நெதன்யாகு vs ஐசென்கோட்: இஸ்ரேல் தேர்தல் யாருக்கும் பெரும்பான்மை இல்லை! செக் வைக்கும் அரபு கட்சிகள் -Explained

இஸ்ரேலிய நாடாளுமன்றத் தேர்தலில் எந்தப் பிரிவுக்கும் பெரும்பான்மை கிடைக்காததால் ஆட்சி அமைப்பதில் இழுபறி நீடிக்கிறது. நெதன்யாகுவின் லிகூட் கட்சி 26 இடங்களையும், ஐசென்காட்டின் கூட்டணி 48 இடங்களையும் பெற்றுள்ளன. 19 இடங்களை வென்றுள்ள அரபு கட்சிகள் ஆதரவு அளித்தாலும், எதிர்க்கட்சியில் உள்ள வலதுசாரி தலைவர்களின் எதிர்ப்பால் ஐசென்காட்டால் எளிதில் ஆட்சி அமைக்க முடியாது. இதனால் நெதன்யாகு தலைமையிலான தேசிய ஒற்றுமை அரசு அமையலாம் அல்லது மீண்டும் தேர்தல் வரலாம்.

இஸ்ரேல் தேர்தல்: 90% வாக்குகள் எண்ணப்பட்டுள்ளது

சுமார் 90 சதவீத வாக்குகள் எண்ணப்பட்ட நிலையில், இஸ்ரேல் தேர்தலில் தெளிவான வெற்றி பெற்றவர் யாரும் இல்லை. எந்தவொரு முக்கிய அரசியல் கூட்டணியும் அரசாங்கத்தை அமைப்பதற்குத் தேவையான 61 இடங்களைப் பெறவில்லை. அல் ஜசீரா செய்தி நிறுவனத்தின் தகவல்படி, புதன்கிழமை (அக்டோபர் 28) இரவு 9 மணி நிலவரப்படி, இஸ்ரேலின் மத்திய தேர்தல் ஆணையம் ஐம்பது லட்சத்திற்கும் அதிகமான வாக்குகள் எண்ணப்பட்டதாகத் தெரிவித்துள்ளது.

மேலும் படிக்க - Israel Election Result 2026: யாருக்கும் பெரும்பான்மை இல்லை! இஸ்ரேலில் 'கிங்மேக்கர்' ஆன அரபுக் கட்சிகள்

பெஞ்சமின் நெதன்யாகு vs காடி ஐசென்கோட்  கூட்டணி வெற்றி பெற்ற இடங்கள்

இஸ்ரேல் தேர்தல் முடிவுகளின்படி, பிரதமர் பெஞ்சமின் நெதன்யாகு தலைமையிலான கூட்டணி, 120 உறுப்பினர்களைக் கொண்ட நாடாளுமன்றத்தில் (நெசெட்) 53 இடங்களைப் பெறும் என்று கணிக்கப்பட்டுள்ளது. அதே சமயம் காடி ஐசென்கோட் தலைமையிலான எதிர்க்கணிக்கணிப்பு 48 இடங்களைப் பெறும் என்று எதிர்பார்க்கப்படுகிறது.

அரபு அரசியல் வெற்றி பெற்ற இடங்கள்

அரபு அரசியல் கட்சிகளான 'ஜாயிண்ட் லிஸ்ட்' (Joint List) மற்றும் 'ராம்' (Ra’am) ஆகியவை இணைந்து மொத்தம் 19 இடங்களைப் பெறக்கூடும் என்று கணிக்கப்பட்டுள்ளது. இது இஸ்ரேல் நாடாளுமன்றத்தில் அரபு பிரதிநிதித்துவத்தைப் பொறுத்தவரை ஒரு சாதனையாக அமையலாம்.

இஸ்ரேல் தேர்தல் இறுதி முடிவுகள் எப்பொழுது வெளியாகும்?

