• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Tamil
  • செய்திகள்
  • வீடியோ
  • போட்டோ
  • ரீல்ஸ்
  • நகரம்

Add Zee Business As A Preferred Source
App
  • தமிழகம்
  • இந்தியா
  • உலகம்
  • சினிமா
  • விளையாட்டு
  • ஆன்மீகம்
  • பயனுள்ள தகவல்கள்
  • வேலைவாய்ப்பு
  • ஜி நியூஸ் தமிழ்
  • /வேலைவாய்ப்பு
  • /IBPS வங்கிப் போட்டித் தேர்வுக்கான கட்டணமில்லா பயிற்சி வகுப்பு - தமிழ்நாடு அரசு அறிவிப்பு

IBPS வங்கிப் போட்டித் தேர்வுக்கான கட்டணமில்லா பயிற்சி வகுப்பு - தமிழ்நாடு அரசு அறிவிப்பு

IBPS RRB Free Coaching Classes in Tamil Nadu: IBPS வங்கிப் போட்டித் தேர்வுக்கான கட்டணமில்லா பயிற்சி வகுப்புகள் நடைபெற உள்ளதாக திருவள்ளூர் மாவட்ட ஆட்சியர் அறிவித்துள்ளார்.

Written ByKarthikeyan Sekar
Published: Nov 15, 2026, 13:33 IST|Updated: Nov 15, 2026, 13:38 IST
joinshare
IBPS வங்கிப் போட்டித் தேர்வுக்கான கட்டணமில்லா பயிற்சி வகுப்பு - தமிழ்நாடு அரசு அறிவிப்பு
Image Credit: IBPS RRB Free Coaching Classes in Tamil Nadu

About the Author

Karthikeyan Sekar

Karthikeyan Sekar

I have 10 years of experience in writing content for news, television, and digital media websites. I have extensive experience in government projects, politics, and other fields. I provide quality news with factual information.
Read More

டிரெண்டிங்

  • செய்திகள்
  • போட்டோ
  • வீடியோ
எல்.கே. சுதீஷ் – பூர்ணஜோதி சுதீஷ் திருமணத்தில் கலந்து கொண்டவர்கள் யார்?

எல்.கே. சுதீஷ் – பூர்ணஜோதி சுதீஷ் திருமணத்தில் கலந்து கொண்டவர்கள் யார்?

2

Explained : குழந்தைகளிடம் வாசிப்பு ஆர்வம் குறைவு..எதிர்காலத்தை பாதிக்கும்! எச்சரிக்கை

3

இதுவும் பாலியல் துன்புறுத்தலே... கள்ளக்குறிச்சி எம்எல்ஏ விவகாரம் - பொதுவெளியில் பெண் நீதிபதி பகீர்

4

Gold Price: அதிரடியாக குறையும் தங்கம் விலை.. மோடி மேஜிக் தான் காரணமா?

5

“குழந்தை பெத்துக்காேங்க..” இஸ்லாமியர்கள் அதிகரிப்பால் ட்ரம்ப் ஆதரவாளர் கொடுத்த ஐடியா..

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

IBPS RRB Free Coaching Classes in Tamil Nadu: வங்கித் துறையில் பணியாற்ற விரும்பும் இளைஞர்களுக்கு ஒரு பொன்னான வாய்ப்பாக, இந்திய வங்கிப் பணியாளர் தேர்வு நிறுவனம் (IBPS) நடத்தும் கிராமப்புற வங்கிகளுக்கான (Regional Rural Bank - RRB) போட்டித் தேர்வுகளுக்குத் தயாராகும் தேர்வர்களுக்காகத் திருவள்ளூர் மாவட்ட நிர்வாகம் சார்பில் கட்டணமில்லா நேரடிப் பயிற்சி வகுப்புகள் நடத்தப்பட உள்ளன. திருவள்ளூர் மாவட்ட வேலைவாய்ப்பு மற்றும் தொழில்நெறி வழிகாட்டும் மைய அலுவலக வளாகத்தில் நடைபெறவுள்ள இந்த இலவசப் பயிற்சி வகுப்புகள் குறித்த அதிகாரப்பூர்வ அறிவிப்பைத் திருவள்ளூர் மாவட்ட ஆட்சித் தலைவர் வெளியிட்டுள்ளார்.  

மேலும் படிக்க | சென்னை மாவட்ட வேலைவாய்ப்பு : டிகிரி முடித்தவர்கள் விண்ணப்பிக்கலாம்!

13,745 காலிப்பணியிடங்களுக்கான வங்கித் தேர்வு விவரம்

நாடு முழுவதும் உள்ள பிராந்திய கிராமப்புற வங்கிகளில் (IBPS Regional Rural Bank) காலியாக உள்ள 13,745 பணியிடங்களை நிரப்புவதற்கான போட்டித் தேர்வு அறிவிப்பு www.ibps.in என்ற அதிகாரப்பூர்வ இணையதளத்தில் வெளியிடப்பட்டுள்ளது. இந்தத் தேர்விற்கு விண்ணப்பிக்க விரும்புவோர் அங்கீகரிக்கப்பட்ட பல்கலைக்கழகத்தில் ஏதேனும் ஒரு இளங்கலைப் பட்டப்படிப்பை (Bachelor's Degree) முடித்திருக்க வேண்டும்.  

