ரூ.5,000 வரை ரொக்கப் பரிசு: திருச்சியில் நவம்பர் 26-ல் தமிழ் பேச்சுப்போட்டி - பங்கேற்பது எப்படி

சிறப்புப் பேச்சுப்போட்டி

தமிழ் அறிஞர்களைப் போற்றும் சிறப்புப் பேச்சுப்போட்டி - தமிழ் அறிஞர்களின் இலக்கியப் பணிகளையும், அவர்கள் ஆற்றிய தமிழ்த் தொண்டுகளையும் நினைவுகூரும் வகையில் திருச்சிராப்பள்ளி மாவட்டத்தில் பள்ளி மற்றும் கல்லூரி மாணவர்களுக்காகத் தனித்தனியே மாவட்ட அளவிலான பேச்சுப்போட்டிகள் நடைபெற உள்ளன. இந்நிகழ்வை மாவட்ட ஆட்சித்தலைவர் அறிவித்துள்ளார்.

போட்டி நடைபெறும் நாள்

போட்டி நடைபெறும் நாள் மற்றும் இடம் - இப்பேச்சுப்போட்டிகள் வரும் 26.11.2026 அன்று திருச்சியில் உள்ள மாவட்ட மைய நூலகக் கூட்டரங்கில் நடைபெறவுள்ளன. திறமையுள்ள பள்ளி மற்றும் கல்லூரி மாணவர்கள் நேரடியாக இதில் கலந்துகொண்டு தங்களது தமிழ் மொழித் திறமையை வெளிப்படுத்தலாம்.

போட்டி நேரம்

போட்டி நேரம் மற்றும் பங்கேற்பதற்கான நிபந்தனை - பள்ளி மாணவர்களுக்கான போட்டிகள் காலை 9:30 மணிக்கும், கல்லூரி மாணவர்களுக்கான போட்டிகள் பிற்பகல் 2:00 மணிக்கும் தொடங்கும். போட்டியில் பங்கேற்க வரும் மாணவ, மாணவிகள் தங்களது பள்ளித் தலைமை ஆசிரியர் அல்லது கல்லூரி முதல்வரின் பரிந்துரைக் கடிதத்துடன் நேரில் வர வேண்டும்.

ரொக்கப் பரிசுகள் விவரம்

ரொக்கப் பரிசுகள் விவரம் - போட்டியில் வெற்றிபெறும் மாணவர்களுக்குத் தனித்தனியே ரொக்கப் பரிசுகள் அறிவிக்கப்பட்டுள்ளன. முதல் பரிசு பெறுபவருக்கு ரூ.5,000, இரண்டாம் பரிசு பெறுபவருக்கு ரூ.3,000 மற்றும் மூன்றாம் பரிசு பெறும் மாணவருக்கு ரூ.2,000 பரிசுத்தொகையாக வழங்கப்படும்

பரிசு மற்றும் சான்றிதழ்

பரிசு மற்றும் சான்றிதழ் வழங்கும் நாள் - பேச்சுப்போட்டியில் வெற்றிபெறும் சிறந்த பேச்சாளர்களுக்கு உரிய பரிசுத்தொகை மற்றும் பாராட்டுச் சான்றிதழ்கள் வரும் 03.12.2026 அன்று முறைப்படி வழங்கிச் சிறப்பிக்கப்பட உள்ளன. திருச்சிராப்பள்ளி மாவட்ட செய்தி மக்கள் தொடர்புத்துறை இதற்கான ஏற்பாடுகளை முன்னெடுத்துள்ளது