• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Tamil
  • செய்திகள்
  • வீடியோ
  • போட்டோ
  • ரீல்ஸ்
  • நகரம்

Add Zee Business As A Preferred Source
App
  • தமிழகம்
  • இந்தியா
  • உலகம்
  • சினிமா
  • விளையாட்டு
  • ஆன்மீகம்
  • பயனுள்ள தகவல்கள்
  • வேலைவாய்ப்பு
  • ஜி நியூஸ் தமிழ்
  • /போட்டோ
  • /கார்த்திகை தீபத்திற்குத் திருவண்ணாமலை போறீங்களா? தெற்கு ரயில்வே வெளியிட்ட சூப்பர் அறிவிப்பு!

கார்த்திகை தீபத்திற்குத் திருவண்ணாமலை போறீங்களா? தெற்கு ரயில்வே வெளியிட்ட சூப்பர் அறிவிப்பு!

Written ByShiva Murugesan
Published: Nov 19, 2026, 12:25 IST|Updated: Nov 19, 2026, 12:34 IST
joinshare
Karthigai Deepam Special Trains: திருவண்ணாமலை அருள்மிகு அண்ணாமலையார் கோயில் கார்த்திகை தீபத் திருவிழாவை முன்னிட்டு, பக்தர்களின் வசதிக்காகச் சென்னை கடற்கரை, தாம்பரம் மற்றும் விழுப்புரம் ஆகிய நகரங்களில் இருந்து இயக்கப்பட உள்ள முன்பதிவில்லா சிறப்பு மெமு (MEMU) ரயில்களின் முழு நேரப் பட்டியல் மற்றும் தேதிகள் குறித்த விவரங்களை இங்கே காணலாம்.

Karthigai Deepam Special Trains: திருவண்ணாமலை அருள்மிகு அண்ணாமலையார் திருக்கோயிலில் நடைபெறும் மகா தீபத் திருவிழாவை முன்னிட்டு லட்சக்கணக்கான பக்தர்கள் திருவண்ணாமலையை நோக்கி திரள உள்ளனர். மலை உச்சியில் ஏற்றப்படும் மகா தீபத்தை தரிசிப்பதும், புனித கிரிவலத்தில் பங்கேற்பதும் பக்தர்களின் வாழ்நாள் ஆசையாக கருதப்படுகிறது. இந்த நிலையில், கூட்ட நெரிசலைக் குறைத்து பாதுகாப்பான மற்றும் சிரமமற்ற பயணத்தை உறுதி செய்ய தெற்கு ரயில்வே சென்னை, தாம்பரம் மற்றும் விழுப்புரம் உள்ளிட்ட முக்கிய மையங்களில் இருந்து சிறப்பு முன்பதிவில்லா MEMU ரயில்களை இயக்குவதாக அறிவித்துள்ளது. பக்தர்கள் பயணத்தை முன்கூட்டியே திட்டமிட இந்த சிறப்பு ரயில் சேவைகளின் முழு விவரங்கள் இங்கே வழங்கப்பட்டுள்ளன.

Special Train For Tiruvannamalai Maha Deepam Festival1/7

திருவண்ணாமலை மகா தீபத் திருவிழாவுக்கு சிறப்பு ரயில் வசதி

உலகப் புகழ்பெற்ற கார்த்திகை மகா தீபத் திருவிழா ஒவ்வொரு ஆண்டும் திருவண்ணாமலையில் கோலாகலமாக நடைபெறுகிறது. இந்த ஆன்மீக நிகழ்வைக் காண தமிழகம் மட்டுமின்றி நாட்டின் பல்வேறு பகுதிகளிலிருந்தும் பக்தர்கள் திரளுகின்றனர். இதனால் சாலை மற்றும் ரயில் நிலையங்களில் அதிக நெரிசல் ஏற்படுவது வழக்கம். இதனை கருத்தில் கொண்டு, பக்தர்களின் பயணத்தை எளிதாக்க தெற்கு ரயில்வே சிறப்பு MEMU ரயில் சேவைகளை அறிமுகப்படுத்தியுள்ளது.
Chennai Beach–Tiruvannamalai Special Train2/7