பதவிகள் வாரியான வயது வரம்பு மற்றும் தேர்வு முறை

இந்த ஆட்சேர்ப்பு அறிவிப்பின் கீழ் பல்வேறு நிலைகளில் உள்ள பதவிகளுக்குத் தனித்தனியான வயது வரம்புகள் நிர்ணயிக்கப்பட்டுள்ளன. அதன்படி, அலுவலக உதவியாளர் பதவிக்கு விண்ணப்பிப்பவர்கள் 18 வயது முதல் 28 வயதுக்குள்ளும், அதிகாரி நிலை-I பதவிக்கு 18 வயது முதல் 30 வயதுக்குள்ளும் இருக்க வேண்டும். மேலும், அதிகாரி நிலை-II பதவிக்கு 21 முதல் 32 வயது வரையிலும், அதிகாரி நிலை-III பதவிக்கு 21 முதல் 40 வயது வரையிலும் உள்ளவர்கள் விண்ணப்பிக்கலாம். அரசு விதிகளின்படி, ஆதிதிராவிடர் மற்றும் பழங்குடியினருக்கு 5 ஆண்டுகளும், பிற்படுத்தப்பட்ட வகுப்பினருக்கு (BC/MBC) 3 ஆண்டுகளும் வயது வரம்பில் தளர்வு வழங்கப்பட்டுள்ளது.  

இத்தேர்வுகளில் Office Assistants மற்றும் Officer Scale-I ஆகிய பதவிகளுக்கான போட்டித் தேர்வுகள் முதல்நிலைத் தேர்வு மற்றும் முதன்மைத் தேர்வு (Mains Exam) என இரண்டு நிலைகளில் நடைபெறும். இந்தத் தேர்வுகள் அனைத்தும் கணினி வழியில் கொள்குறி வகையில் அமைந்திருக்கும் என்பதுடன், தேர்வர்கள் தங்களது வட்டார மொழிகளிலும் (தமிழ் உட்பட) தேர்வெழுதும் வசதி வழங்கப்பட்டுள்ளது.  

பயிற்சி வகுப்புகளின் சிறப்பம்சங்கள் மற்றும் கால அட்டவணை

போட்டித் தேர்வர்களுக்கு உதவும் வகையில், வரும் வாரங்களில் திருவள்ளூர் மாவட்ட வேலைவாய்ப்பு மற்றும் தொழில்நெறி வழிகாட்டும் மைய வளாகத்தில் கட்டணமில்லா நேரடிப் பயிற்சி வகுப்புகள் தொடங்கப்பட உள்ளன. சிறந்த மற்றும் அனுபவம் வாய்ந்த பயிற்றுநர்களைக் கொண்டு நடத்தப்படும் இப்பயிற்சி வகுப்புகள், வார நாட்களில் திங்கட்கிழமை முதல் வெள்ளிக்கிழமை வரை காலை 10.00 மணி முதல் மதியம் 1.00 மணி வரை நடைபெறும்.  

இப்பயிற்சி வகுப்பில் கலந்துகொள்ளும் மாணவர்களுக்கு இலவச மாதிரித் தேர்வுகள் மற்றும் மாநில அளவிலான நேரடி முழு மாதிரித் தேர்வுகளும் நடத்தப்பட உள்ளன. இதுதவிர, www.tamilnaducareerservices.tn.gov.in என்ற தமிழ்நாடு அரசின் இணையதள முகவரி மூலமாகவும் தேர்வர்கள் மாதிரித் தேர்வுகளை எழுதிப் பயிற்சி பெறலாம். மேலும், IBPS மட்டுமின்றி பணியாளர் தேர்வாணையம் மற்றும் ரயில்வே தேர்வு வாரியம் ஆகிய போட்டித் தேர்வுகளுக்கான பயிற்சி வகுப்புகளையும் நடத்தத் திட்டமிடப்பட்டுள்ளது.  

விண்ணப்பிக்கும் முறை மற்றும் தொடர்பு எண்கள்

இந்தக் கட்டணமில்லா நேரடிப் பயிற்சி வகுப்பில் சேர்ந்து பயன்பெற விரும்பும் தகுதியுள்ள போட்டித் தேர்வர்கள், திருவள்ளூர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திற்கு நேரில் வருகை தர வேண்டும். நேரில் வரும்போது பூர்த்தி செய்யப்பட்ட விண்ணப்பத்துடன் இரண்டு பாஸ்போர்ட் அளவு புகைப்படங்கள் மற்றும் ஆதார் அட்டை நகல் ஆகியவற்றை இணைத்துச் சமர்ப்பித்துப் பயிற்சியில் இணைந்துகொள்ளலாம். இப்பயிற்சி வகுப்புகள் தொடர்பான கூடுதல் விவரங்கள் மற்றும் சந்தேகங்களுக்கு 9486253826 அல்லது 7639756839 ஆகிய தொலைபேசி எண்களைத் தொடர்பு கொள்ளலாம் என மாவட்ட ஆட்சித் தலைவர் தெரிவித்துள்ளார். 
 

Add Zee News as a Preferred Source
TAGS:
Tamil Nadu