செளகார் ஜானகிக்கு இந்த பெயர் எப்படி வந்தது தெரியுமா? அவரின் உண்மை பெயர் இதுதான்!

சௌகார் ஜானகி

ஆந்திரா மாநிலம் ராஜமுந்திரியில் 1931ஆம் ஆண்டு பிறந்தவர் சௌகார் ஜானகி. ஆந்திராவில் பிறந்த சௌகார் ஜானகி, தமிழ், தெலுங்கு, மலையாளம் என சினிமாவில் கோலேச்சினார். 'வளையாபதி' என்கிற படத்தில் 1952ஆம் ஆண்டு நடித்து தமிழ் சினிமாவில் அறிமுகமானார்.

காலமானார்

சந்தானம் நடிப்பில் வெளியான பிஸ்கோத் படம் தமிழில் சௌகார் ஜானகி நடித்த கடைசி படமாகும். சௌகார் ஜானகி பணம் படுத்தும் பாடு, புதிய பறவை, நீர்க்குமிழி, மகாகவி, காளிதாஸ், உயர்ந்த மனிதன், தில்லு முல்லு, வெற்றி விழா, ஹேராம் உள்ளிட்ட படங்களில் நடித்து ஹிட் கொடுத்தார்.

400 திரைப்படங்கள்

கடந்த 70 ஆண்டுகளுக்கு மேலாக 400 திரைப்படங்களில் நடித்து சிறப்பான பங்களிப்பை கொடுத்தவர் சௌகார் ஜானகி. இவர் 4 முதல்வர்களுடன் நடித்துள்ளார். அதாவது, கருணாநிதி, எம்ஜிஆர், என்டிஆர், ஜெயலலிதா ஆகியோருடன் நடித்துள்ளார் சௌகார் ஜானகி. இப்படிப்பட்ட நடிகையான சௌகார் ஜானகி வயது மூப்பு காரணமாக இன்று காலமானார். இந்த நிலையில், நடிகை ஜானகிக்கு 'சௌகார்' என எப்படி பெயர் வந்தது என்பதை பார்ப்போம்.

சௌவுக்காரு

அதாவது, சௌகார் ஜானகியின் இயற்பெயர் சங்கரமஞ்சி ஜானகி ஆகும். இவர் 1950ஆம் ஆண்டு எல்.வி.பிரசாத் இயக்கத்தில் என்.டி.ராமராவ் நடிப்பில் வெளியான தெலுங்கு திரைப்படமான 'சௌவுக்காரு' மூலம் திரையுலகில் அறிமுகமானார். இந்த படம், அவரது திரைப்பயணத்தில் ஒரு திருப்புமுனையாக அமைந்தது. இந்த படத்தின் பெயரை அவரது பெயருடன் பிரிக்க முடியாத அளவுக்கு மாறியது.

சௌகார்

அவருக்கு சௌகார் ஜானகி என பெயர் வந்ததற்கு ’ஷாவுக்காரு' என்ற படமே காரணமாக இருந்தது. முதல் படமே வெற்றியை கொடுத்ததை அடுத்து, தனது பெயருக்கு முன்பு 'சௌகார்' என சேர்த்துக் கொண்டார். இந்த படத்திற்கு பிறகு, சௌகார் ஜானகி என அவர் அறியப்பட்டார்.