ஜந்தர் மந்தர் போராட்டம்: பாலியல் புகார்களுக்கு முன்னுரிமை -உச்ச நீதிமன்ற தலைமை நீதிபதி உத்தரவு

டெல்லி ஜந்தர் மந்தரில் நடைபெற்ற மாணவர்கள் போராட்டத்தின் போது, பெண் போராளிகள் மீது நடத்தப்பட்ட பாலியல் அத்துமீறல்கள் குறித்து அமைக்கப்பட்ட உயர்நிலைக் குழு முன்னுரிமை அளித்து விசாரணை நடத்த வேண்டும் என்று உச்ச நீதிமன்ற தலைமை நீதிபதி சூர்யகாந்த் உத்தரவிட்டுள்ளார்.

நீட் (NEET) உள்ளிட்ட பல்வேறு போட்டித் தேர்வுகளின் வினாத்தாள் கசிவு விவகாரத்தில், அப்போதைய மத்திய கல்வி அமைச்சர் தர்மேந்திர பிரதானின் ராஜினாமாவை வலியுறுத்தி மாணவர்கள் போராட்டம் நடத்தினர். ஜூலை 20 அன்று டெல்லி ஜந்தர் மந்தர் மற்றும் நாட்டின் பிற பகுதிகளில் நடந்த இப்போராட்டத்தில் காவல்துறையினர் அத்துமீறி செயல்பட்டதாகப் புகார்கள் எழுந்தன.

உயர்நிலைக் குழு மற்றும் பாலியல் புகார் விசாரணை

மாணவர்கள் மீதான காவல்துறை அத்துமீறல் குறித்து விசாரிக்க ஓய்வுபெற்ற நீதிபதி ஆர். சுபாஷ் ரெட்டி தலைமையில் 5 உறுப்பினர்கள் கொண்ட உயர்நிலைக் குழுவை உச்ச நீதிமன்றம் அமைத்துள்ளது.

முன்னுரிமை விசாரணை: பெண் போராளிகளுக்கு எதிரான பாலியல் வன்கொடுமை மற்றும் அத்துமீறல்கள் தொடர்பான புகார்களை இந்த உயர்நிலைக் குழு முதன்மை வழக்காக விசாரிக்க வேண்டும் என தலைமை நீதிபதி சூர்யகாந்த் அறிவுறுத்தியுள்ளார்.

நோடல் அதிகாரி நியமனம்: பாதிக்கப்பட்ட பெண்கள் எவ்வித பயமுமின்றி தங்களது புகார்களை நேரடியாகத் தெரிவிக்க வசதியாக, நோடல் அதிகாரி (Nodal Officer) ஒருவரை நியமிக்கக் குழுவின் தலைவருக்கு நீதிமன்றம் முழு அனுமதி அளித்துள்ளது.

இடைக்கால அறிக்கை: பாலியல் துன்புறுத்தல் புகார்கள் குறித்து ஆய்வு செய்து, உயர்நிலைக் குழு விரைவில் தனது இடைக்கால அறிக்கையை நீதிமன்றத்தில் சமர்ப்பிக்கும் என எதிர்பார்க்கப்படுகிறது.

மேலும் படிக்க - Explained | அரசுப் பள்ளிகளின் அவல நிலை.. மழையிலும் போராடிய மாணவிகள்! வெளியான அதிர்ச்சி தகவல்கள்

வழக்கறிஞர் கோரிக்கையும் உச்ச நீதிமன்றத்தின் பதிலும்

நீதிமன்ற விசாரணையின் போது வழக்கறிஞர் சோபா குப்தா வாதிடுகையில், "போராட்டத்தில் பங்கேற்ற மாணவிகள் மற்றும் பெண்களுக்கு எதிராக காவல்துறையினர் தவறாக நடந்து கொண்டுள்ளனர். இது தொடர்பான தகவல்கள் சமூக வலைதளங்களிலும் வெளியாகியுள்ளன. எனவே இந்த பாலியல் அத்துமீறல்கள் குறித்து உச்ச நீதிமன்றம் தானாக முன்வந்து (Suo Motu) வழக்குப்பதிவு செய்ய வேண்டும் எனக் கோரினார்.

மேலும் பாலியல் புகார்களை விசாரிக்க மாவட்ட நீதிபதி தலைமையில் தனிக் குழு அமைக்கப்பட வேண்டும் என்றும் அவர் வலியுறுத்தினார். இதற்குப் பதிலளித்த தலைமை நீதிபதி, "இந்த விவகாரம் ஏற்கனவே தீவிரமாக பரிசீலிக்கப்பட்டு, உயர்நிலைக் குழுவிடம் ஒப்படைக்கப்பட்டுள்ளது. இப்புகார்களுக்கு முன்னுரிமை அளிக்குமாறு குழுவிற்கு உத்தரவிடப்பட்டுள்ளது" எனத் தெளிவுபடுத்தினார்.

உயர்நிலைக் குழுவின் 5 முக்கிய உறுப்பினர்கள்

ஜந்தர் மந்தர் போராட்டத்தில் பெண்கள் மீதான வன்முறை மற்றும் பாலியல் அத்துமீறல் புகார்களுக்கு உச்ச நீதிமன்றம் அளித்துள்ள இந்த முக்கியத்துவம், பாதிக்கப்பட்ட மாணவர்களுக்கான நீதியை விரைவில் பெற்றுத்தரும் என எதிர்பார்க்கப்படுகிறது.

மேலும் படிக்க - ஐபோன் EMI தகராறு: மலை உச்சியில் நின்ற மகன்.. காப்பாற்ற சென்றபோது சோகம்! வைரல் வீடியோ!