Independence Day 2026 Live: செங்கோட்டையில் பிரதமர் உரை; உயர்நீதிமன்றத்தில் தமிழ்த்தாய் வாழ்த்து

சென்னை உயர் நீதிமன்றத்தில் தமிழ்த்தாய் வாழ்த்துடன் சுதந்திர தின விழா நடைபெற்றது. வந்தே மாதரம் பாடலுடன் தொடங்கப்பட வேண்டும் என்ற சுற்றறிக்கையை திரும்பப் பெற்ற நிலையில், மாநிலத்தின் பாடலுக்கு முன்னுரிமை அளிக்கப்பட்டுள்ளது.

80வது சுதந்திர தினத்தையொட்டி டெல்லி செங்கோட்டையில் பிரதமர் நரேந்திர மோடி டெல்லியில் தேசியக்கொடி ஏற்றி, மக்கள் மத்தியில் உரையாற்றினார். அப்போது, அவர் இந்தியா வளர்ச்சியடைய 7 திட்டங்களை வகுத்துள்ளார். இது குறித்த முழு தகவலை இங்கு தெரிந்து கொள்வோம். (மேலும் படிக்க)

தமிழ்நாடு அரசின் தகைசால் தமிழர் விருது குறித்தும், இதுவரை இவ்விருதை பெற்றவர்கள் குறித்தும் விரிவாக படிக்க இந்த லிங்கை கிளிக் செய்யவும்.

“இது மிகவும் மகிழ்ச்சியான தருணம். நல்லாட்சியை வழங்க வேண்டும் என்பதுதான் அவரது இலக்கு. அடுத்த சுதந்திர தினத்திற்குள் அந்த இலக்கை அவர் நிறைவேற்றுவார். இது எனக்கு மிகவும் பெருமையான தருணம்.”

Chennai | CM Vijay's father Chandrasekhar says, "It is the happiest moment... His Target is to give good governance. By the next Independence Day, he will fulfill it. It's a proud moment for me." https://t.co/VK8QTnBcVm pic.twitter.com/psR00eybZD

— ANI (@ANI) August 15, 2026

டெல்லி: 80-வது சுதந்திர தினத்தை முன்னிட்டு, காங்கிரஸ் கட்சியின் தலைமையகத்தில் அக்கட்சியின் தலைவர் மல்லிகார்ஜுன கார்கே தேசியக் கொடியை ஏற்றினார். இந்நிகழ்வில் சிபிபி (CPP) தலைவி சோனியா காந்தி, மக்களவை எதிர்க்கட்சித் தலைவர் ராகுல் காந்தி உள்ளிட்டோர் கலந்துகொண்டனர்.

#WATCH | Delhi: Congress President Mallikarjun Kharge hoists the National Flag at party headquarters on 80th Independence Day. CPP chairperson Sonia Gandhi and LoP Lok Sabha Rahul Gandhi and others present pic.twitter.com/f32AwBfKnx

— ANI (@ANI) August 15, 2026

SBI Clerk Recruitment 2026: தமிழகத்தில் மட்டும் 1,410 காலியிடங்கள்

வங்கித் துறையில் அரசுப் பணியை விரும்பும் விண்ணப்பதாரர்களுக்கு ஒரு மகிழ்ச்சியான செய்தி கிடைத்துள்ளது. ஸ்டேட் பேங்க் ஆஃப் இந்தியா (SBI), ஜூனியர் அசோசியேட் (கிளார்க்) நிலையில் 9,000-க்கும் மேற்பட்ட பணியிடங்களுக்கான அறிவிப்பை வெளியிட்டுள்ளது... (மேலும் படிக்க)

வீரபாண்டியன் கட்டபொம்மன், முத்துராமலிங்க விஜயரகுநாத சேதுபதி, மருதுசகோதரர்கள் மற்றும் வ.உ.சிதம்பரனார் ஆகியோரின் வழிதோற்றலுக்கு வழங்கப்பட்டு வரும் மாதாந்திர சிறப்பு ஓய்வூதியம் ரூ.11,500ஆக உயர்த்தி வழங்கப்படும் என சுதந்திர தினவிழாவில் முதல்வர் விஜய் அறிவித்துள்ளார்.

மாநில அரசால் விடுதலை போராட்ட தியாகிகளின் குடும்பத்தினருக்கு வழங்கப்பட்டு வரும் மாதாந்திர குடும்ப ஓய்வூதியம் ரூ.12,500-ஆக உயர்த்தி வழங்கப்படும் என சென்னையில் நடந்த 80வது சுதந்திர தினவிழாவில் முதல்வர் விஜய் அறிவித்துள்ளார்.
 

