மாதம் ரூ.12,000 உதவித்தொகை - தமிழ்நாடு அரசு வெளியிட்ட முக்கிய அறிவிப்பு

திண்டுக்கல்லில் தொழிற்பழகுநர் சேர்க்கை முகாம்

திண்டுக்கல்லில் தொழிற்பழகுநர் சேர்க்கை முகாம் : திண்டுக்கல் நத்தம் ரோடு, குள்ளனம்பட்டியில் உள்ள அரசு தொழிற்பயிற்சி நிலைய வளாகத்தில், பிரதம மந்திரி தேசிய தொழிற்பழகுநர் சேர்க்கை முகாம் வரும் அக்டோபர் 12 திங்கட்கிழமை அன்று காலை 9 மணி முதல் மாலை 4 மணி வரை நடைபெறவுள்ளது.

முன்னணி நிறுவனங்கள் பங்கேற்பு

முன்னணி நிறுவனங்கள் பங்கேற்பு : மத்திய திறன் மேம்பாட்டு அமைச்சகம் மற்றும் தமிழ்நாடு வேலைவாய்ப்புத் துறை இணைந்து நடத்தும் இம்முகாமில், திண்டுக்கல் மாவட்டத்தில் உள்ள பல்வேறு அரசு மற்றும் முன்னணித் தனியார் தொழில் நிறுவனங்கள் கலந்துகொண்டு தங்களுக்குத் தேவையான தொழிற்பிரிவுகளில் பயிற்சி பெற நபர்களைத் தேர்வு செய்யவுள்ளன.

மாத உதவித்தொகை சலுகை

மாத உதவித்தொகை சலுகை : இம்முகாம் மூலம் தொழிற்பழகுநராக சேர்க்கை செய்யப்படும் பயிற்சியாளர்களுக்கு, மாதாந்திர உதவித்தொகையாக குறைந்தபட்சம் ரூ.10,560 முதல் ரூ.12,000 வரை சம்பந்தப்பட்ட நிறுவனங்களால் வழங்கப்படும் எனத் தெரிவிக்கப்பட்டுள்ளது.

யாரெல்லாம் விண்ணப்பிக்கலாம்?

யாரெல்லாம் விண்ணப்பிக்கலாம்? : அரசு மற்றும் தனியார் ஐடிஐ-களில் தேர்ச்சி பெற்று இதுவரை தொழிற்பழகுநர் பயிற்சி முடிக்காதவர்கள் மற்றும் 8, 10, 12-ம் வகுப்பு தேர்ச்சி பெற்ற தகுதியுடைய இளைஞர்கள் இந்த அரிய வாய்ப்பைப் பயன்படுத்தி நேரில் பங்கேற்கலாம்.

நேரில் பங்கேற்க அழைப்பு

நேரில் பங்கேற்க அழைப்பு : விருப்பமுள்ளவர்கள் அக்டோபர் 12 அன்று காலை 9 மணிக்குத் தேவையான சான்றிதழ்களுடன் குள்ளனம்பட்டி அரசு ஐடிஐ வளாகத்திற்கு நேரில் வருகை தரலாம்; கூடுதல் விவரங்கள் அறிய 0451-2970049 என்ற தொலைபேசி எண்ணில் தொடர்பு கொள்ளலாம் என மாவட்ட ஆட்சித் தலைவர் தெரிவித்துள்ளார்