சென்னை கடற்கரை-திருவண்ணாமலை சிறப்பு ரயில் விவரம்

சென்னை மற்றும் அதன் சுற்றுவட்டாரப் பகுதிகளில் இருந்து திருவண்ணாமலை செல்லும் பக்தர்களின் வசதிக்காக சென்னை கடற்கரையில் இருந்து சிறப்பு முன்பதிவில்லா மெமு ரயில் இயக்கப்படுகிறது. வரும் 23, 24 மற்றும் 25 ஆகிய மூன்று நாட்களும் காலை 6.20 மணிக்கு சென்னை கடற்கரை ரயில் நிலையத்தில் இருந்து புறப்படும் இந்தச் சிறப்பு ரயில், அதே நாள் நண்பகல் 11.40 மணிக்குத் திருவண்ணாமலையைச் சென்றடையும். தீபத் தரிசனம் முடித்து ஊர் திரும்பும் பக்தர்களுக்காக மறுமார்க்கத்தில் அதே நாட்களில் இரவு 11.55 மணிக்குத் திருவண்ணாமலையில் இருந்து புறப்பட்டு சென்னை கடற்கரைக்குச் சிறப்பு மெமு ரயில் இயக்கப்பட உள்ளது.
Tambaram - Tiruvannamalai Special Trains3/7

தாம்பரம் - திருவண்ணாமலை சிறப்பு ரயில்கள்

தாம்பரம் மற்றும் தென் சென்னைப் பகுதிகளைச் சேர்ந்த பக்தர்கள் எளிதாகத் திருவண்ணாமலை சென்று வர ஏதுவாகத் தாம்பரத்தில் இருந்து சிறப்பு ரயில்கள் அறிவிக்கப்பட்டுள்ளன. அதன்படி, வரும் 23, 24 மற்றும் 25 ஆகிய தேதிகளில் காலை 9.15 மணிக்கு தாம்பரத்தில் இருந்து புறப்படும் முன்பதிவில்லா சிறப்பு மெமு ரயில், அன்றைய தினம் மதியம் 1.30 மணிக்குத் திருவண்ணாமலையைச் சென்றடையும். தொடர்ந்து மறுமார்க்கத்தில் அதே நாட்களில் இரவு 10.25 மணிக்குத் திருவண்ணாமலையில் இருந்து புறப்படும் சிறப்பு மெமு ரயில் தாம்பரம் வந்தடையும் எனத் தெரிவிக்கப்பட்டுள்ளது.
Villupuram - Vellore and Tiruvannamalai Train Service4/7

விழுப்புரம் - வேலூர் மற்றும் திருவண்ணாமலை ரயில் சேவை

விழுப்புரம் வழியாகப் பயணிக்கும் பக்தர்களுக்காக இரண்டு வழித்தடங்களில் சிறப்பு ரயில்கள் இயக்கப்படுகின்றன. விழுப்புரத்தில் இருந்து வரும் 22, 23 மற்றும் 24 ஆகிய தேதிகளில் இரவு 10.40 மணிக்கு புறப்படும் முன்பதிவில்லா சிறப்பு மேமு ரயில் வேலூர் வரை இயக்கப்படுகிறது. மறுமார்க்கத்தில் வேலூரில் இருந்து 23, 24 மற்றும் 25 ஆகிய தேதிகளில் அதிகாலை 2.05 மணிக்குப் புறப்பட்டு விழுப்புரம் வந்தடையும். இதேபோல், திருவண்ணாமலையில் இருந்து வரும் 23, 24 மற்றும் 25 ஆகிய தேதிகளில் மாலை 6.20 மணிக்கு விழுப்புரத்திற்கு முன்பதிவில்லா சிறப்பு மெமு ரயில் இயக்கப்படும். அங்கிருந்து அதே நாட்களில் இரவு 8.00 மணிக்குத் திருவண்ணாமலைக்கு மறுமார்க்கச் சிறப்பு ரயில் இயக்கப்படும் எனத் தெற்கு ரயில்வே அதிகாரப்பூர்வமாக அறிவித்துள்ளது.
Tiruvannamalai - Villupuram Special Train Timetable5/7