மாற்றுத்திறன் கொண்ட முன்னாள் படைவீரர்களின் குடும்பத்திற்கான மாதாந்திர நிதியுதவி ரூ.5000லிருந்து ரூ.7000 ஆக உயர்த்தி  வழங்கப்படும் என சென்னையில் நடந்த சுதந்திர தினவிழாவில் முதல்வர் விஜய் அறிவித்துள்ளார்.
 

விடுதலை போராட்ட வீரர்களுக்கான மாநில அரசின் ஓய்வூதியம் ரூ.23,000 ஆக உயர்த்தப்படுவதாக சென்னையில் நடந்த 80வது சுதந்திர தினவிழாவில் முதல்வர் விஜய் அறிவித்துள்ளார்.

முன்னாள் படை வீரர்களின் 2 மகள்களுக்கு வழங்கும் திருமண நிதியுதவி ரூ.25,000ல் இருந்து ரூ.50,000ஆக உயர்த்தி வழங்கப்படும் என 80வது சுதந்திர தினவிழாவில் முதல்வர் விஜய் அறிவித்துள்ளார்.
 

சென்னை கோட்டையில் சுதந்திர தின விழா நிறைவடைந்த பிறகு, முதல்வர் விஜய் காரில் ஏறிச்சென்றார். அப்போது வழிநெடுக மக்கள் அவருக்காக நின்றுகொண்டிருந்தனர். உடனே காரில் இருந்து இறங்கி, நடந்து சென்று மக்களை நேரில் சந்தித்து வாழ்த்து தெரிவித்தார்.

சென்னை கோட்டை கொத்தளத்தில் முதலமைச்சர் விஜய் முதல்முறையாக கொடியேற்றி, விருதாளர்களுக்கு விருதுகளை வழங்கினார். இதைத் தொடர்ந்து பார்வையாளர்களுக்கு சுதந்திர தின வாழ்த்தையும் முதலமைச்சர் விஜய் தெரிவித்தார்.

வந்தே மாதரம் பாடலின் 150-வது ஆண்டு

இந்த ஆண்டு தேசியப் பாடலான வந்தே மாதரம் பாடலின் 150-வது ஆண்டாகும். செங்கோட்டையில் பிரதமர் மோடி தேசியக் கொடியை ஏற்றியபோது, ​​உள்நாட்டில் தயாரிக்கப்பட்ட 105 மிமீ 'லைட் ஃபீல்ட் கன்' பீரங்கிகளைக் கொண்டு 1721 ஃபீல்ட் பேட்டரி (சடங்குப் பிரிவு) மூலம் 21 குண்டுகள் முழங்க மரியாதை செலுத்தப்பட்டது... (மேலும் படிக்க)

சுதந்திர தினத்தை முன்னிட்டு என் நெஞ்சில் குடியிருக்கும் தமிழக மக்களுக்கு வாழ்த்துகள். லஞ்சம், ஊழலில் இருந்து தமிழ்நாட்டை காப்பதும் விடுதலைக்கு சமமானதுதான். 

நாட்டின் 80வது சுதந்திர தினத்தையொட்டி சென்னை கோட்டை கொத்தளத்தில் முதலமைச்சர் விஜய் முதல்முறையாக கொடியேற்று வைத்து, தற்போது மக்களுக்கு உரையாற்றி வருகிறார்.

80வது சுதந்திர தினத்தை முன்னிட்டு, சென்னை கோட்டை கொத்தளத்தில் முதலமைச்சர் ஜோசப் விஜய் முதல்முறையாக மூவர்ணக்கொடியை ஏற்றிவைத்து, கொடி வணக்கம் செலுத்தினார். தேசிய கீதம் பாடல் இசைக்கப்பட கொடியை ஏற்றிவைத்தார் முதலமைச்சர் விஜய்.

சுதந்திர தின விழாவை முன்னிட்டு சென்னை கோட்டைக்கு முதல்வர் விஜய் வருகை தந்தார். காவல்துறையின் அணிவகுப்பு மரியாதையை, திறந்த ஜீப் வாகனத்தில் சென்று முதல்வர் விஜய் ஏற்றுக்கொண்டார். முதல்வர் விஜய்க்கு சிங்கப்பெண் அதிரடிபடை மரியாதை செலுத்தினர்.

• நாடு முழுவதும் புதிதாக 5 அணு உலைகள் அமைக்க இலக்கு நிர்ணயிக்கப்பட்டுள்ளது.
• செயற்கை நுண்ணறிவு துறையில் நாம் அதிக கவனம் செலுத்த வேண்டும்.
• எரிசக்தி இல்லாமல் நாடு முன்னேறுவதற்கு வாய்ப்பில்லை என்பதால் அணுசக்திக்கு முக்கியத்துவம் அளிக்கப்படும்.
• வரும் 2047ஆம் ஆண்டுக்குள் 100 ஜிகாவாட் அணுசக்தி மின்சாரத்தை உற்பத்தி செய்ய இலக்கு நிர்ணயிக்கப்பட்டுள்ளது.