சென்னை டூ விழுப்புரம்.. ரயில் சேவையில் அதிரடி மாற்றம்.. டைமிங் நோட் பண்ணுங்க

Southern Railway: தமிழகத்தில் முக்கிய போக்குவரத்துகளில் ஒன்றாக இருப்பது ரயில் சேவை. ரயில்களில் தினமும் லட்சக்கணக்கான பயணிகள் பயணித்து வருகின்றனர். தொலைதூர பயணங்களுக்கு பெரும்பாலும் ரயில்களில் மக்கள் பயணம் செய்து வருகிறது. இதற்கிடையில், தெற்கு ரயில்வே அவ்வப்போது ரயில் போக்குவரத்தில் சில மாற்றங்களை செய்து வருகிறது. அந்த வகையில் தற்போது முக்கிய அறிவிப்பை தெற்கு ரயில்வே வெளியிட்டுள்ளது.

விழுப்புரம் வழித்தடத்தில் போக்குவரத்து மாற்றம்

அக்டோபர் 7,9ஆம் தேகிதளல் தேதிகளில் பயணம் செய்யத் திட்டமிட்டுள்ள பயணிகள் கீழ்க்காணும் மாற்றங்களைக் கவனத்தில் கொள்ள வேண்டும். அக்டோபர் 7,9ஆம் தேதிகளில் திருச்சி கோட்டத்தில் பராமரிப்பு பணிகள்  நடைபெற உள்ளது. இதனையொட்டி, அவ்வழித்தடத்தில் செல்லும் ரயில் சேவையில் தெற்கு ரயில்வே மாற்றம் செய்துள்ளது.

எந்தெந்த ரயில் சேவையில் மாற்றம்?

• அக்டோபர் 7ஆம் தேதி திருப்பதி - புதுச்சேரி விரைவு ரயில் (16111) திருப்பதியில் இருந்து அதகாலை 4.10 மணிக்கு புறப்படும் இந்த ரயில், விழுப்புரம் வரை மட்டுமே இயக்கப்படும். அதாவது, விழுப்புரம் - புதுச்சேரி இடையே இந்த ரயில் பகுதியளவு ரத்து செய்யப்படுகிறது.
• அக்டோபர் 7ஆம் தேதி 66045 ரயில் எண் தாம்பரம் - விழுப்புரம் பாசஞ்சர் ரயில், தாம்பரத்தில் இருந்து காலை காலை 09:45 மணிக்கு புறப்பட்டு, முண்டியம்பாக்கம் ரயில் நிலையம் வரை மட்டுமே இயக்கப்படும். இந்த ரயில் விழுப்புரம் - முண்டியம்பாக்கம் இடையே பகுதியளவு ரத்து செய்யப்படுகிறது.

மேலும் படிக்க: போராட்டத்தில் ஈடுபட்ட செவிலியர்கள் கைது : மு.க ஸ்டாலின் உள்பட தலைவர்கள் கண்டனம்!

புறப்படும் இடம் மாற்றம்

• புதுச்சேரி – சென்னை எழும்பூர் பாசஞ்சர் (66052): நாளை (அக் 7) புதுச்சேரிக்குப் பதிலாக, விழுப்புரத்தில் இருந்து மாலை 04:49 மணிக்குச் சென்னைக்குப் புறப்படும். (புதுச்சேரி - விழுப்புரம் இடையே பகுதியளவு ரத்து) செய்யப்படுகறது.
• விழுப்புரம் – சென்னை கடற்கரை பாசஞ்சர் (66046): நாளை (அக்டோபர் 7) விழுப்புரத்திற்குப் பதிலாக, முண்டியம்பாக்கத்தில் இருந்து மதியம் 01:37 மணிக்குத் தொடங்கும். (விழுப்புரம் - முண்டியம்பாக்கம் இடையே ரத்து).
• விழுப்புரம் – மயிலாடுதுறை பாசஞ்சர் (66019): அக்டோபர் 9-ஆம் தேதி, விழுப்புரத்திற்குப் பதிலாக, மேல்பட்டாம்பாக்கத்தில் இருந்து பிற்பகல் 03:12 மணிக்குப் புறப்படும். (விழுப்புரம் - மேல்பட்டாம்பாக்கம் இடையே ரத்து) செய்யப்படுகிறது.

மேலும், நாளை (அக்டோபர் 7) சென்னை எழும்பூர் – குருவாயூர் எக்ஸ்பிரஸ் (16127) எழும்பூரிலிருந்து காலை 10:40 மணிக்குப் புறப்படும் இந்த ரயில், பயண வழியில் வசதிக்குரிய ஏதேனும் ஒரு ரயில் நிலையத்தில் சுமார் 20 நிமிடங்கள் நிறுத்தி வைக்கப்பட்டு, பின்னரே இயக்கப்படும் என தெற்கு ரயில்வே அறிவித்துள்ளது. விழுப்புரம், புதுச்சேரி, சென்னை மற்றும் மயிலாடுதுறை மார்க்கத்தில் தினமும் பயணம் செய்யும் அலுவலக செல்வோர் மற்றும் மாணவர்கள், இந்த மாற்றங்களைக் கவனத்தில் கொண்டு தங்களது பயணத் திட்டத்தை மாற்றி அமைத்துக்கொள்ளவும் என அறிவுறுத்தப்பட்டுள்ளது.

மேலும் படிக்க: சென்னை: போதையில் பைக் ரேஸ்.. ஒரே நாளில் 1047 வழக்குகள்.. புகார் எண் அறிவிப்பு