இறுதி முடிவுகள் இன்று (வியாழக்கிழமை) மாலைக்குள் வெளியாகலாம். இருப்பினும் எந்தவொரு முக்கிய கூட்டணியும் ஆட்சி அமைப்பதற்கான தெளிவான பெரும்பான்மையைப் பெறுவதற்கான வாய்ப்பு குறைவாகவே உள்ளது.

நெதன்யாகு மீண்டும் ஆட்சி அமைப்பாரா?

பெஞ்சமின் நெதன்யாகுவின் 'லிகுட்' (Likud) கட்சி, 120 உறுப்பினர்களைக் கொண்ட நாடாளுமன்றத்தில் சுமார் 26 இடங்களுடன், இஸ்ரேல் தேர்தலில் மிகப்பெரிய கட்சியாக உருவெடுக்கும் என்று கணிக்கப்பட்டுள்ளது. அதேநேரம் இது தனித்து ஆட்சி அமைக்கப் போதுமானதல்ல. நெதன்யாகுவின் ஒட்டுமொத்த அரசியல் கூட்டணி 53 இடங்களையே பெறும் என்று எதிர்பார்க்கப்படுகிறது. இது பெரும்பான்மைக்குத் தேவையான 61 இடங்களை விடக் குறைவானதாகும்.

எனவே நெதன்யாகு பிற கட்சிகளுடன் பேச்சுவார்த்தை நடத்த வேண்டியிருக்கலாம் அல்லது எதிர்க்கட்சிகளுடன் இணைந்து 'தேசிய ஒற்றுமை அரசாங்கத்தை' (National Unity Government) அமைப்பது குறித்து பரிசீலிக்க வேண்டியிருக்கலாம். இந்தப் பேச்சுவார்த்தைகள் தோல்வியடைந்தால், இஸ்ரேல் மீண்டும் ஒரு தேர்தலைச் சந்திக்க நேரிடலாம்.

எதிர்கட்சியான காடி ஐசென்கோட் ஆட்சி அமைக்க அரபு கட்சிகளுடன் இணைவாரா?

நெதன்யாகுவின் முக்கிய போட்டியாளரான காடி ஐசென்கோட், 21 இடங்களைப் பெறுவார் என்று கணிக்கப்பட்டுள்ளது. ஆனால் பெரும்பான்மைக்குத் தேவையான 61 இடங்களை எட்ட, அவருக்கு 'ராம்' மற்றும் 'ஜாயிண்ட் லிஸ்ட்' ஆகிய இரண்டு அரபு கட்சிகளின் ஆதரவு தேவைப்படும். இந்த இரண்டு கட்சிகளும் இணைந்து 19 இடங்களைப் பெறும் என்று எதிர்பார்க்கப்படுகிறது,

ஆனால் ஐசென்கோட்டின் கூட்டணியில் உள்ள வலதுசாரி கட்சிகளில் இரண்டு கட்சிகள், அரபு கட்சிகள் இடம்பெறும் அரசாங்கத்தில் சேர எதிர்ப்பு தெரிவித்துள்ளன. மேலும் அரபு கட்சிகளின் வெளிப்படையான ஆதரவுடன் அமையும் சிறுபான்மை அரசாங்கத்தையும் அவை நிராகரித்துள்ளன. தற்போதைக்கு ஐசன்கோட் எந்தவொரு அரசாங்கத்தையும் அமைப்பது கடினமாக உள்ளது.

தேர்தல் முடிவுகள் நிச்சயமற்றதாக இருந்தாலும், இஸ்ரேலில் அரசியல் மாற்றத்தைக் கொண்டுவர முடியும் என்று ஐசன்கோட் நம்பிக்கை தெரிவித்துள்ளார்.

மேலும் படிக்க - இஸ்ரேல் தேர்தல் 2026: பாலஸ்தீன வாக்காளர்களின் முடிவு ஆட்சியை மாற்றுமா? -Explained

காடி ஐசென்கோட் X தள பதிவு

புதன்கிழமை X தளத்தில் அவர் பதிவிட்ட ஒரு பதிவில், "எங்களுக்கு ஒப்படைக்கப்பட்ட கடினமான பணியில் - இஸ்ரேலில் மாற்றத்தைக் கொண்டுவருவது மற்றும் ஒரு சியோனிச அணிதிரட்டல் அரசாங்கத்தை நிறுவுவது", தனது எதிர்க்கட்சி கூட்டணி கவனம் செலுத்துவதாக அவர் கூறினார்.

