந்த ஜூன் 22, 2026 முதல் பிறந்த 2,924 பச்சிளம் குழந்தைகள் 'தாய்மாமன் தங்க மோதிரம் திட்டத்தின்' கீழ் பயனடைந்துள்ளதாக மாவட்ட ஆட்சியர் வே.நல்லசிவன் தெரிவித்துள்ளார்.

மதுரை இராசாசி மருத்துவமனை

2. மதுரை இராசாசி மருத்துவமனையில் தொடங்கிய திட்டம்: தமிழ்நாடு முதலமைச்சர் அவர்களால் கடந்த செப்டம்பர் 28, 2026 அன்று மதுரை இராசாசி மருத்துவமனையில் "தாய்மாமன் தங்க மோதிரம் திட்டம்" அதிகாரப்பூர்வமாகத் தொடங்கி வைக்கப்பட்டது. இத்திட்டத்தின் மூலம் அரசு மருத்துவமனைகளில் பிறக்கும் பச்சிளம் குழந்தைகளுக்கு 1 கிராம் தங்க மோதிரம் வழங்கப்பட்டு வருகிறது.

ஜூன் 22 முதல் பிறந்த குழந்தைகளுக்குப் பலன்

3. ஜூன் 22 முதல் பிறந்த குழந்தைகளுக்குப் பலன்: அரசு மருத்துவமனைகள் மற்றும் அரசு ஆரம்ப சுகாதார நிலையங்களில் 22.06.2026 அன்று முதல் பிறக்கும் அனைத்துக் குழந்தைகளுக்கும் இந்த 1 கிராம் தங்க மோதிரம் வழங்கிடும் நடைமுறை தீவிரமாகச் செயல்படுத்தப்பட்டு வருகிறது.

பயன்பெறத் தேவையான 6 முக்கிய ஆவணங்கள்

4. பயன்பெறத் தேவையான 6 முக்கிய ஆவணங்கள்: இத்திட்டத்தில் தாய்மார்கள் பயனடைய e-KYC சரிபார்க்கப்பட்ட ஆதார் அட்டை, குடும்ப அட்டை, குடியிருப்புச் சான்றிதழ், வாக்காளர் அட்டை, தொழிலாளர் நல வாரிய அட்டை அல்லது அஞ்சல் துறை முகவரிச் சான்று ஆகிய 6 தமிழ்நாடு குடியிருப்புச் சான்றுகளில் ஏதேனும் ஒன்றைப் பெற்றிருக்க வேண்டும்.

வீட்டிற்கு அனுப்பும் போதே கைகளில் சேரும் மோதிரம்

5. வீட்டிற்கு அனுப்பும் போதே கைகளில் சேரும் மோதிரம்: அரசு மருத்துவமனைகளில் பிரசவம் முடிந்து தாய்மார்கள் குழந்தையுடன் வீடு திரும்பும் போதே, அந்தந்த மருத்துவமனைகளிலேயே உடனடியாக 1 கிராம் தங்க மோதிரம் வழங்கப்பட்டு வழியனுப்பி வைக்கப்படுகிறது.

நிறைந்தது மனம்' நிகழ்ச்சி

6. அரசு மருத்துவமனைகளை நாட ஆட்சியர் அழைப்பு: திருப்பத்தூரில் நடைபெற்ற 'நிறைந்தது மனம்' நிகழ்ச்சியில் பேசிய மாவட்ட ஆட்சியர், கர்ப்பிணித் தாய்மார்கள் அரசு ஆரம்ப சுகாதார நிலையங்கள் மற்றும் அரசு மருத்துவமனைகளில் பிரசவம் மேற்கொண்டு இத்திட்டத்தைப் பயன்படுத்திக்கொள்ளுமாறு கேட்டுக்கொண்டார்.