பூந்தமல்லி - வடபழனி மெட்ரோ சேவை நாளை முதல் நிறுத்தமா? அதிரடி அறிவிப்பு

பூந்தமல்லி - வடபழனி மெட்ரோ ரயில்

சென்னையில் மெட்ரோ ரயில்களில் தினமும் ஆயிரக்கணக்கான பயணிகள் பயணித்து வருகின்றனர். மெட்ரோ இரண்டாம் கட்ட பணிகள் நடந்து வரும் நிலையில், இதில் பூந்தமல்லி - வடபழனி இடையே மெட்ரோ ரயில் சேவை தொடங்கப்பட்டுள்ளது. அக்டோபர் 11ம் தேதி முதல் வடபழனி - பூந்தமல்லி இடையே மெட்ரோ ரயில் சேவை துவங்கப்பட்டது.

பூந்தமல்லி - வடபழனி இடையே நாளை முதல் மெட்ரோ ரயில் சேவை நிறுத்தமா?

பூவிருந்தவல்லி புறவழிச்சாலை மெட்ரோ இரயில் நிலையம் முதல் வடபழனி மெட்ரோ இரயில் நிலையம் வரை 15 கி.மீ. நீளத்திற்கு 11 உயர்மட்ட மெட்ரோ இரயில் நிலையங்களில் மெட்ரோ ரயில் சேவை இயக்கப்பட்டு வருகிறது. இந்த சேவை பயணிகள் மத்தியில் பெரும் வரவேற்பை பெற்று வருகிறது. இந்த நிலையில், பூந்தமல்லி - வடபழனி இடையே மெட்ரோ ரயில் சேவை நாளை முதல் நிறுத்தப்படும் என தகவல்கள் கசிந்தது.

வழக்கம் போல் மெட்ரோ ரயில்கள் இயக்கப்படும்

இதற்கு தற்போது மெட்ரோ நிர்வாகம் விளக்கம் அளித்துள்ளது. அதாவது, நாளை முதல் பூந்தமல்லி முதல் வடபழனி இடையே வழக்கம்போல் மெட்ரோ ரயில்கள் இயக்கப்படும் என்ற தகவலுக்கு மெட்ரோ நிர்வாகம் மறுப்பு தெரிவித்துள்ளது. பூந்தமல்லி - வடபழனி இடையே வழக்கம் போல் மெட்ரோ ரயில்கள் இயக்கப்படும் என மெட்ரோ ரயில் அதிகாரிகள் கூறியுள்ளனர்.

பூந்தமல்லி மெட்ரோ ரயில் கால அட்டவணையில் எவ்வித மாற்றமின்றி

மெட்ரோ ரயில் சேவைக்கான அனுமதி காலாவதியானதாக வெளியான தவறானது என தெரிவித்துள்ள மெட்ரோ நிர்வாகம், தொடர்ந்து, ரயில்களை இயக்குவதற்கான உரிய அனுமதி நடைமுறையில் உள்ளதாகவும், தற்போதைய கால அட்டவணையில் எவ்வித மாற்றமின்றி மெட்ரோ ரயில்கள் இயக்கப்படும் என அறிவிக்கப்பட்டுள்ளது.

மெட்ரோ ரயில் இயக்க தற்காலிக அனுமதி நீட்டிப்பு

போரூர் முதல் வடபழனி இடையே ரயிலை இயக்க பெறப்பட்ட தற்காலிக அனுமதி அடுத்த மாதம் நவம்பர் 30ஆம் தேதி வரை நீட்டிப்பு, கட்டுமானப் பணிகளை விரைந்து முடித்து நிரந்தர அனுமதி பெற நடவடிக்கை எடுக்கப்படும் என மெட்ரோ ரயில் அதிகாரிகள் விளக்கம் அளித்துள்ளனர்.