அவர் மேலும் கூறுகையில், "இது அக்டோபர் 7 ஆம் தேதி அரசாங்கத்தின் மீதும், கடமைத் தவறுதலின் மீதும், பொதுவாக கடமைத் தவறுதலாளர்களின் கூட்டமைப்பின் மீதும் நம்பிக்கையற்ற மக்களின் விருப்பமாகும். கடந்த இருபது ஆண்டுகளில் மிக மோசமான நிலையில் உள்ள ஒரு கூட்டமைப்பு இது."

מסיים יום ארוך של פגישות, שיחות והיערכות למען מימוש רצון הבוחר. מצפים לנו עוד ימי עבודה ארוכים, אך אנו ממוקדים במשימה הכבדה שהוטלה עלינו - הבאת שינוי לישראל והקמת ממשלת גיוס ציונית. זהו רצון העם שהביע אי-אמון בממשלת השבעה באוקטובר וההשתמטות ובגוש המשתמטים בכלל. גוש שנמצא בשפל של שני עשורים. אני חש את כובד האחריות והאמון שהעניקו לי מאות אלפי אזרחים ואזרחיות שמאמינים במדינת ישראל ובציונות. תודה לכם על האמון! בזכותכם עשינו היסטוריה - תוך שנה בלבד ייסדנו בישראל מפלגה כלל ישראלית חדשה שמהווה אלטרנטיבה שלטונית ראויה וממלכתית. תודה מעומק ליבי לכל המצביעים, לכל התומכים ולכל הפעילים ששטפו אתמול את הארץ. למענכם ועבורכם, נעמוד במשימה הגדולה שלפנינו. נעשה ונצליח. אני מתחייב🇮🇱

— Gadi Eisenkot - גדי איזנקוט (@gadi_eisenkot) October 28, 2026

அரபு கட்சிகளின் வெற்றி ஒரு திருப்புமுனையா?

இஸ்ரேலின் அடுத்த அரசாங்கத்தை யார் அமைப்பார்கள் என்பதைத் தீர்மானிப்பதில் அரபு கட்சிகள் தீர்க்கமான பங்கை வகிக்கக்கூடும். 120 உறுப்பினர்களைக் கொண்ட நெசெட்டில், கூட்டுப் பட்டியலும் ரா'ஆம் கட்சியும் இணைந்து 19 இடங்களை வெல்லும் என்று கணிக்கப்பட்டுள்ளது. இது கடும் போட்டி நிலவும் தேர்தலில் அவர்களுக்கு குறிப்பிடத்தக்க செல்வாக்கை அளிக்கக்கூடும்.

அதேநேரம் ஆட்சி அமைக்க ஒத்துழைப்பு என்பது அரசியல் ரீதியாக கடினமாகவே உள்ளது. கூட்டணியில் அரபு கட்சிகளைச் சேர்ப்பதையோ அல்லது அரசாங்கத்திற்கு வெளியே இருந்து அவர்களின் ஆதரவைச் சார்ந்திருப்பதையோ சில எதிர்க்கட்சி கூட்டணிக் கட்சிகள் எதிர்க்கின்றன. இத்தகைய ஒத்துழைப்பு சாத்தியம் என்பதைக் காட்டும் வகையில், ராம் கட்சி இதற்கு முன்னர் 2021 முதல் 2022 வரை இஸ்ரேலின் ஆளும் கூட்டணியில் இணைந்திருந்தது.

இஸ்ரேல் தேர்தல்: யாருக்கும் பெரும்பான்மை இல்லை

பெஞ்சமின் நெதன்யாகு ஆதரவை இழந்து, அரசாங்கத்தை அமைப்பதில் சவால்களை எதிர்கொண்டாலும், முன்னாள் இஸ்ரேலிய நாடாளுமன்ற உறுப்பினரும், தேசிய பாதுகாப்பு ஆய்வுக் கழகத்தின் மூத்த ஆய்வாளருமான ஓஃபர் ஷெலா, எதிர்க்கட்சி விரைவில் ஆட்சிக்கு வருவதற்கு வாய்ப்பில்லை என்று கூறினார்.

