CM விஜய் அறிவித்த தீபாவளி பரிசு... அரசு ஊழியர்கள், ஆசிரியர்களுக்கு DA உயர்வு

அகவிலைப்படி உயர்வு

அரசு அலுவலர்கள் மற்றும் ஆசிரியர்களின் நலனுக்கு முக்கியத்துவம் அளித்து, ஒன்றிய அரசுப் பணியாளர்களுக்கு 2026ஆம் ஆண்டு ஜூலை 1ஆம் தேதி முதல் அகவிலைப்படி 60 சதவீதத்தில் இருந்து 63 சதவீதமாக உயர்த்தப்பட்டுள்ளது.

ஜூலை 1 முதல்...

தொடர்ந்து, மாநில அரசு அலுவலர்கள் மற்றும் ஆசிரியர்களும் பயன்பெறும் வகையில், தமிழ்நாடு முதலமைச்சர் விஜய் இதனைப் பரிசீலித்து, ஜூலை 1ஆம் தேதி முதல் மாநில அரசுப் பணியாளர்களுக்கும் அகவிலைப்படியை உயர்த்தி வழங்க உத்தரவிடப்பட்டுள்ளது.

16 லட்சம் பேருக்கு குட் நியூஸ்

இதனால், 60 சதவீதமாக உள்ள அகவிலைப்படி 3 சதவீதம் உயர்ந்து முதல் 63 சதவீதமாக உயர்த்தி வழங்கப்படும். இந்த அகவிலைப்படி உயர்வால், சுமார் 16 லட்சம் அரசு அலுவலர்கள், ஆசிரியர்கள், ஓய்வூதியதாரர்கள், குடும்ப ஓய்வூதியதாரர்கள் பயன்பெறுவார்கள். அரசின் இந்த நடவடிக்கை, அரசு அலுவலர்கள், ஓய்வூதியதாரர்கள், ஆசிரியர்கள், குடும்ப ஓய்வூதியதாரர்கள் எதிர்வரும் தீபாவளிப் பண்டிகையை குடும்பத்துடன் மகிழ்ச்சியுடன் கொண்டாட வழிவகை செய்யும் என அரசு தரப்பில் தெரிவிக்கப்பட்டுள்ளது.

அரசுக்கு கூடுதல் செலவு

இதனால் ஆண்டு ஒன்றுக்கு அரசுக்கு 1,858 கோடி ரூபாய் கூடுதல் செலவினம் ஏற்படும். அரசு அலுவலர்கள், ஆசிரியர்கள், ஓய்வூதியதாரர்கள் மற்றும் குடும்ப ஓய்வூதியதாரர்கள் நலன் கருதி இதற்கான கூடுதல் நிதியை அரசு ஒதுக்கீடு செய்யும்.

அரசு ஊழியர்கள், ஆசிரியர்கள்

தமிழ்நாடு முதலமைச்சர் விஜய் தலைமையிலான அரசு மக்கள் நலனை முன்னிறுத்தி பல்வேறு நலத்திட்டங்களை வகுத்து, அவற்றைச் சிறப்பாகச் செயல்படுத்தி வருகிறது என்றும் இத்திட்டங்களை வடிவமைப்பதிலும், அவற்றைத் திறம்பட நடைமுறைப்படுத்துவதிலும் அரசு அலுவலர்கள் மற்றும் ஆசிரியர்கள் முக்கியப் பங்கினை வகித்து வருகின்றனர் என்றும் தமிழ்நாடு அரசின் செய்திகுறிப்பில் தெரிவிக்கப்பட்டுள்ளது.