தர்மன் திரைப்படத்தில் நடிக்கும் டாப் நடிகை! விஷயம் டாப் சீக்ரெட்..யார் தெரியுமா?

அஸ்வத் மாரிமுத்து படம்

ஓ மை கடவுளே திரைப்படத்திற்கு பிறகு, ட்ராகன் படத்தை இயக்கி, மக்களை கவர்ந்தவர் அஸ்வத் மாரிமுத்து. இவருக்கு தற்போது சூப்பர் ஸ்டார் ரஜினிகாந்தை வைத்து படம் இயக்க வாய்ப்பு கிடைத்துள்ளது. அது மட்டுமல்ல, இந்த படத்தை ராஜ்கமல் ஃபிலிம்ஸ் இண்டர்நேஷனல் நிறுவனம் வாயிலாக கமல்ஹாசன் தயாரிக்கிறார்.

தர்மன் திரைப்படத்தின் படக்குழு

தர்மன் திரைப்படத்தில் சிம்ரன், ராஷி கண்ணா உள்ளிட்டோர் நடிப்பது ஏற்கனவே தெரிந்த விஷயம். இதில் நடிகை நயன்தாராவும் இணைந்திருப்பதாக தற்போது தகவல் வெளியாகி இருக்கிறது. இருப்பினும் இது குறித்த அதிகாரப்பூர்வ அறிவிப்பு வெளியாகவில்லை என்பது குறிபிடத்தக்கது.

ரஜினிகாந்த் நயன்தாரா படம்

நயன்தாரா ஏற்கனவே ரஜினியுடன் சேர்ந்து, சந்திரமுகி, தர்பார், அண்ணாத்த உள்ளிட்ட திரைப்படங்களில் நடித்திருக்கிறார். ஆனால் அதில் எல்லாம் ஹீரோயினாக நடித்திருந்தார். தர்மன் படத்தில் அவர் சில நிமிடங்களே வரும் காமியோ ரோலில் நடிக்க இருப்பதாக கூறப்படுகிறது.

தர்மன் 2ஆம் கட்ட படப்பிடிப்பு

தர்மன் திரைப்படத்தின் 2 கட்ட படப்பிடிப்பு முடிந்து, தற்போது 3ஆம் கட்ட படப்பிடிப்பு மைசூரில் நடந்து வருகிறது. இதில் சூப்பர் ஸ்டார் ரஜினிகாந்த் கலந்து கொண்டிருக்கிறார். இப்படத்தில் ராம் பொத்தினேனியும் நடிக்கிறார்.

தர்மன் எப்போது ரிலீஸ்

தர்மன் திரைப்படம், அடுத்த ஆண்டு பொங்கல் பண்டிகைக்கு வெளியாகும் என எதிர்பார்க்கப்படுகிறது. இது குறித்த முழு தகவலை இங்கு தெரிந்து கொள்வோம்.