திருச்சி டூ யாழ்ப்பாணம்: 3 மாதத்திற்கு பின் விமான சேவை... இன்று முதல்...

ஜூனில் சேவை தடைப்பட்டது

கடந்த ஜூன் மாதம் மேற்கு ஆசிய போர் பதற்றம் காரணமாக திருச்சி - யாழ்ப்பாணம் இடையேயான இண்டிகோ ஏர்லைன்ஸ் (IndiGO Airlines) விமான சேவை தடைப்பட்டது.

மூன்று மாதங்களுக்கு பின்

இந்நிலையில், மூன்று மாதங்களுக்கு பின், அக்டோபர் 1ஆம் தேதியான இன்று முதல் திருச்சி - இடையேயான இண்டிகோ ஏர்லைன்ஸ் மீண்டும் தொடங்கப்பட்டுள்ளது. யாழ்ப்பாணம் சேர்த்து மொத்தம் 8 வெளிநாட்டு நகரங்களுக்கு திருச்சியில் இருந்து விமானம் இயக்கப்படுகிறது.

45 நிமிட பயணநேரம்

இந்த விமான சேவை வாரத்திற்கு முன்று நாட்கள் மட்டும் இயக்கப்படும். திருச்சியில் இருந்து மதியம் 1.05 மணிக்கு புறப்படும் இந்த விமானம், யாழ்ப்பாணத்திற்கு மதியம் 1.50 மணிக்கு சென்றடயைும். அதேபோல், மதியம் 2.35 மணிக்கு யாழ்ப்பாணத்தில் இருந்து புறப்படும் விமானம் மதியம் 3.25 மணிக்கு திருச்சி சென்றடையும். பயண நேரம் 45 - 50 நிமிடங்களே ஆகும்.

திருச்சிதான் இணைப்பு மையம்

திருச்சி - யாழ்ப்பாணம் விமான சேவை தொடங்கப்பட்டது இருதரப்புக்கும் பயனளிக்கக் கூடியதாகும். யாழ்ப்பாணத்தில் இருந்து சிங்கப்பூர் மற்றும் வளைகுடா நடாகுளுக்குச் செல்ல திட்டமிடும் பலரும் திருச்சியைதான் இணைப்பு விமான மையமாக பயன்படுத்துவார்கள் என கூறப்படுகிறது.

சுற்றுலாவுக்கு பயனளிக்கும்

அதேபோல், இலங்கையின் வடக்கு மாகாணத்தில் விமானப் போக்குவரத்து மீண்டம் தொடங்கப்படுவது, அதிகளவில் தமிழ் மக்கள் வசிக்கும் யாழ்ப்பாணத்திற்கு சுற்றுலா பயணிகள் செல்வதற்கு உதவியாக இருக்கும். இதன்மூலம், திருச்சி விமான நிலையத்தில் இயக்கப்படும் சர்வதேச விமானங்களின் எண்ணிக்கை 82 ஆக அதிகரித்துள்ளது.