திருவண்ணாமலை - விழுப்புரம் சிறப்பு ரயில் நேர அட்டவணை

திருவண்ணாமலையில் இருந்து விழுப்புரம் நோக்கி நவம்பர் 23, 24 மற்றும் 25 ஆகிய தேதிகளில் மாலை 6.20 மணிக்கு சிறப்பு MEMU ரயில் இயக்கப்படுகிறது. அதே நாட்களில் இரவு 8.00 மணிக்கு விழுப்புரத்தில் இருந்து திருவண்ணாமலைக்கு மறுமார்க்க ரயிலும் இயக்கப்படும் என்று தெற்கு ரயில்வே அதிகாரப்பூர்வமாக தெரிவித்துள்ளது. இந்த சேவை, அருகிலுள்ள மாவட்டங்களில் இருந்து வரும் பக்தர்களுக்கு கூடுதல் வசதியை ஏற்படுத்தும் வகையில் திட்டமிடப்பட்டுள்ளது.
Important Tips For Devotees to Note6/7

பக்தர்கள் கவனிக்க வேண்டிய முக்கிய தகவல்கள்

மகா தீபத் திருவிழா நாளில் வழக்கத்தை விட பல மடங்கு அதிகமான கூட்டம் இருக்கும் என்பதால், பக்தர்கள் பயண நேரத்தை முன்கூட்டியே திட்டமிடுவது அவசியம். அனைத்து சிறப்பு ரயில்களும் முன்பதிவில்லா MEMU ரயில்களாக இயங்குவதால், நிலையங்களுக்கு முன்கூட்டியே சென்று பயணம் மேற்கொள்வது சிறந்தது. மேலும், குழந்தைகள் மற்றும் முதியவர்களுடன் பயணம் செய்பவர்கள் பாதுகாப்பு முன்னெச்சரிக்கைகளை கடைப்பிடிக்க வேண்டும்.
Disclaimer7/7

பொறுப்புத் துறப்பு:

இந்த கட்டுரையில் மேற்குறிப்பிடப்பட்டுள்ள சிறப்பு ரயில்களின் நேரங்கள் தெற்கு ரயில்வே அறிவிப்பின்படி வழங்கப்பட்டுள்ளன. கடைசி நேர மாற்றங்களைத் தவிர்க்க, பயணத்திற்கு முன் ரயில்வேயின் அதிகாரப்பூர்வ இணையதளம் அல்லது 139 எண்ணில் நேரத்தை உறுதிப்படுத்திக் கொள்ளவும்.
TAGS:
Spirituality

டிரெண்டிங்

  • செய்திகள்
  • போட்டோ
  • வீடியோ
எல்.கே. சுதீஷ் – பூர்ணஜோதி சுதீஷ் திருமணத்தில் கலந்து கொண்டவர்கள் யார்?

எல்.கே. சுதீஷ் – பூர்ணஜோதி சுதீஷ் திருமணத்தில் கலந்து கொண்டவர்கள் யார்?

2

Explained : குழந்தைகளிடம் வாசிப்பு ஆர்வம் குறைவு..எதிர்காலத்தை பாதிக்கும்! எச்சரிக்கை

3

இதுவும் பாலியல் துன்புறுத்தலே... கள்ளக்குறிச்சி எம்எல்ஏ விவகாரம் - பொதுவெளியில் பெண் நீதிபதி பகீர்

4

Gold Price: அதிரடியாக குறையும் தங்கம் விலை.. மோடி மேஜிக் தான் காரணமா?

5

“குழந்தை பெத்துக்காேங்க..” இஸ்லாமியர்கள் அதிகரிப்பால் ட்ரம்ப் ஆதரவாளர் கொடுத்த ஐடியா..

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.