"நெதன்யாகு தலைமையிலான ஒரு தேசிய ஒற்றுமை அரசாங்கம் அமையலாம் அல்லது மற்றொரு தேர்தல் நோக்கி நகரலாம் என்ற சூழலும் இருப்பதாகவும் என ஷெலா சிஎன்என்-னிடம் கூறினார். நெதன்யாகு தலைமையிலான ஒரு ஒற்றுமை அரசாங்கமே அதிக சாத்தியமான விளைவாக இருக்கும் என்றும் அவர் கூறினார்.

தேர்தலுக்குப் பிந்தைய கருத்துக் கணிப்புகள் வெளியான பிறகு, முன்னாள் இராணுவத் தளபதி காடி ஐசன்கோட் தலைமையிலான ஒரு எதிர்க்கட்சி கூட்டணி ஆரம்பத்தில் சாத்தியமாகத் தோன்றியதாக ஷெலா கூறினார். ஆனால் அரசியல் சூழல் என்பது ஒரே இரவில் மாறிவிட்டது.

ஹாரெட்ஸ் பத்திரிகையின் தலைமை ஆசிரியர் அலுஃப் பென், காடி ஐசன்காட் ஒரு கடினமான முடிவை எதிர்கொள்கிறார் என்று கூறினார். மேலும் இந்த நிலைமையை எதிர்க்கட்சித் தலைவருக்கு "மிகவும் பதட்டமான சூழல்" மற்றும் "ஒரு பெரிய தர்மசங்கடம்" என்றும் அவர் விவரித்தார்.

பெஞ்சமின் நெதன்யாகு தலைமையிலான அரசாங்கத்தில் இணைவதை ஐசன்காட் முன்னதாக நிராகரித்திருந்தார். இருப்பினும் மற்றொரு தேர்தலைத் தடுப்பதற்கான அழுத்தம், அந்த நிலைப்பாட்டை மறுபரிசீலனை செய்ய அவரை நிர்பந்திக்கக்கூடும் என்று பென் சிஎன்என்-னிடம் கூறினார்.

எந்தவொரு கட்சி அல்லது கூட்டணிகளால் போதுமான ஆதரவைப் பெற முடியுமா என்பதைத் தீர்மானிக்க, அரசியல் தலைவர்கள் இறுதித் தேர்தல் முடிவுகளுக்காகக் காத்திருப்பார்கள் என்று பென் தெரிவித்தார்.

இறுதி முடிவுகள் அறிவிக்கப்பட்ட பிறகு, அடுத்த அரசாங்கத்தை அமைப்பதற்கான முதல் வாய்ப்பு எந்த அரசியல் தலைவருக்கு வழங்கப்பட வேண்டும் என்பதை இஸ்ரேலிய அதிபர் ஐசக் ஹெர்சாக் முடிவு செய்வார்.

இஸ்ரேல் தேர்தல் முடிவுகள்: யாருக்கு வாய்ப்பு?

அந்தத் தலைவர், கெனெசெட்டில் (இஸ்ரேலிய நாடாளுமன்றத்தில்) பெரும்பான்மையைப் பெறுவதற்காக மற்ற கட்சிகளுடன் உடன்படிக்கைகளை எட்ட வேண்டியிருக்கும். இந்த பேச்சுவார்த்தைகள் பல வாரங்கள் நீடிக்கக்கூடும்; ஒருவேளை அதன் முடிவிலும் அரசாங்கத்தை அமைக்க முடியாமல் போகவும் வாய்ப்புள்ளது.

மேலும் படிக்க - இஸ்ரேல் தேர்தல் 2026: உன்னிப்பாக கவனிக்கும் இந்தியா... ஏன்? காரணம் என்ன? -Explained